9Mark 9

1Et post dies sex assumit Jesus Petrum, et Jacobum, et Joannem, et ducit illos in montem excelsum seorsum solos, et transfiguratus est coram ipsis.Select Mark 9:1

2Et vestimenta ejus facta sunt splendentia, et candida nimis velut nix, qualia fullo non potest super terram candida facere.Select Mark 9:2

3Et apparuit illis Elias cum Moyse : et erant loquentes cum Jesu.Select Mark 9:3

4Et respondens Petrus, ait Jesu : Rabbi, bonum est nos hic esse : et faciamus tria tabernacula, tibi unum, et Moysi unum, et Eliæ unum.Select Mark 9:4

5Non enim sciebat quid diceret : erant enim timore exterriti.Select Mark 9:5

6Et facta est nubes obumbrans eos : et venit vox de nube, dicens : Hic est Filius meus carissimus : audite illum.Select Mark 9:6

7Et statim circumspicientes, neminem amplius viderunt, nisi Jesum tantum secum.Select Mark 9:7

8Et descendentibus illis de monte, præcepit illis ne cuiquam quæ vidissent, narrarent : nisi cum Filius hominis a mortuis resurrexerit.Select Mark 9:8

9Et verbum continuerunt apud se : conquirentes quid esset, cum a mortuis resurrexerit.Select Mark 9:9

10Et interrogabant eum, dicentes : Quid ergo dicunt pharisæi et scribæ, quia Eliam oportet venire primum ?Select Mark 9:10

11Qui respondens, ait illis : Elias cum venerit primo, restituet omnia : et quomodo scriptum est in Filium hominis, ut multa patiatur et contemnatur.Select Mark 9:11

12Sed dico vobis quia et Elias venit (et fecerunt illi quæcumque voluerunt) sicut scriptum est de eo.Select Mark 9:12

13Et veniens ad discipulos suos, vidit turbam magnam circa eos, et scribas conquirentes cum illis.Select Mark 9:13

14Et confestim omnis populus videns Jesum, stupefactus est, et expaverunt, et accurrentes salutabant eum.Select Mark 9:14

15Et interrogavit eos : Quid inter vos conquiritis ?Select Mark 9:15

16Et respondens unus de turba, dixit : Magister, attuli filium meum ad te habentem spiritum mutum :Select Mark 9:16

17qui ubicumque eum apprehenderit, allidit illum, et spumat, et stridet dentibus, et arescit : et dixi discipulis tuis ut ejicerent illum, et non potuerunt.Select Mark 9:17

18Qui respondens eis, dixit : O generatio incredula, quamdiu apud vos ero ? quamdiu vos patiar ? afferte illum ad me.Select Mark 9:18

19Et attulerunt eum. Et cum vidisset eum, statim spiritus conturbavit illum : et elisus in terram, volutabatur spumans.Select Mark 9:19

20Et interrogavit patrem ejus : Quantum temporis est ex quo ei hoc accidit ? At ille ait : Ab infantia :Select Mark 9:20

21et frequenter eum in ignem, et in aquas misit ut eum perderet : sed si quid potes, adjuva nos, misertus nostri.Select Mark 9:21

22Jesus autem ait illi : Si potes credere, omnia possibilia sunt credenti.Select Mark 9:22

23Et continuo exclamans pater pueri, cum lacrimis aiebat : Credo, Domine ; adjuva incredulitatem meam.Select Mark 9:23

24Et cum videret Jesus concurrentem turbam, comminatus est spiritui immundo, dicens illi : Surde et mute spiritus, ego præcipio tibi, exi ab eo : et amplius ne introëas in eum.Select Mark 9:24

25Et exclamans, et multum discerpens eum, exiit ab eo, et factus est sicut mortuus, ita ut multi dicerent : Quia mortuus est.Select Mark 9:25

26Jesus autem tenens manum ejus elevavit eum, et surrexit.Select Mark 9:26

27Et cum introisset in domum, discipuli ejus secreto interrogabant eum : Quare nos non potuimus ejicere eum ?Select Mark 9:27

28Et dixit illis : Hoc genus in nullo potest exire, nisi in oratione et jejunio.Select Mark 9:28

29Et inde profecti prætergrediebantur Galilæam : nec volebat quemquam scire.Select Mark 9:29

30Docebat autem discipulos suos, et dicebat illis : Quoniam Filius hominis tradetur in manus hominum, et occident eum, et occisus tertia die resurget.Select Mark 9:30

31At illi ignorabant verbum : et timebant interrogare eum.Select Mark 9:31

32Et venerunt Capharnaum. Qui cum domi essent, interrogabat eos : Quid in via tractabatis ?Select Mark 9:32

33At illi tacebant : siquidem in via inter se disputaverunt : quis eorum major esset.Select Mark 9:33

34Et residens vocavit duodecim, et ait illis : Si quis vult primus esse, erit omnium novissimus, et omnium minister.Select Mark 9:34

35Et accipiens puerum, statuit eum in medio eorum : quem cum complexus esset, ait illis :Select Mark 9:35

36Quisquis unum ex hujusmodi pueris receperit in nomine meo, me recipit : et quicumque me susceperit, non me suscipit, sed eum qui misit me.Select Mark 9:36

37Respondit illi Joannes, dicens : Magister, vidimus quemdam in nomine tuo ejicientem dæmonia, qui non sequitur nos, et prohibuimus eum.Select Mark 9:37

38Jesus autem ait : Nolite prohibere eum : nemo est enim qui faciat virtutem in nomine meo, et possit cito male loqui de me :Select Mark 9:38

39qui enim non est adversum vos, pro vobis est.Select Mark 9:39

40Quisquis enim potum dederit vobis calicem aquæ in nomine meo, quia Christi estis : amen dico vobis, non perdet mercedem suam.Select Mark 9:40

41Et quisquis scandalizaverit unum ex his pusillis credentibus in me : bonum est ei magis si circumdaretur mola asinaria collo ejus, et in mare mitteretur.Select Mark 9:41

42Et si scandalizaverit te manus tua, abscide illam : bonum est tibi debilem introire in vitam, quam duas manus habentem ire in gehennam, in ignem inextinguibilem,Select Mark 9:42

43ubi vermis eorum non moritur, et ignis non extinguitur.Select Mark 9:43

44Et si pes tuus te scandalizat, amputa illum : bonum est tibi claudum introire in vitam æternam, quam duos pedes habentem mitti in gehennam ignis inextinguibilis,Select Mark 9:44

45ubi vermis eorum non moritur, et ignis non extinguitur.Select Mark 9:45

46Quod si oculus tuus scandalizat te, ejice eum : bonum est tibi luscum introire in regnum Dei, quam duos oculos habentem mitti in gehennam ignis,Select Mark 9:46

47ubi vermis eorum non moritur, et ignis non extinguitur.Select Mark 9:47

48Omnis enim igne salietur, et omnis victima sale salietur.Select Mark 9:48

49Bonum est sal : quod si sal insulsum fuerit, in quo illud condietis ? Habete in vobis sal, et pacem habete inter vos.Select Mark 9:49