1Mark 1

1Initium Evangelii Jesu Christi, Filii Dei.Select Mark 1:1

2Sicut scriptum est in Isaia propheta : Ecce ego mitto angelum meum ante faciem tuam, qui præparabit viam tuam ante te.Select Mark 1:2

3Vox clamantis in deserto : Parate viam Domini, rectas facite semitas ejus.Select Mark 1:3

4Fuit Joannes in deserto baptizans, et prædicans baptismum pœnitentiæ in remissionem peccatorum.Select Mark 1:4

5Et egrediebatur ad eum omnis Judææ regio, et Jerosolymitæ universi, et baptizabantur ab illo in Jordanis flumine, confitentes peccata sua.Select Mark 1:5

6Et erat Joannes vestitus pilis cameli, et zona pellicea circa lumbos ejus, et locustas et mel silvestre edebat.Select Mark 1:6

7Et prædicabat dicens : Venit fortior me post me, cujus non sum dignus procumbens solvere corrigiam calceamentorum ejus.Select Mark 1:7

8Ego baptizavi vos aqua, ille vero baptizabit vos Spiritu Sancto.Select Mark 1:8

9Et factum est : in diebus illis venit Jesus a Nazareth Galilææ : et baptizatus est a Joanne in Jordane.Select Mark 1:9

10Et statim ascendens de aqua, vidit cælos apertos, et Spiritum tamquam columbam descendentem, et manentem in ipso.Select Mark 1:10

11Et vox facta est de cælis : Tu es Filius meus dilectus, in te complacui.Select Mark 1:11

12Et statim Spiritus expulit eum in desertum.Select Mark 1:12

13Et erat in deserto quadraginta diebus, et quadraginta noctibus : et tentabatur a Satana : eratque cum bestiis, et angeli ministrabant illi.Select Mark 1:13

14Postquam autem traditus est Joannes, venit Jesus in Galilæam, prædicans Evangelium regni Dei,Select Mark 1:14

15et dicens : Quoniam impletum est tempus, et appropinquavit regnum Dei : pœnitemini, et credite Evangelio.Select Mark 1:15

16Et præteriens secus mare Galilææ, vidit Simonem, et Andream fratrem ejus, mittentes retia in mare (erant enim piscatores),Select Mark 1:16

17et dixit eis Jesus : Venite post me, et faciam vos fieri piscatores hominum.Select Mark 1:17

18Et protinus relictis retibus, secuti sunt eum.Select Mark 1:18

19Et progressus inde pusillum, vidit Jacobum Zebedæi, et Joannem fratrem ejus, et ipsos componentes retia in navi :Select Mark 1:19

20et statim vocavit illos. Et relicto patre suo Zebedæo in navi cum mercenariis, secuti sunt eum.Select Mark 1:20

21Et ingrediuntur Capharnaum : et statim sabbatis ingressus in synagogam, docebat eos.Select Mark 1:21

22Et stupebant super doctrina ejus : erat enim docens eos quasi potestatem habens, et non sicut scribæ.Select Mark 1:22

23Et erat in synagoga eorum homo in spiritu immundo : et exclamavit,Select Mark 1:23

24dicens : Quid nobis et tibi, Jesu Nazarene ? venisti perdere nos ? scio qui sis, Sanctus Dei.Select Mark 1:24

25Et comminatus est ei Jesus, dicens : Obmutesce, et exi de homine.Select Mark 1:25

26Et discerpens eum spiritus immundus, et exclamans voce magna, exiit ab eo.Select Mark 1:26

27Et mirati sunt omnes, ita ut conquirerent inter se dicentes : Quidnam est hoc ? quænam doctrina hæc nova ? quia in potestate etiam spiritibus immundis imperat, et obediunt ei.Select Mark 1:27

28Et processit rumor ejus statim in omnem regionem Galilææ.Select Mark 1:28

29Et protinus egredientes de synagoga, venerunt in domum Simonis et Andreæ, cum Jacobo et Joanne.Select Mark 1:29

30Decumbebat autem socrus Simonis febricitans : et statim dicunt ei de illa.Select Mark 1:30

31Et accedens elevavit eam, apprehensa manu ejus : et continuo dimisit eam febris, et ministrabat eis.Select Mark 1:31

32Vespere autem facto cum occidisset sol, afferebant ad eum omnes male habentes, et dæmonia habentes :Select Mark 1:32

33et erat omnis civitas congregata ad januam.Select Mark 1:33

34Et curavit multos, qui vexabantur variis languoribus, et dæmonia multa ejiciebat, et non sinebat ea loqui, quoniam sciebant eum.Select Mark 1:34

35Et diluculo valde surgens, egressus abiit in desertum locum, ibique orabat.Select Mark 1:35

36Et prosecutus est eum Simon, et qui cum illo erant.Select Mark 1:36

37Et cum invenissent eum, dixerunt ei : Quia omnes quærunt te.Select Mark 1:37

38Et ait illis : Eamus in proximos vicos, et civitates, ut et ibi prædicem : ad hoc enim veni.Select Mark 1:38

39Et erat prædicans in synagogis eorum, et in omni Galilæa, et dæmonia ejiciens.Select Mark 1:39

40Et venit ad eum leprosus deprecans eum : et genu flexo dixit ei : Si vis, potes me mundare.Select Mark 1:40

41Jesus autem misertus ejus, extendit manum suam : et tangens eum, ait illi : Volo : mundare.Select Mark 1:41

42Et cum dixisset, statim discessit ab eo lepra, et mundatus est.Select Mark 1:42

43Et comminatus est ei, statimque ejecit illum,Select Mark 1:43

44et dicit ei : Vide nemini dixeris : sed vade, ostende te principi sacerdotum, et offer pro emundatione tua, quæ præcepit Moyses in testimonium illis.Select Mark 1:44

45At ille egressus cœpit prædicare, et diffamare sermonem, ita ut jam non posset manifeste introire in civitatem, sed foris in desertis locis esset, et conveniebant ad eum undique.Select Mark 1:45