13Leviticus 13

1Locutusque est Dominus ad Moysen, et Aaron, dicens :Select Leviticus 13:1

2Homo, in cujus cute et carne ortus fuerit diversus color, sive pustula, aut quasi lucens quippiam, id est, plaga lepræ, adducetur ad Aaron sacerdotem, vel ad unum quemlibet filiorum ejus.Select Leviticus 13:2

3Qui cum viderit lepram in cute, et pilos in album mutatos colorem, ipsamque speciem lepræ humiliorem cute et carne reliqua : plaga lepræ est, et ad arbitrium ejus separabitur.Select Leviticus 13:3

4Sin autem lucens candor fuerit in cute, nec humilior carne reliqua, et pili coloris pristini, recludet eum sacerdos septem diebus :Select Leviticus 13:4

5et considerabit die septimo : et si quidem lepra ultra non creverit, nec transierit in cute priores terminos, rursum recludet eum septem diebus aliis.Select Leviticus 13:5

6Et die septimo contemplabitur : si obscurior fuerit lepra, et non creverit in cute, mundabit eum, quia scabies est : lavabitque homo vestimenta sua, et mundus erit.Select Leviticus 13:6

7Quod si postquam a sacerdote visus est, et redditus munditiæ, iterum lepra creverit : adducetur ad eum,Select Leviticus 13:7

8et immunditiæ condemnabitur.Select Leviticus 13:8

9Plaga lepræ si fuerit in homine, adducetur ad sacerdotem,Select Leviticus 13:9

10et videbit eum. Cumque color albus in cute fuerit, et capillorum mutaverit aspectum, ipsa quoque caro viva apparuerit :Select Leviticus 13:10

11lepra vetustissima judicabitur, atque inolita cuti. Contaminabit itaque eum sacerdos, et non recludet, quia perspicuæ immunditiæ est.Select Leviticus 13:11

12Sin autem effloruerit discurrens lepra in cute, et operuerit omnem cutem a capite usque ad pedes, quidquid sub aspectum oculorum cadit,Select Leviticus 13:12

13considerabit eum sacerdos, et teneri lepra mundissima judicabit : eo quod omnis in candorem versa sit, et idcirco homo mundus erit.Select Leviticus 13:13

14Quando vero caro vivens in eo apparuerit,Select Leviticus 13:14

15tunc sacerdotis judicio polluetur, et inter immundos reputabitur : caro enim viva, si lepra aspergitur, immunda est.Select Leviticus 13:15

16Quod si rursum versa fuerit in alborem, et totum hominem operuerit,Select Leviticus 13:16

17considerabit eum sacerdos, et mundum esse decernet.Select Leviticus 13:17

18Caro autem et cutis in qua ulcus natum est, et sanatum,Select Leviticus 13:18

19et in loco ulceris cicatrix alba apparuerit, sive subrufa, adducetur homo ad sacerdotem.Select Leviticus 13:19

20Qui cum viderit locum lepræ humiliorem carne reliqua, et pilos versos in candorem, contaminabit eum : plaga enim lepræ orta est in ulcere.Select Leviticus 13:20

21Quod si pilus coloris est pristini, et cicatrix subobscura, et vicina carne non est humilior, recludet eum septem diebus :Select Leviticus 13:21

22et si quidem creverit, adjudicabit eum lepræ ;Select Leviticus 13:22

23sin autem steterit in loco suo, ulceris est cicatrix, et homo mundus erit.Select Leviticus 13:23

24Caro autem et cutis, quam ignis exusserit, et sanata albam sive rufam habuerit cicatricem,Select Leviticus 13:24

25considerabit eam sacerdos : et ecce versa est in alborem, et locus ejus reliqua cute est humilior, contaminabit eum, quia plaga lepræ in cicatrice orta est.Select Leviticus 13:25

26Quod si pilorum color non fuerit immutatus, nec humilior plaga carne reliqua, et ipsa lepræ species fuerit subobscura, recludet eum septem diebus,Select Leviticus 13:26

27et die septimo contemplabitur : si creverit in cute lepra, contaminabit eum.Select Leviticus 13:27

28Sin autem in loco suo candor steterit non satis clarus, plaga combustionis est, et idcirco mundabitur, quia cicatrix est combusturæ.Select Leviticus 13:28

29Vir, sive mulier, in cujus capite vel barba germinaverit lepra, videbit eos sacerdos.Select Leviticus 13:29

30Et si quidem humilior fuerit locus carne reliqua, et capillus flavus, solitoque subtilior, contaminabit eos, quia lepra capitis ac barbæ est.Select Leviticus 13:30

31Sin autem viderit locum maculæ æqualem vicinæ carni, et capillum nigrum : recludet eum septem diebus,Select Leviticus 13:31

32et die septimo intuebitur. Si non creverit macula, et capillus sui coloris est, et locus plagæ carni reliquæ æqualis :Select Leviticus 13:32

33radetur homo absque loco maculæ, et includetur septem diebus aliis.Select Leviticus 13:33

34Si die septimo visa fuerit stetisse plaga in loco suo, nec humilior carne reliqua, mundabit eum : lotisque vestibus suis, mundus erit.Select Leviticus 13:34

35Sin autem post emundationem rursus creverit macula in cute,Select Leviticus 13:35

36non quæret amplius utrum capillus in flavum colorem sit immutatus, quia aperte immundus est.Select Leviticus 13:36

37Porro si steterit macula, et capilli nigri fuerint, noverit hominem sanatum esse, et confidenter eum pronuntiet mundum.Select Leviticus 13:37

38Vir, sive mulier, in cujus cute candor apparuerit,Select Leviticus 13:38

39intuebitur eos sacerdos. Si deprehenderit subobscurum alborem lucere in cute, sciat non esse lepram, sed maculam coloris candidi, et hominem mundum.Select Leviticus 13:39

40Vir, de cujus capite capilli fluunt, calvus et mundus est :Select Leviticus 13:40

41et si a fronte ceciderint pili, recalvaster et mundus est.Select Leviticus 13:41

42Sin autem in calvitio sive in recalvatione albus vel rufus color fuerit exortus,Select Leviticus 13:42

43et hoc sacerdos viderit, condemnabit eum haud dubiæ lepræ, quæ orta est in calvitio.Select Leviticus 13:43

44Quicumque ergo maculatus fuerit lepra, et separatus est ad arbitrium sacerdotis,Select Leviticus 13:44

45habebit vestimenta dissuta, caput nudum, os veste contectum, contaminatum ac sordidum se clamabit.Select Leviticus 13:45

46Omni tempore quo leprosus est et immundus, solus habitabit extra castra.Select Leviticus 13:46

47Vestis lanea sive linea, quæ lepram habuerit,Select Leviticus 13:47

48in stamine atque subtegmine, aut certe pellis, vel quidquid ex pelle confectum est,Select Leviticus 13:48

49si alba vel rufa macula fuerit infecta, lepra reputabitur, ostendeturque sacerdoti :Select Leviticus 13:49

50qui consideratam recludet septem diebus :Select Leviticus 13:50

51et die septimo rursus aspiciens, si deprehenderit crevisse, lepra perseverans est : pollutum judicabit vestimentum, et omne in quo fuerit inventa :Select Leviticus 13:51

52et idcirco comburetur flammis.Select Leviticus 13:52

53Quod si eam viderit non crevisse,Select Leviticus 13:53

54præcipiet, et lavabunt id in quo lepra est, recludetque illud septem diebus aliis.Select Leviticus 13:54

55Et cum viderit faciem quidem pristinam non reversam, nec tamen crevisse lepram, immundum judicabit, et igne comburet, eo quod infusa sit in superficie vestimenti, vel per totum, lepra.Select Leviticus 13:55

56Sin autem obscurior fuerit locus lepræ, postquam vestis est lota, abrumpet eum, et a solido dividet.Select Leviticus 13:56

57Quod si ultra apparuerit in his locis, quæ prius immaculata erant, lepra volatilis et vaga, debet igne comburi.Select Leviticus 13:57

58Si cessaverit, lavabit aqua ea, quæ pura sunt, secundo, et munda erunt.Select Leviticus 13:58

59Ista est lex lepræ vestimenti lanei et linei, staminis, atque subtegminis, omnisque supellectilis pelliceæ, quomodo mundari debeat, vel contaminari.Select Leviticus 13:59