16Matthew 16

1Et accesserunt ad eum pharisæi et sadducæi tentantes : et rogaverunt eum ut signum de cælo ostenderet eis.Select Matthew 16:1

2At ille respondens, ait illis : Facto vespere dicitis : Serenum erit, rubicundum est enim cælum.Select Matthew 16:2

3Et mane : Hodie tempestas, rutilat enim triste cælum.Select Matthew 16:3

4Faciem ergo cæli dijudicare nostis : signa autem temporum non potestis scire ? Generatio mala et adultera signum quærit : et signum non dabitur ei, nisi signum Jonæ prophetæ. Et relictis illis, abiit.Select Matthew 16:4

5Et cum venissent discipuli ejus trans fretum, obliti sunt panes accipere.Select Matthew 16:5

6Qui dixit illis : Intuemini, et cavete a fermento pharisæorum et sadducæorum.Select Matthew 16:6

7At illi cogitabant intra se dicentes : Quia panes non accepimus.Select Matthew 16:7

8Sciens autem Jesus, dixit : Quid cogitatis intra vos modicæ fidei, quia panes non habetis ?Select Matthew 16:8

9Nondum intelligitis, neque recordamini quinque panum in quinque millia hominum, et quot cophinos sumpsistis ?Select Matthew 16:9

10neque septem panum in quatuor millia hominum, et quot sportas sumpsistis ?Select Matthew 16:10

11Quare non intelligitis, quia non de pane dixi vobis : Cavete a fermento pharisæorum et sadducæorum ?Select Matthew 16:11

12Tunc intellexerunt quia non dixerit cavendum a fermento panum, sed a doctrina pharisæorum et sadducæorum.Select Matthew 16:12

13Venit autem Jesus in partes Cæsareæ Philippi : et interrogabat discipulos suos, dicens : Quem dicunt homines esse Filium hominis ?Select Matthew 16:13

14At illi dixerunt : Alii Joannem Baptistam, alii autem Eliam, alii vero Jeremiam, aut unum ex prophetis.Select Matthew 16:14

15Dicit illis Jesus : Vos autem, quem me esse dicitis ?Select Matthew 16:15

16Respondens Simon Petrus dixit : Tu es Christus, Filius Dei vivi.Select Matthew 16:16

17Respondens autem Jesus, dixit ei : Beatus es Simon Bar Jona : quia caro et sanguis non revelavit tibi, sed Pater meus, qui in cælis est.Select Matthew 16:17

18Et ego dico tibi, quia tu es Petrus, et super hanc petram ædificabo Ecclesiam meam, et portæ inferi non prævalebunt adversus eam.Select Matthew 16:18

19Et tibi dabo claves regni cælorum. Et quodcumque ligaveris super terram, erit ligatum et in cælis : et quodcumque solveris super terram, erit solutum et in cælis.Select Matthew 16:19

20Tunc præcepit discipulis suis ut nemini dicerent quia ipse esset Jesus Christus.Select Matthew 16:20

21Exinde cœpit Jesus ostendere discipulis suis, quia oporteret eum ire Jerosolymam, et multa pati a senioribus, et scribis, et principibus sacerdotum, et occidi, et tertia die resurgere.Select Matthew 16:21

22Et assumens eum Petrus, cœpit increpare illum dicens : Absit a te, Domine : non erit tibi hoc.Select Matthew 16:22

23Qui conversus, dixit Petro : Vade post me Satana, scandalum es mihi : quia non sapis ea quæ Dei sunt, sed ea quæ hominum.Select Matthew 16:23

24Tunc Jesus dixit discipulis suis : Si quis vult post me venire, abneget semetipsum, et tollat crucem suam, et sequatur me.Select Matthew 16:24

25Qui enim voluerit animam suam salvam facere, perdet eam : qui autem perdiderit animam suam propter me, inveniet eam.Select Matthew 16:25

26Quid enim prodest homini, si mundum universum lucretur, animæ vero suæ detrimentum patiatur ? aut quam dabit homo commutationem pro anima sua ?Select Matthew 16:26

27Filius enim hominis venturus est in gloria Patris sui cum angelis suis : et tunc reddet unicuique secundum opera ejus.Select Matthew 16:27

28Amen dico vobis, sunt quidam de hic stantibus, qui non gustabunt mortem, donec videant Filium hominis venientem in regno suo.Select Matthew 16:28