3Mark 3

1Et introivit iterum in synagogam : et erat ibi homo habens manum aridam.Select Mark 3:1

2Et observabant eum, si sabbatis curaret, ut accusarent illum.Select Mark 3:2

3Et ait homini habenti manum aridam : Surge in medium.Select Mark 3:3

4Et dicit eis : Licet sabbatis benefacere, an male ? animam salvam facere, an perdere ? At illi tacebant.Select Mark 3:4

5Et circumspiciens eos cum ira, contristatus super cæcitate cordis eorum, dicit homini : Extende manum tuam. Et extendit, et restituta est manus illi.Select Mark 3:5

6Exeuntes autem pharisæi, statim cum Herodianis consilium faciebant adversus eum quomodo eum perderent.Select Mark 3:6

7Jesus autem cum discipulis suis secessit ad mare : et multa turba a Galilæa et Judæa secuta est eum,Select Mark 3:7

8et ab Jerosolymis, et ab Idumæa, et trans Jordanem : et qui circa Tyrum et Sidonem multitudo magna, audientes quæ faciebat, venerunt ad eum.Select Mark 3:8

9Et dicit discipulis suis ut navicula sibi deserviret propter turbam, ne comprimerent eum :Select Mark 3:9

10multos enim sanabat, ita ut irruerent in eum ut illum tangerent, quotquot habebant plagas.Select Mark 3:10

11Et spiritus immundi, cum illum videbant, procidebant ei : et clamabant, dicentes :Select Mark 3:11

12Tu es Filius Dei. Et vehementer comminabatur eis ne manifestarent illum.Select Mark 3:12

13Et ascendens in montem vocavit ad se quos voluit ipse : et venerunt ad eum.Select Mark 3:13

14Et fecit ut essent duodecim cum illo : et ut mitteret eos prædicare.Select Mark 3:14

15Et dedit illis potestatem curandi infirmitates et ejiciendi dæmonia.Select Mark 3:15

16Et imposuit Simoni nomen Petrus :Select Mark 3:16

17et Jacobum Zebedæi, et Joannem fratrem Jacobi, et imposuit eis nomina Boanerges, quod est, Filii tonitrui :Select Mark 3:17

18et Andream, et Philippum, et Bartholomæum, et Matthæum, et Thomam, et Jacobum Alphæi, et Thaddæum, et Simonem Cananæum,Select Mark 3:18

19et Judam Iscariotem, qui et tradidit illum.Select Mark 3:19

20Et veniunt ad domum : et convenit iterum turba, ita ut non possent neque panem manducare.Select Mark 3:20

21Et cum audissent sui, exierunt tenere eum : dicebant enim : Quoniam in furorem versus est.Select Mark 3:21

22Et scribæ, qui ab Jerosolymis descenderant, dicebant : Quoniam Beelzebub habet, et quia in principe dæmoniorum ejicit dæmonia.Select Mark 3:22

23Et convocatis eis in parabolis dicebat illis : Quomodo potest Satanas Satanam ejicere ?Select Mark 3:23

24Et si regnum in se dividatur, non potest regnum illud stare.Select Mark 3:24

25Et si domus super semetipsam dispertiatur, non potest domus illa stare.Select Mark 3:25

26Et si Satanas consurrexerit in semetipsum, dispertitus est, et non poterit stare, sed finem habet.Select Mark 3:26

27Nemo potest vasa fortis ingressus in domum diripere, nisi prius fortem alliget, et tunc domum ejus diripiet.Select Mark 3:27

28Amen dico vobis, quoniam omnia dimittentur filiis hominum peccata, et blasphemiæ quibus blasphemaverint :Select Mark 3:28

29qui autem blasphemaverit in Spiritum Sanctum, non habebit remissionem in æternum, sed reus erit æterni delicti.Select Mark 3:29

30Quoniam dicebant : Spiritum immundum habet.Select Mark 3:30

31Et veniunt mater ejus et fratres : et foris stantes miserunt ad eum vocantes eum,Select Mark 3:31

32et sedebat circa eum turba : et dicunt ei : Ecce mater tua et fratres tui foris quærunt te.Select Mark 3:32

33Et respondens eis, ait : Quæ est mater mea et fratres mei ?Select Mark 3:33

34Et circumspiciens eos, qui in circuitu ejus sedebant, ait : Ecce mater mea et fratres mei.Select Mark 3:34

35Qui enim fecerit voluntatem Dei, hic frater meus, et soror mea, et mater est.Select Mark 3:35