15Matthew 15

1Tunc accesserunt ad eum ab Jerosolymis scribæ et pharisæi, dicentes :Select Matthew 15:1

2Quare discipuli tui transgrediuntur traditionem seniorum ? non enim lavant manus suas cum panem manducant.Select Matthew 15:2

3Ipse autem respondens ait illis : Quare et vos transgredimini mandatum Dei propter traditionem vestram ? Nam Deus dixit :Select Matthew 15:3

4Honora patrem, et matrem : et, Qui maledixerit patri, vel matri, morte moriatur.Select Matthew 15:4

5Vos autem dicitis : Quicumque dixerit patri, vel matri : Munus, quodcumque est ex me, tibi proderit :Select Matthew 15:5

6et non honorificabit patrem suum, aut matrem suam : et irritum fecistis mandatum Dei propter traditionem vestram.Select Matthew 15:6

7Hypocritæ, bene prophetavit de vobis Isaias, dicens :Select Matthew 15:7

8Populus hic labiis me honorat : cor autem eorum longe est a me.Select Matthew 15:8

9Sine causa autem colunt me, docentes doctrinas et mandata hominum.Select Matthew 15:9

10Et convocatis ad se turbis, dixit eis : Audite, et intelligite.Select Matthew 15:10

11Non quod intrat in os, coinquinat hominem : sed quod procedit ex ore, hoc coinquinat hominem.Select Matthew 15:11

12Tunc accedentes discipuli ejus, dixerunt ei : Scis quia pharisæi audito verbo hoc, scandalizati sunt ?Select Matthew 15:12

13At ille respondens ait : Omnis plantatio, quam non plantavit Pater meus cælestis, eradicabitur.Select Matthew 15:13

14Sinite illos : cæci sunt, et duces cæcorum ; cæcus autem si cæco ducatum præstet, ambo in foveam cadunt.Select Matthew 15:14

15Respondens autem Petrus dixit ei : Edissere nobis parabolam istam.Select Matthew 15:15

16At ille dixit : Adhuc et vos sine intellectu estis ?Select Matthew 15:16

17Non intelligitis quia omne quod in os intrat, in ventrem vadit, et in secessum emittitur ?Select Matthew 15:17

18Quæ autem procedunt de ore, de corde exeunt, et ea coinquinant hominem :Select Matthew 15:18

19de corde enim exeunt cogitationes malæ, homicidia, adulteria, fornicationes, furta, falsa testimonia, blasphemiæ :Select Matthew 15:19

20hæc sunt, quæ coinquinant hominem. Non lotis autem manibus manducare, non coinquinat hominem.Select Matthew 15:20

21Et egressus inde Jesus secessit in partes Tyri et Sidonis.Select Matthew 15:21

22Et ecce mulier chananæa a finibus illis egressa clamavit, dicens ei : Miserere mei, Domine fili David : filia mea male a dæmonio vexatur.Select Matthew 15:22

23Qui non respondit ei verbum. Et accedentes discipuli ejus rogabant eum dicentes : Dimitte eam : quia clamat post nos.Select Matthew 15:23

24Ipse autem respondens ait : Non sum missus nisi ad oves, quæ perierunt domus Israël.Select Matthew 15:24

25At illa venit, et adoravit eum, dicens : Domine, adjuva me.Select Matthew 15:25

26Qui respondens ait : Non est bonum sumere panem filiorum, et mittere canibus.Select Matthew 15:26

27At illa dixit : Etiam Domine : nam et catelli edunt de micis quæ cadunt de mensa dominorum suorum.Select Matthew 15:27

28Tunc respondens Jesus, ait illi : O mulier, magna est fides tua : fiat tibi sicut vis. Et sanata est filia ejus ex illa hora.Select Matthew 15:28

29Et cum transisset inde Jesus, venit secus mare Galilææ : et ascendens in montem, sedebat ibi.Select Matthew 15:29

30Et accesserunt ad eum turbæ multæ, habentes secum mutos, cæcos, claudos, debiles, et alios multos : et projecerunt eos ad pedes ejus, et curavit eos,Select Matthew 15:30

31ita ut turbæ mirarentur, videntes mutos loquentes, claudos ambulantes, cæcos videntes : et magnificabant Deum Israël.Select Matthew 15:31

32Jesus autem, convocatis discipulis suis, dixit : Misereor turbæ, quia triduo jam perseverant mecum, et non habent quod manducent : et dimittere eos jejunos nolo, ne deficiant in via.Select Matthew 15:32

33Et dicunt ei discipuli : Unde ergo nobis in deserto panes tantos, ut saturemus turbam tantam ?Select Matthew 15:33

34Et ait illis Jesus : Quot habetis panes ? At illi dixerunt : Septem, et paucos pisciculos.Select Matthew 15:34

35Et præcepit turbæ ut discumberent super terram.Select Matthew 15:35

36Et accipiens septem panes, et pisces, et gratias agens, fregit, et dedit discipulis suis, et discipuli dederunt populo.Select Matthew 15:36

37Et comederunt omnes, et saturati sunt. Et quod superfuit de fragmentis, tulerunt septem sportas plenas.Select Matthew 15:37

38Erant autem qui manducaverunt quatuor millia hominum, extra parvulos et mulieres.Select Matthew 15:38

39Et, dimissa turba, ascendit in naviculam : et venit in fines Magedan.Select Matthew 15:39