8Mark 8

1In diebus illis iterum cum turba multa esset, nec haberent quod manducarent, convocatis discipulis, ait illis :Select Mark 8:1

2Misereor super turbam : quia ecce jam triduo sustinent me, nec habent quod manducent :Select Mark 8:2

3et si dimisero eos jejunos in domum suam, deficient in via : quidam enim ex eis de longe venerunt.Select Mark 8:3

4Et responderunt ei discipuli sui : Unde illos quis poterit saturare panibus in solitudine ?Select Mark 8:4

5Et interrogavit eos : Quot panes habetis ? Qui dixerunt : Septem.Select Mark 8:5

6Et præcepit turbæ discumbere super terram. Et accipiens septem panes, gratias agens fregit, et dabat discipulis suis ut apponerent, et apposuerunt turbæ.Select Mark 8:6

7Et habebant pisciculos paucos : et ipsos benedixit, et jussit apponi.Select Mark 8:7

8Et manducaverunt, et saturati sunt, et sustulerunt quod superaverat de fragmentis, septem sportas.Select Mark 8:8

9Erant autem qui manducaverunt, quasi quatuor millia : et dimisit eos.Select Mark 8:9

10Et statim ascendens navim cum discipulis suis, venit in partes Dalmanutha.Select Mark 8:10

11Et exierunt pharisæi, et cœperunt conquirere cum eo, quærentes ab illo signum de cælo, tentantes eum.Select Mark 8:11

12Et ingemiscens spiritu, ait : Quid generatio ista signum quærit ? Amen dico vobis, si dabitur generationi isti signum.Select Mark 8:12

13Et dimittens eos, ascendit iterum navim et abiit trans fretum.Select Mark 8:13

14Et obliti sunt panes sumere : et nisi unum panem non habebant secum in navi.Select Mark 8:14

15Et præcipiebat eis, dicens : Videte, et cavete a fermento pharisæorum, et fermento Herodis.Select Mark 8:15

16Et cogitabant ad alterutrum, dicentes : quia panes non habemus.Select Mark 8:16

17Quo cognito, ait illis Jesus : Quid cogitatis, quia panes non habetis ? nondum cognoscetis nec intelligitis ? adhuc cæcatum habetis cor vestrum ?Select Mark 8:17

18oculos habentes non videtis ? et aures habentes non auditis ? nec recordamini,Select Mark 8:18

19quando quinque panes fregi in quinque millia : quot cophinos fragmentorum plenos sustulistis ? Dicunt ei : Duodecim.Select Mark 8:19

20Quando et septem panes in quatuor millia : quot sportas fragmentorum tulistis ? Et dicunt ei : Septem.Select Mark 8:20

21Et dicebat eis : Quomodo nondum intelligitis ?Select Mark 8:21

22Et veniunt Bethsaidam, et adducunt ei cæcum, et rogabant eum ut illum tangeret.Select Mark 8:22

23Et apprehensa manu cæci, eduxit eum extra vicum : et exspuens in oculos ejus impositis manibus suis, interrogavit eum si quid videret.Select Mark 8:23

24Et aspiciens, ait : Video homines velut arbores ambulantes.Select Mark 8:24

25Deinde iterum imposuit manus super oculos ejus : et cœpit videre : et restitutus est ita ut clare videret omnia.Select Mark 8:25

26Et misit illum in domum suam, dicens : Vade in domum tuam : et si in vicum introieris, nemini dixeris.Select Mark 8:26

27Et egressus est Jesus, et discipuli ejus in castella Cæsareæ Philippi : et in via interrogabat discipulos suos, dicens eis : Quem me dicunt esse homines ?Select Mark 8:27

28Qui responderunt illi, dicentes : Joannem Baptistam, alii Eliam, alii vero quasi unum de prophetis.Select Mark 8:28

29Tunc dicit illis : Vos vero quem me esse dicitis ? Respondens Petrus, ait ei : Tu es Christus.Select Mark 8:29

30Et comminatus est eis, ne cui dicerent de illo.Select Mark 8:30

31Et cœpit docere eos quoniam oportet Filium hominis pati multa, et reprobari a senioribus, et a summis sacerdotibus et scribis, et occidi : et post tres dies resurgere.Select Mark 8:31

32Et palam verbum loquebatur. Et apprehendens eum Petrus, cœpit increpare eum.Select Mark 8:32

33Qui conversus, et videns discipulos suos, comminatus est Petro, dicens : Vade retro me Satana, quoniam non sapis quæ Dei sunt, sed quæ sunt hominum.Select Mark 8:33

34Et convocata turba cum discipulis suis, dixit eis : Si quis vult me sequi, deneget semetipsum : et tollat crucem suam, et sequatur me.Select Mark 8:34

35Qui enim voluerit animam suam salvam facere, perdet eam : qui autem perdiderit animam suam propter me, et Evangelium, salvam faciet eam.Select Mark 8:35

36Quid enim proderit homini, si lucretur mundum totum et detrimentum animæ suæ faciat ?Select Mark 8:36

37Aut quid dabit homo commutationis pro anima sua ?Select Mark 8:37

38Qui enim me confusus fuerit, et verba mea in generatione ista adultera et peccatrice, et Filius hominis confundetur eum, cum venerit in gloria Patris sui cum angelis sanctis.Select Mark 8:38

39Et dicebat illis : Amen dico vobis, quia sunt quidam de hic stantibus, qui non gustabunt mortem donec videant regnum Dei veniens in virtute.Select Mark 8:39