20John 20

1Una autem sabbati, Maria Magdalene venit mane, cum adhuc tenebræ essent, ad monumentum : et vidit lapidem sublatum a monumento.Select John 20:1

2Cucurrit ergo, et venit ad Simonem Petrum, et ad alium discipulum, quem amabat Jesus, et dicit illis : Tulerunt Dominum de monumento, et nescimus ubi posuerunt eum.Select John 20:2

3Exiit ergo Petrus, et ille alius discipulus, et venerunt ad monumentum.Select John 20:3

4Currebant autem duo simul, et ille alius discipulus præcucurrit citius Petro, et venit primus ad monumentum.Select John 20:4

5Et cum se inclinasset, vidit posita linteamina : non tamen introivit.Select John 20:5

6Venit ergo Simon Petrus sequens eum, et introivit in monumentum, et vidit linteamina posita,Select John 20:6

7et sudarium, quod fuerat super caput ejus, non cum linteaminibus positum, sed separatim involutum in unum locum.Select John 20:7

8Tunc ergo introivit et ille discipulus qui venerat primus ad monumentum : et vidit, et credidit :Select John 20:8

9nondum enim sciebant Scripturam, quia oportebat eum a mortuis resurgere.Select John 20:9

10Abierunt ergo iterum discipuli ad semetipsos.Select John 20:10

11Maria autem stabat ad monumentum foris, plorans. Dum ergo fleret, inclinavit se, et prospexit in monumentum :Select John 20:11

12et vidit duos angelos in albis sedentes, unum ad caput, et unum ad pedes, ubi positum fuerat corpus Jesu.Select John 20:12

13Dicunt ei illi : Mulier, quid ploras ? Dicit eis : Quia tulerunt Dominum meum : et nescio ubi posuerunt eum.Select John 20:13

14Hæc cum dixisset, conversa est retrorsum, et vidit Jesum stantem : et non sciebat quia Jesus est.Select John 20:14

15Dicit ei Jesus : Mulier, quid ploras ? quem quæris ? Illa existimans quia hortulanus esset, dicit ei : Domine, si tu sustulisti eum, dicito mihi ubi posuisti eum, et ego eum tollam.Select John 20:15

16Dicit ei Jesus : Maria. Conversa illa, dicit ei : Rabboni (quod dicitur Magister).Select John 20:16

17Dicit ei Jesus : Noli me tangere, nondum enim ascendi ad Patrem meum : vade autem ad fratres meos, et dic eis : Ascendo ad Patrem meum, et Patrem vestrum, Deum meum, et Deum vestrum.Select John 20:17

18Venit Maria Magdalene annuntians discipulis : Quia vidi Dominum, et hæc dixit mihi.Select John 20:18

19Cum ergo sero esset die illo, una sabbatorum, et fores essent clausæ, ubi erant discipuli congregati propter metum Judæorum : venit Jesus, et stetit in medio, et dixit eis : Pax vobis.Select John 20:19

20Et cum hoc dixisset, ostendit eis manus et latus. Gavisi sunt ergo discipuli, viso Domino.Select John 20:20

21Dixit ergo eis iterum : Pax vobis. Sicut misit me Pater, et ego mitto vos.Select John 20:21

22Hæc cum dixisset, insufflavit, et dixit eis : Accipite Spiritum Sanctum :Select John 20:22

23quorum remiseritis peccata, remittuntur eis : et quorum retinueritis, retenta sunt.Select John 20:23

24Thomas autem unus ex duodecim, qui dicitur Didymus, non erat cum eis quando venit Jesus.Select John 20:24

25Dixerunt ergo ei alii discipuli : Vidimus Dominum. Ille autem dixit eis : Nisi videro in manibus ejus fixuram clavorum, et mittam digitum meum in locum clavorum, et mittam manum meam in latus ejus, non credam.Select John 20:25

26Et post dies octo, iterum erant discipuli ejus intus, et Thomas cum eis. Venit Jesus januis clausis, et stetit in medio, et dixit : Pax vobis.Select John 20:26

27Deinde dicit Thomæ : Infer digitum tuum huc, et vide manus meas, et affer manum tuam, et mitte in latus meum : et noli esse incredulus, sed fidelis.Select John 20:27

28Respondit Thomas, et dixit ei : Dominus meus et Deus meus.Select John 20:28

29Dixit ei Jesus : Quia vidisti me, Thoma, credidisti : beati qui non viderunt, et crediderunt.Select John 20:29

30Multa quidem et alia signa fecit Jesus in conspectu discipulorum suorum, quæ non sunt scripta in libro hoc.Select John 20:30

31Hæc autem scripta sunt ut credatis, quia Jesus est Christus Filius Dei : et ut credentes, vitam habeatis in nomine ejus.Select John 20:31