8John 8

1Jesus autem perrexit in montem Oliveti :Select John 8:1

2et diluculo iterum venit in templum, et omnis populus venit ad eum, et sedens docebat eos.Select John 8:2

3Adducunt autem scribæ et pharisæi mulierem in adulterio deprehensam : et statuerunt eam in medio,Select John 8:3

4et dixerunt ei : Magister, hæc mulier modo deprehensa est in adulterio.Select John 8:4

5In lege autem Moyses mandavit nobis hujusmodi lapidare. Tu ergo quid dicis ?Select John 8:5

6Hoc autem dicebant tentantes eum, ut possent accusare eum. Jesus autem inclinans se deorsum, digito scribebat in terra.Select John 8:6

7Cum ergo perseverarent interrogantes eum, erexit se, et dixit eis : Qui sine peccato est vestrum, primus in illam lapidem mittat.Select John 8:7

8Et iterum se inclinans, scribebat in terra.Select John 8:8

9Audientes autem unus post unum exibant, incipientes a senioribus : et remansit solus Jesus, et mulier in medio stans.Select John 8:9

10Erigens autem se Jesus, dixit ei : Mulier, ubi sunt qui te accusabant ? nemo te condemnavit ?Select John 8:10

11Quæ dixit : Nemo, Domine. Dixit autem Jesus : Nec ego te condemnabo : vade, et jam amplius noli peccare.Select John 8:11

12Iterum ergo locutus est eis Jesus, dicens : Ego sum lux mundi : qui sequitur me, non ambulat in tenebris, sed habebit lumen vitæ.Select John 8:12

13Dixerunt ergo ei pharisæi : Tu de teipso testimonium perhibes ; testimonium tuum non est verum.Select John 8:13

14Respondit Jesus, et dixit eis : Et si ego testimonium perhibeo de meipso, verum est testimonium meum : quia scio unde veni et quo vado ; vos autem nescitis unde venio aut quo vado.Select John 8:14

15Vos secundum carnem judicatis : ego non judico quemquam ;Select John 8:15

16et si judico ego, judicium meum verum est, quia solus non sum : sed ego et qui misit me, Pater.Select John 8:16

17Et in lege vestra scriptum est, quia duorum hominum testimonium verum est.Select John 8:17

18Ego sum qui testimonium perhibeo de meipso, et testimonium perhibet de me qui misit me, Pater.Select John 8:18

19Dicebant ergo ei : Ubi est Pater tuus ? Respondit Jesus : Neque me scitis, neque Patrem meum : si me sciretis, forsitan et Patrem meum sciretis.Select John 8:19

20Hæc verba locutus est Jesus in gazophylacio, docens in templo : et nemo apprehendit eum, quia necdum venerat hora ejus.Select John 8:20

21Dixit ergo iterum eis Jesus : Ego vado, et quæretis me, et in peccato vestro moriemini. Quo ego vado, vos non potestis venire.Select John 8:21

22Dicebant ergo Judæi : Numquid interficiet semetipsum, quia dixit : Quo ego vado, vos non potestis venire ?Select John 8:22

23Et dicebat eis : Vos de deorsum estis, ego de supernis sum. Vos de mundo hoc estis, ego non sum de hoc mundo.Select John 8:23

24Dixi ergo vobis quia moriemini in peccatis vestris : si enim non credideritis quia ego sum, moriemini in peccato vestro.Select John 8:24

25Dicebant ergo ei : Tu quis es ? Dixit eis Jesus : Principium, qui et loquor vobis.Select John 8:25

26Multa habeo de vobis loqui, et judicare ; sed qui me misit, verax est ; et ego quæ audivi ab eo, hæc loquor in mundo.Select John 8:26

27Et non cognoverunt quia Patrem ejus dicebat Deum.Select John 8:27

28Dixit ergo eis Jesus : Cum exaltaveritis Filium hominis, tunc cognoscetis quia ego sum, et a meipso facio nihil, sed sicut docuit me Pater, hæc loquor :Select John 8:28

29et qui me misit, mecum est, et non reliquit me solum : quia ego quæ placita sunt ei, facio semper.Select John 8:29

30Hæc illo loquente, multi crediderunt in eum.Select John 8:30

31Dicebat ergo Jesus ad eos, qui crediderunt ei, Judæos : Si vos manseritis in sermone meo, vere discipuli mei eritis,Select John 8:31

32et cognoscetis veritatem, et veritas liberabit vos.Select John 8:32

33Responderunt ei : Semen Abrahæ sumus, et nemini servivimus umquam : quomodo tu dicis : Liberi eritis ?Select John 8:33

34Respondit eis Jesus : Amen, amen dico vobis : quia omnis qui facit peccatum, servus est peccati.Select John 8:34

35Servus autem non manet in domo in æternum : filius autem manet in æternum.Select John 8:35

36Si ergo vos filius liberaverit, vere liberi eritis.Select John 8:36

37Scio quia filii Abrahæ estis : sed quæritis me interficere, quia sermo meus non capit in vobis.Select John 8:37

38Ego quod vidi apud Patrem meum, loquor : et vos quæ vidistis apud patrem vestrum, facitis.Select John 8:38

39Responderunt, et dixerunt ei : Pater noster Abraham est. Dicit eis Jesus : Si filii Abrahæ estis, opera Abrahæ facite.Select John 8:39

40Nunc autem quæritis me interficere, hominem, qui veritatem vobis locutus sum, quam audivi a Deo : hoc Abraham non fecit.Select John 8:40

41Vos facitis opera patris vestri. Dixerunt itaque ei : Nos ex fornicatione non sumus nati : unum patrem habemus Deum.Select John 8:41

42Dixit ergo eis Jesus : Si Deus pater vester esset, diligeretis utique et me ; ego enim ex Deo processi, et veni : neque enim a meipso veni, sed ille me misit.Select John 8:42

43Quare loquelam meam non cognoscitis ? Quia non potestis audire sermonem meum.Select John 8:43

44Vos ex patre diabolo estis : et desideria patris vestri vultis facere. Ille homicida erat ab initio, et in veritate non stetit : quia non est veritas in eo : cum loquitur mendacium, ex propriis loquitur, quia mendax est, et pater ejus.Select John 8:44

45Ego autem si veritatem dico, non creditis mihi.Select John 8:45

46Quis ex vobis arguet me de peccato ? si veritatem dico vobis, quare non creditis mihi ?Select John 8:46

47Qui ex Deo est, verba Dei audit. Propterea vos non auditis, quia ex Deo non estis.Select John 8:47

48Responderunt ergo Judæi, et dixerunt ei : Nonne bene dicimus nos quia Samaritanus es tu, et dæmonium habes ?Select John 8:48

49Respondit Jesus : Ego dæmonium non habeo : sed honorifico Patrem meum, et vos inhonorastis me.Select John 8:49

50Ego autem non quæro gloriam meam : est qui quærat, et judicet.Select John 8:50

51Amen, amen dico vobis : si quis sermonem meum servaverit, mortem non videbit in æternum.Select John 8:51

52Dixerunt ergo Judæi : Nunc cognovimus quia dæmonium habes. Abraham mortuus est, et prophetæ ; et tu dicis : Si quis sermonem meum servaverit, non gustabit mortem in æternum.Select John 8:52

53Numquid tu major es patre nostro Abraham, qui mortuus est ? et prophetæ mortui sunt. Quem teipsum facis ?Select John 8:53

54Respondit Jesus : Si ego glorifico meipsum, gloria mea nihil est : est Pater meus, qui glorificat me, quem vos dicitis quia Deus vester est,Select John 8:54

55et non cognovistis eum : ego autem novi eum. Et si dixero quia non scio eum, ero similis vobis, mendax. Sed scio eum, et sermonem ejus servo.Select John 8:55

56Abraham pater vester exsultavit ut videret diem meum : vidit, et gavisus est.Select John 8:56

57Dixerunt ergo Judæi ad eum : Quinquaginta annos nondum habes, et Abraham vidisti ?Select John 8:57

58Dixit eis Jesus : Amen, amen dico vobis, antequam Abraham fieret, ego sum.Select John 8:58

59Tulerunt ergo lapides, ut jacerent in eum : Jesus autem abscondit se, et exivit de templo.Select John 8:59