4Mark 4

1Et iterum cœpit docere ad mare : et congregata est ad eum turba multa, ita ut navim ascendens sederet in mari, et omnis turba circa mare super terram erat :Select Mark 4:1

2et docebat eos in parabolis multa, et dicebat illis in doctrina sua :Select Mark 4:2

3Audite : ecce exiit seminans ad seminandum.Select Mark 4:3

4Et dum seminat, aliud cecidit circa viam, et venerunt volucres cæli, et comederunt illud.Select Mark 4:4

5Aliud vero cecidit super petrosa, ubi non habuit terram multam : et statim exortum est, quoniam non habebat altitudinem terræ :Select Mark 4:5

6et quando exortus est sol, exæstuavit : et eo quod non habebat radicem, exaruit.Select Mark 4:6

7Et aliud cecidit in spinas : et ascenderunt spinæ, et suffocaverunt illud, et fructum non dedit.Select Mark 4:7

8Et aliud cecidit in terram bonam : et dabat fructum ascendentem et crescentem, et afferebat unum triginta, unum sexaginta, et unum centum.Select Mark 4:8

9Et dicebat : Qui habet aures audiendi, audiat.Select Mark 4:9

10Et cum esset singularis, interrogaverunt eum hi qui cum eo erant duodecim, parabolam.Select Mark 4:10

11Et dicebat eis : Vobis datum est nosse mysterium regni Dei : illis autem, qui foris sunt, in parabolis omnia fiunt :Select Mark 4:11

12ut videntes videant, et non videant : et audientes audiant, et non intelligant : nequando convertantur, et dimittantur eis peccata.Select Mark 4:12

13Et ait illis : Nescitis parabolam hanc ? Et quomodo omnes parabolas cognoscetis ?Select Mark 4:13

14Qui seminat, verbum seminat.Select Mark 4:14

15Hi autem sunt, qui circa viam, ubi seminatur verbum, et cum audierint, confestim venit Satanas, et aufert verbum, quod seminatum est in cordibus eorum.Select Mark 4:15

16Et hi sunt similiter, qui super petrosa seminantur : qui cum audierint verbum, statim cum gaudio accipiunt illud :Select Mark 4:16

17et non habent radicem in se, sed temporales sunt : deinde orta tribulatione et persecutione propter verbum, confestim scandalizantur.Select Mark 4:17

18Et alii sunt qui in spinas seminantur : hi sunt qui verbum audiunt,Select Mark 4:18

19et ærumnæ sæculi, et deceptio divitiarum, et circa reliqua concupiscentiæ introëuntes suffocant verbum, et sine fructu efficitur.Select Mark 4:19

20Et hi sunt qui super terram bonam seminati sunt, qui audiunt verbum, et suscipiunt, et fructificant, unum triginta, unum sexaginta, et unum centum.Select Mark 4:20

21Et dicebat illis : Numquid venit lucerna ut sub modio ponatur, aut sub lecto ? nonne ut super candelabrum ponatur ?Select Mark 4:21

22Non est enim aliquid absconditum, quod non manifestetur : nec factum est occultum, sed ut in palam veniat.Select Mark 4:22

23Si quis habet aures audiendi, audiat.Select Mark 4:23

24Et dicebat illis : Videte quid audiatis. In qua mensura mensi fueritis, remetietur vobis, et adjicietur vobis.Select Mark 4:24

25Qui enim habet, dabitur illi : et qui non habet, etiam quod habet auferetur ab eo.Select Mark 4:25

26Et dicebat : Sic est regnum Dei, quemadmodum si homo jaciat sementem in terram,Select Mark 4:26

27et dormiat, et exsurgat nocte et die, et semen germinet, et increscat dum nescit ille.Select Mark 4:27

28Ultro enim terra fructificat, primum herbam, deinde spicam, deinde plenum frumentum in spica.Select Mark 4:28

29Et cum produxerit fructus, statim mittit falcem, quoniam adest messis.Select Mark 4:29

30Et dicebat : Cui assimilabimus regnum Dei ? aut cui parabolæ comparabimus illud ?Select Mark 4:30

31Sicut granum sinapis, quod cum seminatum fuerit in terra, minus est omnibus seminibus, quæ sunt in terra :Select Mark 4:31

32et cum seminatum fuerit, ascendit, et fit majus omnibus oleribus, et facit ramos magnos, ita ut possint sub umbra ejus aves cæli habitare.Select Mark 4:32

33Et talibus multis parabolis loquebatur eis verbum, prout poterant audire :Select Mark 4:33

34sine parabola autem non loquebatur eis : seorsum autem discipulis suis disserebat omnia.Select Mark 4:34

35Et ait illis in illa die, cum sero esset factum : Transeamus contra.Select Mark 4:35

36Et dimittentes turbam, assumunt eum ita ut erat in navi : et aliæ naves erant cum illo.Select Mark 4:36

37Et facta est procella magna venti, et fluctus mittebat in navim, ita ut impleretur navis.Select Mark 4:37

38Et erat ipse in puppi super cervical dormiens : et excitant eum, et dicunt illi : Magister, non ad te pertinet, quia perimus ?Select Mark 4:38

39Et exsurgens comminatus est vento, et dixit mari : Tace, obmutesce. Et cessavit ventus : et facta est tranquillitas magna.Select Mark 4:39

40Et ait illis : Quid timidi estis ? necdum habetis fidem ? et timuerunt timore magno, et dicebant ad alterutrum : Quis, putas, est iste, quia et ventus et mare obediunt ei ?Select Mark 4:40