15Mark 15

1Et confestim mane consilium facientes summi sacerdotes cum senioribus, et scribis, et universo concilio, vincientes Jesum, duxerunt, et tradiderunt Pilato.Select Mark 15:1

2Et interrogavit eum Pilatus : Tu es rex Judæorum ? At ille respondens, ait illi : Tu dicis.Select Mark 15:2

3Et accusabant eum summi sacerdotes in multis.Select Mark 15:3

4Pilatus autem rursum interrogavit eum, dicens : Non respondes quidquam ? vide in quantis te accusant.Select Mark 15:4

5Jesus autem amplius nihil respondit, ita ut miraretur Pilatus.Select Mark 15:5

6Per diem autem festum solebat dimittere illis unum ex vinctis, quemcumque petissent.Select Mark 15:6

7Erat autem qui dicebatur Barrabas, qui cum seditiosis erat vinctus, qui in seditione fecerat homicidium.Select Mark 15:7

8Et cum ascendisset turba, cœpit rogare, sicut semper faciebat illis.Select Mark 15:8

9Pilatus autem respondit eis, et dixit : Vultis dimittam vobis regem Judæorum ?Select Mark 15:9

10Sciebat enim quod per invidiam tradidissent eum summi sacerdotes.Select Mark 15:10

11Pontifices autem concitaverunt turbam, ut magis Barabbam dimitteret eis.Select Mark 15:11

12Pilatus autem iterum respondens, ait illis : Quid ergo vultis faciam regi Judæorum ?Select Mark 15:12

13At illi iterum clamaverunt : Crucifige eum.Select Mark 15:13

14Pilatus vero dicebat illis : Quid enim mali fecit ? At illi magis clamabant : Crucifige eum.Select Mark 15:14

15Pilatus autem volens populo satisfacere, dimisit illis Barabbam, et tradidit Jesum flagellis cæsum, ut crucifigeretur.Select Mark 15:15

16Milites autem duxerunt eum in atrium prætorii, et convocant totam cohortem,Select Mark 15:16

17et induunt eum purpura, et imponunt ei plectentes spineam coronam.Select Mark 15:17

18Et cœperunt salutare eum : Ave rex Judæorum.Select Mark 15:18

19Et percutiebant caput ejus arundine : et conspuebant eum, et ponentes genua, adorabant eum.Select Mark 15:19

20Et postquam illuserunt ei, exuerunt illum purpura, et induerunt eum vestimentis suis : et educunt illum ut crucifigerent eum.Select Mark 15:20

21Et angariaverunt prætereuntem quempiam, Simonem Cyrenæum venientem de villa, patrem Alexandri et Rufi, ut tolleret crucem ejus.Select Mark 15:21

22Et perducunt illum in Golgotha locum : quod est interpretatum Calvariæ locus.Select Mark 15:22

23Et dabant ei bibere myrrhatum vinum : et non accepit.Select Mark 15:23

24Et crucifigentes eum, diviserunt vestimenta ejus, mittentes sortem super eis, quis quid tolleret.Select Mark 15:24

25Erat autem hora tertia : et crucifixerunt eum.Select Mark 15:25

26Et erat titulus causæ ejus inscriptus : Rex Judæorum.Select Mark 15:26

27Et cum eo crucifigunt duos latrones : unum a dextris, et alium a sinistris ejus.Select Mark 15:27

28Et impleta est Scriptura, quæ dicit : Et cum iniquis reputatus est.Select Mark 15:28

29Et prætereuntes blasphemabant eum, moventes capita sua, et dicentes : Vah ! qui destruis templum Dei, et in tribus diebus reædificas,Select Mark 15:29

30salvum fac temetipsum descendens de cruce.Select Mark 15:30

31Similiter et summi sacerdotes illudentes, ad alterutrum cum scribis dicebant : Alios salvos fecit ; seipsum non potest salvum facere.Select Mark 15:31

32Christus rex Israël descendat nunc de cruce, ut videamus, et credamus. Et qui cum eo crucifixi erant, convitiabantur ei.Select Mark 15:32

33Et facta hora sexta, tenebræ factæ sunt per totam terram usque in horam nonam.Select Mark 15:33

34Et hora nona exclamavit Jesus voce magna, dicens : Eloi, eloi, lamma sabacthani ? quod est interpretatum : Deus meus, Deus meus, ut quid dereliquisti me ?Select Mark 15:34

35Et quidam de circumstantibus audientes, dicebant : Ecce Eliam vocat.Select Mark 15:35

36Currens autem unus, et implens spongiam aceto, circumponensque calamo, potum dabat ei, dicens : Sinite, videamus si veniat Elias ad deponendum eum.Select Mark 15:36

37Jesus autem emissa voce magna expiravit.Select Mark 15:37

38Et velum templi scissum est in duo, a summo usque deorsum.Select Mark 15:38

39Videns autem centurio, qui ex adverso stabat, quia sic clamans expirasset, ait : Vere hic homo Filius Dei erat.Select Mark 15:39

40Erant autem et mulieres de longe aspicientes : inter quas erat Maria Magdalene, et Maria Jacobi minoris, et Joseph mater, et Salome :Select Mark 15:40

41et cum esset in Galilæa, sequebantur eum, et ministrabant ei, et aliæ multæ, quæ simul cum eo ascenderant Jerosolymam.Select Mark 15:41

42Et cum jam sero esset factum (quia erat parasceve, quod est ante sabbatum),Select Mark 15:42

43venit Joseph ab Arimathæa nobilis decurio, qui et ipse erat exspectans regnum Dei, et audacter introivit ad Pilatum, et petiit corpus Jesu.Select Mark 15:43

44Pilatus autem mirabatur si jam obiisset. Et accersito centurione, interrogavit eum si jam mortuus esset.Select Mark 15:44

45Et cum cognovisset a centurione, donavit corpus Joseph.Select Mark 15:45

46Joseph autem mercatus sindonem, et deponens eum involvit sindone, et posuit eum in monumento quod erat excisum de petra, et advolvit lapidem ad ostium monumenti.Select Mark 15:46

47Maria autem Magdalene et Maria Joseph aspiciebant ubi poneretur.Select Mark 15:47