27Leviticus 27

1Locutusque est Dominus ad Moysen, dicens :Select Leviticus 27:1

2Loquere filiis Israël, et dices ad eos : Homo qui votum fecerit, et spoponderit Deo animam suam, sub æstimatione dabit pretium.Select Leviticus 27:2

3Si fuerit masculus a vigesimo anno usque ad sexagesimum annum, dabit quinquaginta siclos argenti ad mensuram sanctuarii :Select Leviticus 27:3

4si mulier, triginta.Select Leviticus 27:4

5A quinto autem anno usque ad vigesimum, masculus dabit viginti siclos : femina, decem.Select Leviticus 27:5

6Ab uno mense usque ad annum quintum, pro masculo dabuntur quinque sicli : pro femina, tres.Select Leviticus 27:6

7Sexagenarius et ultra masculus dabit quindecim siclos : femina, decem.Select Leviticus 27:7

8Si pauper fuerit, et æstimationem reddere non valebit, stabit coram sacerdote : et quantum ille æstimaverit, et viderit eum posse reddere, tantum dabit.Select Leviticus 27:8

9Animal autem, quod immolari potest Domino, si quis voverit, sanctum erit,Select Leviticus 27:9

10et mutari non poterit, id est, nec melius malo, nec pejus bono : quod si mutaverit, et ipsum quod mutatum est, et illud pro quo mutatum est, consecratum erit Domino.Select Leviticus 27:10

11Animal immundum, quod immolari Domino non potest, si quis voverit, adducetur ante sacerdotem :Select Leviticus 27:11

12qui judicans utrum bonum an malum sit, statuet pretium.Select Leviticus 27:12

13Quod si dare voluerit is qui offert, addet supra æstimationem quintam partem.Select Leviticus 27:13

14Homo si voverit domum suam, et sanctificaverit Domino, considerabit eam sacerdos utrum bona an mala sit, et juxta pretium, quod ab eo fuerit constitutum, venundabitur :Select Leviticus 27:14

15sin autem ille qui voverat, voluerit redimere eam, dabit quintam partem æstimationis supra, et habebit domum.Select Leviticus 27:15

16Quod si agrum possessionis suæ voverit, et consecraverit Domino, juxta mensuram sementis æstimabitur pretium : si triginta modiis hordei seritur terra, quinquaginta siclis venundetur argenti.Select Leviticus 27:16

17Si statim ab anno incipientis jubilæi voverit agrum, quanto valere potest, tanto æstimabitur.Select Leviticus 27:17

18Sin autem post aliquantum temporis, supputabit sacerdos pecuniam juxta annorum, qui reliqui sunt, numerum usque ad jubilæum, et detrahetur ex pretio.Select Leviticus 27:18

19Quod si voluerit redimere agrum ille qui voverat, addet quintam partem æstimatæ pecuniæ, et possidebit eum.Select Leviticus 27:19

20Sin autem noluerit redimere, sed alteri cuilibet fuerit venundatus, ultra eum qui voverat redimere non poterit.Select Leviticus 27:20

21Quia cum jubilæi venerit dies, sanctificatus erit Domino, et possessio consecrata ad jus pertinet sacerdotum.Select Leviticus 27:21

22Si ager emptus est, et non de possessione majorum sanctificatus fuerit Domino,Select Leviticus 27:22

23supputabit sacerdos juxta annorum numerum usque ad jubilæum, pretium : et dabit ille qui voverat eum, Domino.Select Leviticus 27:23

24In jubilæo autem revertetur ad priorem dominum, qui vendiderat eum, et habuerat in sorte possessionis suæ.Select Leviticus 27:24

25Omnis æstimatio siclo sanctuarii ponderabitur. Siclus viginti obolos habet.Select Leviticus 27:25

26Primogenita, quæ ad Dominum pertinent, nemo sanctificare poterit et vovere : sive bos, sive ovis fuerit, Domini sunt.Select Leviticus 27:26

27Quod si immundum est animal, redimet qui obtulit, juxta æstimationem tuam, et addet quintam partem pretii : si redimere noluerit, vendetur alteri quantocumque a te fuerit æstimatum.Select Leviticus 27:27

28Omne quod Domino consecratur, sive homo fuerit, sive animal, sive ager, non vendetur, nec redimi poterit. Quidquid semel fuerit consecratum, Sanctum sanctorum erit Domino :Select Leviticus 27:28

29et omnis consecratio, quæ offertur ab homine, non redimetur, sed morte morietur.Select Leviticus 27:29

30Omnes decimæ terræ, sive de frugibus, sive de pomis arborum, Domini sunt, et illi sanctificantur.Select Leviticus 27:30

31Si quis autem voluerit redimere decimas suas, addet quintam partem earum.Select Leviticus 27:31

32Omnium decimarum bovis et ovis et capræ, quæ sub pastoris virga transeunt, quidquid decimum venerit, sanctificabitur Domino.Select Leviticus 27:32

33Non eligetur nec bonum nec malum, nec altero commutabitur, si quis mutaverit : et quod mutatum est, et pro quo mutatum est, sanctificabitur Domino, et non redimetur.Select Leviticus 27:33

34Hæc sunt præcepta, quæ mandavit Dominus Moysi ad filios Israël in monte Sinai.Select Leviticus 27:34