13Mark 13

1Et cum egrederetur de templo, ait illi unus ex discipulis suis : Magister, aspice quales lapides, et quales structuræ.Select Mark 13:1

2Et respondens Jesus, ait illi : Vides has omnes magnas ædificationes ? Non relinquetur lapis super lapidem, qui non destruatur.Select Mark 13:2

3Et cum sederet in monte Olivarum contra templum, interrogabant eum separatim Petrus, et Jacobus, et Joannes, et Andreas :Select Mark 13:3

4Dic nobis, quando ista fient ? et quod signum erit, quando hæc omnia incipient consummari ?Select Mark 13:4

5Et respondens Jesus cœpit dicere illis : Videte ne quis vos seducat :Select Mark 13:5

6multi enim venient in nomine meo, dicentes quia ego sum : et multos seducent.Select Mark 13:6

7Cum audieritis autem bella, et opiniones bellorum, ne timueritis : oportet enim hæc fieri : sed nondum finis.Select Mark 13:7

8Exsurget enim gens contra gentem, et regnum super regnum, et erunt terræmotus per loca, et fames. Initium dolorum hæc.Select Mark 13:8

9Videte autem vosmetipsos. Tradent enim vos in consiliis, et in synagogis vapulabitis, et ante præsides et reges stabitis propter me, in testimonium illis.Select Mark 13:9

10Et in omnes gentes primum oportet prædicari Evangelium.Select Mark 13:10

11Et cum duxerint vos tradentes, nolite præcogitare quid loquamini : sed quod datum vobis fuerit in illa hora, id loquimini : non enim vos estis loquentes, sed Spiritus Sanctus.Select Mark 13:11

12Tradet autem frater fratrem in mortem, et pater filium : et consurgent filii in parentes, et morte afficient eos.Select Mark 13:12

13Et eritis odio omnibus propter nomen meum. Qui autem sustinuerit in finem, hic salvus erit.Select Mark 13:13

14Cum autem videritis abominationem desolationis stantem, ubi non debet, qui legit, intelligat : tunc qui in Judæa sunt, fugiant in montes :Select Mark 13:14

15et qui super tectum, ne descendat in domum, nec introëat ut tollat quid de domo sua :Select Mark 13:15

16et qui in agro erit, non revertatur retro tollere vestimentum suum.Select Mark 13:16

17Væ autem prægnantibus et nutrientibus in illis diebus.Select Mark 13:17

18Orate vero ut hieme non fiant.Select Mark 13:18

19Erunt enim dies illi tribulationes tales quales non fuerunt ab initio creaturæ, quam condidit Deus usque nunc, neque fient.Select Mark 13:19

20Et nisi breviasset Dominus dies, non fuisset salva omnis caro : sed propter electos, quos elegit, breviavit dies.Select Mark 13:20

21Et tunc si quis vobis dixerit : Ecce hic est Christus, ecce illic, ne credideritis.Select Mark 13:21

22Exsurgent enim pseudochristi et pseudoprophetæ, et dabunt signa et portenta ad seducendos, si fieri potest, etiam electos.Select Mark 13:22

23Vos ergo videte : ecce prædixi vobis omnia.Select Mark 13:23

24Sed in illis diebus, post tribulationem illam, sol contenebrabitur, et luna non dabit splendorem suum :Select Mark 13:24

25et stellæ cæli erunt decidentes, et virtutes, quæ in cælis sunt, movebuntur.Select Mark 13:25

26Et tunc videbunt Filium hominis venientem in nubibus cum virtute multa et gloria.Select Mark 13:26

27Et tunc mittet angelos suos, et congregabit electos suos a quatuor ventis, a summo terræ usque ad summum cæli.Select Mark 13:27

28A ficu autem discite parabolam. Cum jam ramus ejus tener fuerit, et nata fuerint folia, cognoscitis quia in proximo sit æstas :Select Mark 13:28

29sic et vos cum videritis hæc fieri, scitote quod in proximo sit, in ostiis.Select Mark 13:29

30Amen dico vobis, quoniam non transibit generatio hæc, donec omnia ista fiant.Select Mark 13:30

31Cælum et terra transibunt, verba autem mea non transibunt.Select Mark 13:31

32De die autem illo vel hora nemo scit, neque angeli in cælo, neque Filius, nisi Pater.Select Mark 13:32

33Videte, vigilate, et orate : nescitis enim quando tempus sit.Select Mark 13:33

34Sicut homo qui peregre profectus reliquit domum suam, et dedit servis suis potestatem cujusque operis, et janitori præcepit ut vigilet,Select Mark 13:34

35vigilate ergo (nescitis enim quando dominus domus veniat : sero, an media nocte, an galli cantu, an mane),Select Mark 13:35

36ne, cum venerit repente, inveniat vos dormientes.Select Mark 13:36

37Quod autem vobis dico, omnibus dico : Vigilate.Select Mark 13:37