1Matthew 1

1Liber generationis Jesu Christi filii David, filii Abraham.Select Matthew 1:1

2Abraham genuit Isaac. Isaac autem genuit Jacob. Jacob autem genuit Judam, et fratres ejus.Select Matthew 1:2

3Judas autem genuit Phares, et Zaram de Thamar. Phares autem genuit Esron. Esron autem genuit Aram.Select Matthew 1:3

4Aram autem genuit Aminadab. Aminadab autem genuit Naasson. Naasson autem genuit Salmon.Select Matthew 1:4

5Salmon autem genuit Booz de Rahab. Booz autem genuit Obed ex Ruth. Obed autem genuit Jesse. Jesse autem genuit David regem.Select Matthew 1:5

6David autem rex genuit Salomonem ex ea quæ fuit Uriæ.Select Matthew 1:6

7Salomon autem genuit Roboam. Roboam autem genuit Abiam. Abias autem genuit Asa.Select Matthew 1:7

8Asa autem genuit Josophat. Josophat autem genuit Joram. Joram autem genuit Oziam.Select Matthew 1:8

9Ozias autem genuit Joatham. Joatham autem genuit Achaz. Achaz autem genuit Ezechiam.Select Matthew 1:9

10Ezechias autem genuit Manassen. Manasses autem genuit Amon. Amon autem genuit Josiam.Select Matthew 1:10

11Josias autem genuit Jechoniam, et fratres ejus in transmigratione Babylonis.Select Matthew 1:11

12Et post transmigrationem Babylonis : Jechonias genuit Salathiel. Salathiel autem genuit Zorobabel.Select Matthew 1:12

13Zorobabel autem genuit Abiud. Abiud autem genuit Eliacim. Eliacim autem genuit Azor.Select Matthew 1:13

14Azor autem genuit Sadoc. Sadoc autem genuit Achim. Achim autem genuit Eliud.Select Matthew 1:14

15Eliud autem genuit Eleazar. Eleazar autem genuit Mathan. Mathan autem genuit Jacob.Select Matthew 1:15

16Jacob autem genuit Joseph virum Mariæ, de qua natus est Jesus, qui vocatur Christus.Select Matthew 1:16

17Omnes itaque generationes ab Abraham usque ad David, generationes quatuordecim : et a David usque ad transmigrationem Babylonis, generationes quatuordecim : et a transmigratione Babylonis usque ad Christum, generationes quatuordecim.Select Matthew 1:17

18Christi autem generatio sic erat : cum esset desponsata mater ejus Maria Joseph, antequam convenirent inventa est in utero habens de Spiritu Sancto.Select Matthew 1:18

19Joseph autem vir ejus cum esset justus, et nollet eam traducere, voluit occulte dimittere eam.Select Matthew 1:19

20Hæc autem eo cogitante, ecce angelus Domini apparuit in somnis ei, dicens : Joseph, fili David, noli timere accipere Mariam conjugem tuam : quod enim in ea natum est, de Spiritu Sancto est.Select Matthew 1:20

21Pariet autem filium : et vocabis nomen ejus Jesum : ipse enim salvum faciet populum suum a peccatis eorum.Select Matthew 1:21

22Hoc autem totum factum est, ut adimpleretur quod dictum est a Domino per prophetam dicentem :Select Matthew 1:22

23Ecce virgo in utero habebit, et pariet filium : et vocabunt nomen ejus Emmanuel, quod est interpretatum Nobiscum Deus.Select Matthew 1:23

24Exsurgens autem Joseph a somno, fecit sicut præcepit ei angelus Domini, et accepit conjugem suam.Select Matthew 1:24

25Et non cognoscebat eam donec peperit filium suum primogenitum : et vocavit nomen ejus Jesum.Select Matthew 1:25