20Matthew 20

1Simile est regnum cælorum homini patrifamilias, qui exiit primo mane conducere operarios in vineam suam.Select Matthew 20:1

2Conventione autem facta cum operariis ex denario diurno, misit eos in vineam suam.Select Matthew 20:2

3Et egressus circa horam tertiam, vidit alios stantes in foro otiosos,Select Matthew 20:3

4et dixit illis : Ite et vos in vineam meam, et quod justum fuerit dabo vobis.Select Matthew 20:4

5Illi autem abierunt. Iterum autem exiit circa sextam et nonam horam : et fecit similiter.Select Matthew 20:5

6Circa undecimam vero exiit, et invenit alios stantes, et dicit illis : Quid hic statis tota die otiosi ?Select Matthew 20:6

7Dicunt ei : Quia nemo nos conduxit. Dicit illis : Ite et vos in vineam meam.Select Matthew 20:7

8Cum sero autem factum esset, dicit dominus vineæ procuratori suo : Voca operarios, et redde illis mercedem incipiens a novissimis usque ad primos.Select Matthew 20:8

9Cum venissent ergo qui circa undecimam horam venerant, acceperunt singulos denarios.Select Matthew 20:9

10Venientes autem et primi, arbitrati sunt quod plus essent accepturi : acceperunt autem et ipsi singulos denarios.Select Matthew 20:10

11Et accipientes murmurabant adversus patremfamilias,Select Matthew 20:11

12dicentes : Hi novissimi una hora fecerunt, et pares illos nobis fecisti, qui portavimus pondus diei, et æstus.Select Matthew 20:12

13At ille respondens uni eorum, dixit : Amice, non facio tibi injuriam : nonne ex denario convenisti mecum ?Select Matthew 20:13

14Tolle quod tuum est, et vade : volo autem et huic novissimo dare sicut et tibi.Select Matthew 20:14

15Aut non licet mihi quod volo, facere ? an oculus tuus nequam est, quia ego bonus sum ?Select Matthew 20:15

16Sic erunt novissimi primi, et primi novissimi. Multi enim sunt vocati, pauci vero electi.Select Matthew 20:16

17Et ascendens Jesus Jerosolymam, assumpsit duodecim discipulos secreto, et ait illis :Select Matthew 20:17

18Ecce ascendimus Jerosolymam, et Filius hominis tradetur principibus sacerdotum, et scribis, et condemnabunt eum morte,Select Matthew 20:18

19et tradent eum gentibus ad illudendum, et flagellandum, et crucifigendum, et tertia die resurget.Select Matthew 20:19

20Tunc accessit ad eum mater filiorum Zebedæi cum filiis suis, adorans et petens aliquid ab eo.Select Matthew 20:20

21Qui dixit ei : Quid vis ? Ait illi : Dic ut sedeant hi duo filii mei, unus ad dexteram tuam, et unus ad sinistram in regno tuo.Select Matthew 20:21

22Respondens autem Jesus, dixit : Nescitis quid petatis. Potestis bibere calicem, quem ego bibiturus sum ? Dicunt ei : Possumus.Select Matthew 20:22

23Ait illis : Calicem quidem meum bibetis : sedere autem ad dexteram meam vel sinistram non est meum dare vobis, sed quibus paratum est a Patre meo.Select Matthew 20:23

24Et audientes decem, indignati sunt de duobus fratribus.Select Matthew 20:24

25Jesus autem vocavit eos ad se, et ait : Scitis quia principes gentium dominantur eorum : et qui majores sunt, potestatem exercent in eos.Select Matthew 20:25

26Non ita erit inter vos : sed quicumque voluerit inter vos major fieri, sit vester minister :Select Matthew 20:26

27et qui voluerit inter vos primus esse, erit vester servus.Select Matthew 20:27

28Sicut Filius hominis non venit ministrari, sed ministrare, et dare animam suam redemptionem pro multis.Select Matthew 20:28

29Et egredientibus illis ab Jericho, secuta est eum turba multa,Select Matthew 20:29

30et ecce duo cæci sedentes secus viam audierunt quia Jesus transiret : et clamaverunt, dicentes : Domine, miserere nostri, fili David.Select Matthew 20:30

31Turba autem increpabat eos ut tacerent. At illi magis clamabant, dicentes : Domine, miserere nostri, fili David.Select Matthew 20:31

32Et stetit Jesus, et vocavit eos, et ait : Quid vultis ut faciam vobis ?Select Matthew 20:32

33Dicunt illi : Domine, ut aperiantur oculi nostri.Select Matthew 20:33

34Misertus autem eorum Jesus, tetigit oculos eorum. Et confestim viderunt, et secuti sunt eum.Select Matthew 20:34