19Leviticus 19

1Locutus est Dominus ad Moysen, dicens :Select Leviticus 19:1

2Loquere ad omnem cœtum filiorum Israël, et dices ad eos : Sancti estote, quia ego sanctus sum, Dominus Deus vester.Select Leviticus 19:2

3Unusquisque patrem suum, et matrem suam timeat. Sabbata mea custodite. Ego Dominus Deus vester.Select Leviticus 19:3

4Nolite converti ad idola, nec deos conflatiles faciatis vobis. Ego Dominus Deus vester.Select Leviticus 19:4

5Si immolaveritis hostiam pacificorum Domino, ut sit placabilis,Select Leviticus 19:5

6eo die quo fuerit immolata, comedetis eam, et die altero : quidquid autem residuum fuerit in diem tertium, igne comburetis.Select Leviticus 19:6

7Si quis post biduum comederit ex ea, profanus erit, et impietatis reus :Select Leviticus 19:7

8portabitque iniquitatem suam, quia sanctum Domini polluit, et peribit anima illa de populo suo.Select Leviticus 19:8

9Cumque messueris segetes terræ tuæ, non tondebis usque ad solum superficiem terræ, nec remanentes spicas colliges,Select Leviticus 19:9

10neque in vinea tua racemos et grana decidentia congregabis : sed pauperibus et peregrinis carpenda dimittes. Ego Dominus Deus vester.Select Leviticus 19:10

11Non facietis furtum. Non mentiemini, nec decipiet unusquisque proximum suum.Select Leviticus 19:11

12Non perjurabis in nomine meo, nec pollues nomen Dei tui. Ego Dominus.Select Leviticus 19:12

13Non facies calumniam proximo tuo nec vi opprimes eum. Non morabitur opus mercenarii tui apud te usque mane.Select Leviticus 19:13

14Non maledices surdo, nec coram cæco pones offendiculum : sed timebis Dominum Deum tuum, quia ego sum Dominus.Select Leviticus 19:14

15Non facies quod iniquum est, nec injuste judicabis. Non consideres personam pauperis, nec honores vultum potentis. Juste judica proximo tuo.Select Leviticus 19:15

16Non eris criminator, nec susurro in populo. Non stabis contra sanguinem proximi tui. Ego Dominus.Select Leviticus 19:16

17Non oderis fratrem tuum in corde tuo, sed publice argue eum, ne habeas super illo peccatum.Select Leviticus 19:17

18Non quæras ultionem, nec memor eris injuriæ civium tuorum. Diliges amicum tuum sicut teipsum. Ego Dominus.Select Leviticus 19:18

19Leges meas custodite. Jumentum tuum non facies coire cum alterius generis animantibus. Agrum tuum non seres diverso semine. Veste, quæ ex duobus texta est, non indueris.Select Leviticus 19:19

20Homo, si dormierit cum muliere coitu seminis, quæ sit ancilla etiam nubilis, et tamen pretio non redempta, nec libertate donata : vapulabunt ambo, et non morientur, quia non fuit libera.Select Leviticus 19:20

21Pro delicto autem suo offeret Domino ad ostium tabernaculi testimonii arietem :Select Leviticus 19:21

22orabitque pro eo sacerdos, et pro peccato ejus coram Domino, et repropitiabitur ei, dimitteturque peccatum.Select Leviticus 19:22

23Quando ingressi fueritis terram, et plantaveritis in ea ligna pomifera, auferetis præputia eorum : poma, quæ germinant, immunda erunt vobis, nec edetis ex eis.Select Leviticus 19:23

24Quarto autem anno omnis fructus eorum sanctificabitur, laudabilis Domino.Select Leviticus 19:24

25Quinto autem anno comedetis fructus, congregantes poma, quæ proferunt. Ego Dominus Deus vester.Select Leviticus 19:25

26Non comedetis cum sanguine. Non augurabimini, nec observabitis somnia.Select Leviticus 19:26

27Neque in rotundum attondebitis comam, nec radetis barbam.Select Leviticus 19:27

28Et super mortuo non incidetis carnem vestram, neque figuras aliquas aut stigmata facietis vobis. Ego Dominus.Select Leviticus 19:28

29Ne prostituas filiam tuam, ne contaminetur terra et impleatur piaculo.Select Leviticus 19:29

30Sabbata mea custodite, et sanctuarium meum metuite. Ego Dominus.Select Leviticus 19:30

31Non declinetis ad magos, nec ab ariolis aliquid sciscitemini, ut polluamini per eos. Ego Dominus Deus vester.Select Leviticus 19:31

32Coram cano capite consurge, et honora personam senis : et time Dominum Deum tuum. Ego sum Dominus.Select Leviticus 19:32

33Si habitaverit advena in terra vestra, et moratus fuerit inter vos, non exprobretis ei :Select Leviticus 19:33

34sed sit inter vos quasi indigena, et diligetis eum quasi vosmetipsos : fuistis enim et vos advenæ in terra Ægypti. Ego Dominus Deus vester.Select Leviticus 19:34

35Nolite facere iniquum aliquid in judicio, in regula, in pondere, in mensura.Select Leviticus 19:35

36Statera justa, et æqua sint pondera, justus modius, æquusque sextarius. Ego Dominus Deus vester, qui eduxi vos de terra Ægypti.Select Leviticus 19:36

37Custodite omnia præcepta mea, et universa judicia, et facite ea. Ego Dominus.Select Leviticus 19:37