9Luke 9

1Convocatis autem duodecim Apostolis, dedit illis virtutem et potestatem super omnia dæmonia, et ut languores curarent.Select Luke 9:1

2Et misit illos prædicare regnum Dei, et sanare infirmos.Select Luke 9:2

3Et ait ad illos : Nihil tuleritis in via, neque virgam, neque peram, neque panem, neque pecuniam, neque duas tunicas habeatis.Select Luke 9:3

4Et in quamcumque domum intraveritis, ibi manete, et inde ne exeatis.Select Luke 9:4

5Et quicumque non receperint vos : exeuntes de civitate illa, etiam pulverem pedum vestrorum excutite in testimonium supra illos.Select Luke 9:5

6Egressi autem circuibant per castella evangelizantes, et curantes ubique.Select Luke 9:6

7Audivit autem Herodes tetrarcha omnia quæ fiebant ab eo, et hæsitabat eo quod dicereturSelect Luke 9:7

8a quibusdam : Quia Joannes surrexit a mortuis : a quibusdam vero : Quia Elias apparuit : ab aliis autem : Quia propheta unus de antiquis surrexit.Select Luke 9:8

9Et ait Herodes : Joannem ego decollavi : quis est autem iste, de quo ego talia audio ? Et quærebat videre eum.Select Luke 9:9

10Et reversi Apostoli, narraverunt illi quæcumque fecerunt : et assumptis illis secessit seorsum in locum desertum, qui est Bethsaidæ.Select Luke 9:10

11Quod cum cognovissent turbæ, secutæ sunt illum : et excepit eos, et loquebatur illis de regno Dei, et eos, qui cura indigebant, sanabat.Select Luke 9:11

12Dies autem cœperat declinare, et accedentes duodecim dixerunt illi : Dimitte turbas, ut euntes in castella villasque quæ circa sunt, divertant, et inveniant escas : quia hic in loco deserto sumus.Select Luke 9:12

13Ait autem ad illos : Vos date illis manducare. At illi dixerunt : Non sunt nobis plus quam quinque panes et duo pisces : nisi forte nos eamus, et emamus in omnem hanc turbam escas.Select Luke 9:13

14Erant autem fere viri quinque millia. Ait autem ad discipulos suos : Facite illos discumbere per convivia quinquagenos.Select Luke 9:14

15Et ita fecerunt : et discumbere fecerunt omnes.Select Luke 9:15

16Acceptis autem quinque panibus et duobus piscibus, respexit in cælum, et benedixit illis : et fregit, et distribuit discipulis suis, ut ponerent ante turbas.Select Luke 9:16

17Et manducaverunt omnes, et saturati sunt. Et sublatum est quod superfuit illis, fragmentorum cophini duodecim.Select Luke 9:17

18Et factum est cum solus esset orans, erant cum illo et discipuli : et interrogavit illos, dicens : Quem me dicunt esse turbæ ?Select Luke 9:18

19At illi responderunt, et dixerunt : Joannem Baptistam, alii autem Eliam, alii vero quia unus propheta de prioribus surrexit.Select Luke 9:19

20Dixit autem illis : Vos autem quem me esse dicitis ? Respondens Simon Petrus, dixit : Christum Dei.Select Luke 9:20

21At ille increpans illos, præcepit ne cui dicerent hoc,Select Luke 9:21

22dicens : Quia oportet Filium hominis multa pati, et reprobari a senioribus, et principibus sacerdotum, et scribis, et occidi, et tertia die resurgere.Select Luke 9:22

23Dicebat autem ad omnes : Si quis vult post me venire, abneget semetipsum, et tollat crucem suam quotidie, et sequatur me.Select Luke 9:23

24Qui enim voluerit animam suam salvam facere, perdet illam : nam qui perdiderit animam suam propter me, salvam faciet illam.Select Luke 9:24

25Quid enim proficit homo, si lucretur universum mundum, se autem ipsum perdat, et detrimentum sui faciat ?Select Luke 9:25

26Nam qui me erubuerit, et meos sermones : hunc Filius hominis erubescet cum venerit in majestate sua, et Patris, et sanctorum angelorum.Select Luke 9:26

27Dico autem vobis vere : sunt aliqui hic stantes, qui non gustabunt mortem donec videant regnum Dei.Select Luke 9:27

28Factum est autem post hæc verba fere dies octo, et assumpsit Petrum, et Jacobum, et Joannem, et ascendit in montem ut oraret.Select Luke 9:28

29Et facta est, dum oraret, species vultus ejus altera : et vestitus ejus albus et refulgens.Select Luke 9:29

30Et ecce duo viri loquebantur cum illo. Erant autem Moyses et Elias,Select Luke 9:30

31visi in majestate : et dicebant excessum ejus, quem completurus erat in Jerusalem.Select Luke 9:31

32Petrus vero, et qui cum illo erant, gravati erant somno. Et evigilantes viderunt majestatem ejus, et duos viros qui stabant cum illo.Select Luke 9:32

33Et factum est cum discederent ab illo, ait Petrus ad Jesum : Præceptor, bonum est nos hic esse : et faciamus tria tabernacula, unum tibi, et unum Moysi, et unum Eliæ : nesciens quid diceret.Select Luke 9:33

34Hæc autem illo loquente, facta est nubes, et obumbravit eos : et timuerunt, intrantibus illis in nubem.Select Luke 9:34

35Et vox facta est de nube, dicens : Hic est Filius meus dilectus, ipsum audite.Select Luke 9:35

36Et dum fieret vox, inventus est Jesus solus. Et ipsi tacuerunt, et nemini dixerunt in illis diebus quidquam ex his quæ viderant.Select Luke 9:36

37Factum est autem in sequenti die, descendentibus illis de monte, occurrit illis turba multa.Select Luke 9:37

38Et ecce vir de turba exclamavit, dicens : Magister, obsecro te, respice in filium meum quia unicus est mihi :Select Luke 9:38

39et ecce spiritus apprehendit eum, et subito clamat, et elidit, et dissipat eum cum spuma, et vix discedit dilanians eum :Select Luke 9:39

40et rogavi discipulos tuos ut ejicerent illum, et non potuerunt.Select Luke 9:40

41Respondens autem Jesus, dixit : O generatio infidelis, et perversa, usquequo ero apud vos, et patiar vos ? adduc huc filium tuum.Select Luke 9:41

42Et cum accederet, elisit illum dæmonium, et dissipavit.Select Luke 9:42

43Et increpavit Jesus spiritum immundum, et sanavit puerum, et reddidit illum patri ejus.Select Luke 9:43

44Stupebant autem omnes in magnitudine Dei : omnibusque mirantibus in omnibus quæ faciebat, dixit ad discipulos suos : Ponite vos in cordibus vestris sermones istos : Filius enim hominis futurum est ut tradatur in manus hominum.Select Luke 9:44

45At illi ignorabant verbum istud, et erat velatum ante eos ut non sentirent illud : et timebant eum interrogare de hoc verbo.Select Luke 9:45

46Intravit autem cogitatio in eos quis eorum major esset.Select Luke 9:46

47At Jesus videns cogitationes cordis illorum, apprehendit puerum, et statuit illum secus se,Select Luke 9:47

48et ait illis : Quicumque susceperit puerum istum in nomine meo, me recipit : et quicumque me receperit, recipit eum qui me misit. Nam qui minor est inter vos omnes, hic major est.Select Luke 9:48

49Respondens autem Joannes dixit : Præceptor, vidimus quemdam in nomine tuo ejicientem dæmonia, et prohibuimus eum : quia non sequitur nobiscum.Select Luke 9:49

50Et ait ad illum Jesus : Nolite prohibere : qui enim non est adversum vos, pro vobis est.Select Luke 9:50

51Factum est autem dum complerentur dies assumptionis ejus, et ipse faciem suam firmavit ut iret in Jerusalem.Select Luke 9:51

52Et misit nuntios ante conspectum suum : et euntes intraverunt in civitatem Samaritanorum ut parerent illi.Select Luke 9:52

53Et non receperunt eum, quia facies ejus erat euntis in Jerusalem.Select Luke 9:53

54Cum vidissent autem discipuli ejus Jacobus et Joannes, dixerunt : Domine, vis dicimus ut ignis descendat de cælo, et consumat illos ?Select Luke 9:54

55Et conversus increpavit illos, dicens : Nescitis cujus spiritus estis.Select Luke 9:55

56Filius hominis non venit animas perdere, sed salvare. Et abierunt in aliud castellum.Select Luke 9:56

57Factum est autem : ambulantibus illis in via, dixit quidam ad illum : Sequar te quocumque ieris.Select Luke 9:57

58Dixit illi Jesus : Vulpes foveas habent, et volucres cæli nidos : Filius autem hominis non habet ubi caput reclinet.Select Luke 9:58

59Ait autem ad alterum : Sequere me : ille autem dixit : Domine, permitte mihi primum ire, et sepelire patrem meum.Select Luke 9:59

60Dixitque ei Jesus : Sine ut mortui sepeliant mortuos suos : tu autem vade, et annuntia regnum Dei.Select Luke 9:60

61Et ait alter : Sequar te Domine, sed permitte mihi primum renuntiare his quæ domi sunt.Select Luke 9:61

62Ait ad illum Jesus : Nemo mittens manum suam ad aratrum, et respiciens retro, aptus est regno Dei.Select Luke 9:62