24Matthew 24

1Et egressus Jesus de templo, ibat. Et accesserunt discipuli ejus, ut ostenderent ei ædificationes templi.Select Matthew 24:1

2Ipse autem respondens dixit illis : Videtis hæc omnia ? amen dico vobis, non relinquetur hic lapis super lapidem, qui non destruatur.Select Matthew 24:2

3Sedente autem eo super montem Oliveti, accesserunt ad eum discipuli secreto, dicentes : Dic nobis, quando hæc erunt ? et quod signum adventus tui, et consummationis sæculi ?Select Matthew 24:3

4Et respondens Jesus, dixit eis : Videte ne quis vos seducat :Select Matthew 24:4

5multi enim venient in nomine meo, dicentes : Ego sum Christus : et multos seducent.Select Matthew 24:5

6Audituri enim estis prælia, et opiniones præliorum. Videte ne turbemini : oportet enim hæc fieri, sed nondum est finis :Select Matthew 24:6

7consurget enim gens in gentem, et regnum in regnum, et erunt pestilentiæ, et fames, et terræmotus per loca :Select Matthew 24:7

8hæc autem omnia initia sunt dolorum.Select Matthew 24:8

9Tunc tradent vos in tribulationem, et occident vos : et eritis odio omnibus gentibus propter nomen meum.Select Matthew 24:9

10Et tunc scandalizabuntur multi, et invicem tradent, et odio habebunt invicem.Select Matthew 24:10

11Et multi pseudoprophetæ surgent, et seducent multos.Select Matthew 24:11

12Et quoniam abundavit iniquitas, refrigescet caritas multorum :Select Matthew 24:12

13qui autem perseveraverit usque in finem, hic salvus erit.Select Matthew 24:13

14Et prædicabitur hoc Evangelium regni in universo orbe, in testimonium omnibus gentibus : et tunc veniet consummatio.Select Matthew 24:14

15Cum ergo videritis abominationem desolationis, quæ dicta est a Daniele propheta, stantem in loco sancto, qui legit, intelligat :Select Matthew 24:15

16tunc qui in Judæa sunt, fugiant ad montes :Select Matthew 24:16

17et qui in tecto, non descendat tollere aliquid de domo sua :Select Matthew 24:17

18et qui in agro, non revertatur tollere tunicam suam.Select Matthew 24:18

19Væ autem prægnantibus et nutrientibus in illis diebus !Select Matthew 24:19

20Orate autem ut non fiat fuga vestra in hieme, vel sabbato :Select Matthew 24:20

21erit enim tunc tribulatio magna, qualis non fuit ab initio mundi usque modo, neque fiet.Select Matthew 24:21

22Et nisi breviati fuissent dies illi, non fieret salva omnis caro : sed propter electos breviabuntur dies illi.Select Matthew 24:22

23Tunc si quis vobis dixerit : Ecce hic est Christus, aut illic : nolite credere.Select Matthew 24:23

24Surgent enim pseudochristi, et pseudoprophetæ : et dabunt signa magna, et prodigia, ita ut in errorem inducantur (si fieri potest) etiam electi.Select Matthew 24:24

25Ecce prædixi vobis.Select Matthew 24:25

26Si ergo dixerint vobis : Ecce in deserto est, nolite exire ; Ecce in penetralibus, nolite credere.Select Matthew 24:26

27Sicut enim fulgur exit ab oriente, et paret usque in occidentem : ita erit et adventus Filii hominis.Select Matthew 24:27

28Ubicumque fuerit corpus, illic congregabuntur et aquilæ.Select Matthew 24:28

29Statim autem post tribulationem dierum illorum sol obscurabitur, et luna non dabit lumen suum, et stellæ cadent de cælo, et virtutes cælorum commovebuntur :Select Matthew 24:29

30et tunc parebit signum Filii hominis in cælo : et tunc plangent omnes tribus terræ : et videbunt Filium hominis venientem in nubibus cæli cum virtute multa et majestate.Select Matthew 24:30

31Et mittet angelos suos cum tuba, et voce magna : et congregabunt electos ejus a quatuor ventis, a summis cælorum usque ad terminos eorum.Select Matthew 24:31

32Ab arbore autem fici discite parabolam : cum jam ramus ejus tener fuerit, et folia nata, scitis quia prope est æstas :Select Matthew 24:32

33ita et vos cum videritis hæc omnia, scitote quia prope est, in januis.Select Matthew 24:33

34Amen dico vobis, quia non præteribit generatio hæc, donec omnia hæc fiant.Select Matthew 24:34

35Cælum et terra transibunt, verba autem mea non præteribunt.Select Matthew 24:35

36De die autem illa et hora nemo scit, neque angeli cælorum, nisi solus Pater.Select Matthew 24:36

37Sicut autem in diebus Noë, ita erit et adventus Filii hominis :Select Matthew 24:37

38sicut enim erant in diebus ante diluvium comedentes et bibentes, nubentes et nuptum tradentes, usque ad eum diem, quo intravit Noë in arcam,Select Matthew 24:38

39et non cognoverunt donec venit diluvium, et tulit omnes : ita erit et adventus Filii hominis.Select Matthew 24:39

40Tunc duo erunt in agro : unus assumetur, et unus relinquetur.Select Matthew 24:40

41Duæ molentes in mola : una assumetur, et una relinquetur.Select Matthew 24:41

42Vigilate ergo, quia nescitis qua hora Dominus vester venturus sit.Select Matthew 24:42

43Illud autem scitote, quoniam si sciret paterfamilias qua hora fur venturus esset, vigilaret utique, et non sineret perfodi domum suam.Select Matthew 24:43

44Ideo et vos estote parati : quia qua nescitis hora Filius hominis venturus est.Select Matthew 24:44

45Quis, putas, est fidelis servus, et prudens, quem constituit dominus suus super familiam suam ut det illis cibum in tempore ?Select Matthew 24:45

46Beatus ille servus, quem cum venerit dominus ejus, invenerit sic facientem.Select Matthew 24:46

47Amen dico vobis, quoniam super omnia bona sua constituet eum.Select Matthew 24:47

48Si autem dixerit malus servus ille in corde suo : Moram fecit dominus meus venire :Select Matthew 24:48

49et cœperit percutere conservos suos, manducet autem et bibat cum ebriosis :Select Matthew 24:49

50veniet dominus servi illius in die qua non sperat, et hora qua ignorat :Select Matthew 24:50

51et dividet eum, partemque ejus ponet cum hypocritis : illic erit fletus et stridor dentium.Select Matthew 24:51