5Lamentations 5

1Recordare, Domine, quid acciderit nobis ; intuere et respice opprobrium nostrum.Select Lamentations 5:1

2Hæreditas nostra versa est ad alienos, domus nostræ ad extraneos.Select Lamentations 5:2

3Pupilli facti sumus absque patre, matres nostræ quasi viduæ.Select Lamentations 5:3

4Aquam nostram pecunia bibimus ; ligna nostra pretio comparavimus.Select Lamentations 5:4

5Cervicibus nostris minabamur, lassis non dabatur requies.Select Lamentations 5:5

6Ægypto dedimus manum et Assyriis, ut saturaremur pane.Select Lamentations 5:6

7Patres nostri peccaverunt, et non sunt : et nos iniquitates eorum portavimus.Select Lamentations 5:7

8Servi dominati sunt nostri : non fuit qui redimeret de manu eorum.Select Lamentations 5:8

9In animabus nostris afferebamus panem nobis, a facie gladii in deserto.Select Lamentations 5:9

10Pellis nostra quasi clibanus exusta est, a facie tempestatum famis.Select Lamentations 5:10

11Mulieres in Sion humiliaverunt, et virgines in civitatibus Juda.Select Lamentations 5:11

12Principes manu suspensi sunt ; facies senum non erubuerunt.Select Lamentations 5:12

13Adolescentibus impudice abusi sunt, et pueri in ligno corruerunt.Select Lamentations 5:13

14Senes defecerunt de portis, juvenes de choro psallentium.Select Lamentations 5:14

15Defecit gaudium cordis nostri ; versus est in luctum chorus noster.Select Lamentations 5:15

16Cecidit corona capitis nostri : væ nobis, quia peccavimus !Select Lamentations 5:16

17Propterea mœstum factum est cor nostrum ; ideo contenebrati sunt oculi nostri,Select Lamentations 5:17

18propter montem Sion quia disperiit ; vulpes ambulaverunt in eo.Select Lamentations 5:18

19Tu autem, Domine, in æternum permanebis, solium tuum in generationem et generationem.Select Lamentations 5:19

20Quare in perpetuum oblivisceris nostri, derelinques nos in longitudine dierum ?Select Lamentations 5:20

21Converte nos, Domine, ad te, et convertemur ; innova dies nostros, sicut a principio.Select Lamentations 5:21

22Sed projiciens repulisti nos : iratus es contra nos vehementer.Select Lamentations 5:22