27Matthew 27

1Mane autem facto, consilium inierunt omnes principes sacerdotum et seniores populi adversus Jesum, ut eum morti traderent.Select Matthew 27:1

2Et vinctum adduxerunt eum, et tradiderunt Pontio Pilato præsidi.Select Matthew 27:2

3Tunc videns Judas, qui eum tradidit, quod damnatus esset, pœnitentia ductus, retulit triginta argenteos principibus sacerdotum, et senioribus,Select Matthew 27:3

4dicens : Peccavi, tradens sanguinem justum. At illi dixerunt : Quid ad nos ? tu videris.Select Matthew 27:4

5Et projectis argenteis in templo, recessit : et abiens laqueo se suspendit.Select Matthew 27:5

6Principes autem sacerdotum, acceptis argenteis, dixerunt : Non licet eos mittere in corbonam : quia pretium sanguinis est.Select Matthew 27:6

7Consilio autem inito, emerunt ex illis agrum figuli, in sepulturam peregrinorum.Select Matthew 27:7

8Propter hoc vocatus est ager ille, Haceldama, hoc est, Ager sanguinis, usque in hodiernum diem.Select Matthew 27:8

9Tunc impletum est quod dictum est per Jeremiam prophetam, dicentem : Et acceperunt triginta argenteos pretium appretiati, quem appretiaverunt a filiis Israël :Select Matthew 27:9

10et dederunt eos in agrum figuli, sicut constituit mihi Dominus.Select Matthew 27:10

11Jesus autem stetit ante præsidem, et interrogavit eum præses, dicens : Tu es rex Judæorum ? Dicit illi Jesus : Tu dicis.Select Matthew 27:11

12Et cum accusaretur a principibus sacerdotum et senioribus, nihil respondit.Select Matthew 27:12

13Tunc dicit illi Pilatus : Non audis quanta adversum te dicunt testimonia ?Select Matthew 27:13

14Et non respondit ei ad ullum verbum, ita ut miraretur præses vehementer.Select Matthew 27:14

15Per diem autem solemnem consueverat præses populo dimittere unum vinctum, quem voluissent :Select Matthew 27:15

16habebat autem tunc vinctum insignem, qui dicebatur Barabbas.Select Matthew 27:16

17Congregatis ergo illis, dixit Pilatus : Quem vultis dimittam vobis : Barabbam, an Jesum, qui dicitur Christus ?Select Matthew 27:17

18Sciebat enim quod per invidiam tradidissent eum.Select Matthew 27:18

19Sedente autem illo pro tribunali, misit ad eum uxor ejus, dicens : Nihil tibi, et justo illi : multa enim passa sum hodie per visum propter eum.Select Matthew 27:19

20Principes autem sacerdotum et seniores persuaserunt populis ut peterent Barabbam, Jesum vero perderent.Select Matthew 27:20

21Respondens autem præses, ait illis : Quem vultis vobis de duobus dimitti ? At illi dixerunt : Barabbam.Select Matthew 27:21

22Dicit illis Pilatus : Quid igitur faciam de Jesu, qui dicitur Christus ?Select Matthew 27:22

23Dicunt omnes : Crucifigatur. Ait illis præses : Quid enim mali fecit ? At illi magis clamabant dicentes : Crucifigatur.Select Matthew 27:23

24Videns autem Pilatus quia nihil proficeret, sed magis tumultus fieret : accepta aqua, lavit manus coram populo, dicens : Innocens ego sum a sanguine justi hujus : vos videritis.Select Matthew 27:24

25Et respondens universus populus, dixit : Sanguis ejus super nos, et super filios nostros.Select Matthew 27:25

26Tunc dimisit illis Barabbam : Jesum autem flagellatum tradidit eis ut crucifigeretur.Select Matthew 27:26

27Tunc milites præsidis suscipientes Jesum in prætorium, congregaverunt ad eum universam cohortem :Select Matthew 27:27

28et exuentes eum, chlamydem coccineam circumdederunt ei,Select Matthew 27:28

29et plectentes coronam de spinis, posuerunt super caput ejus, et arundinem in dextera ejus. Et genu flexo ante eum, illudebant ei, dicentes : Ave rex Judæorum.Select Matthew 27:29

30Et exspuentes in eum, acceperunt arundinem, et percutiebant caput ejus.Select Matthew 27:30

31Et postquam illuserunt ei, exuerunt eum chlamyde, et induerunt eum vestimentis ejus, et duxerunt eum ut crucifigerent.Select Matthew 27:31

32Exeuntes autem invenerunt hominem Cyrenæum, nomine Simonem : hunc angariaverunt ut tolleret crucem ejus.Select Matthew 27:32

33Et venerunt in locum qui dicitur Golgotha, quod est Calvariæ locus.Select Matthew 27:33

34Et dederunt ei vinum bibere cum felle mistum. Et cum gustasset, noluit bibere.Select Matthew 27:34

35Postquam autem crucifixerunt eum, diviserunt vestimenta ejus, sortem mittentes : ut impleretur quod dictum est per prophetam dicentem : Diviserunt sibi vestimenta mea, et super vestem meam miserunt sortem.Select Matthew 27:35

36Et sedentes servabant eum.Select Matthew 27:36

37Et imposuerunt super caput ejus causam ipsius scriptam : Hic est Jesus rex Judæorum.Select Matthew 27:37

38Tunc crucifixi sunt cum eo duo latrones : unus a dextris, et unus a sinistris.Select Matthew 27:38

39Prætereuntes autem blasphemabant eum moventes capita sua,Select Matthew 27:39

40et dicentes : Vah ! qui destruis templum Dei, et in triduo illud reædificas : salva temetipsum : si Filius Dei es, descende de cruce.Select Matthew 27:40

41Similiter et principes sacerdotum illudentes cum scribis et senioribus dicebant :Select Matthew 27:41

42Alios salvos fecit, seipsum non potest salvum facere : si rex Israël est, descendat nunc de cruce, et credimus ei :Select Matthew 27:42

43confidit in Deo : liberet nunc, si vult eum : dixit enim : Quia Filius Dei sum.Select Matthew 27:43

44Idipsum autem et latrones, qui crucifixi erant cum eo, improperabant ei.Select Matthew 27:44

45A sexta autem hora tenebræ factæ sunt super universam terram usque ad horam nonam.Select Matthew 27:45

46Et circa horam nonam clamavit Jesus voce magna, dicens : Eli, Eli, lamma sabacthani ? hoc est : Deus meus, Deus meus, ut quid dereliquisti me ?Select Matthew 27:46

47Quidam autem illic stantes, et audientes, dicebant : Eliam vocat iste.Select Matthew 27:47

48Et continuo currens unus ex eis, acceptam spongiam implevit aceto, et imposuit arundini, et dabat ei bibere.Select Matthew 27:48

49Ceteri vero dicebant : Sine, videamus an veniat Elias liberans eum.Select Matthew 27:49

50Jesus autem iterum clamans voce magna, emisit spiritum.Select Matthew 27:50

51Et ecce velum templi scissum est in duas partes a summo usque deorsum : et terra mota est, et petræ scissæ sunt,Select Matthew 27:51

52et monumenta aperta sunt : et multa corpora sanctorum, qui dormierant, surrexerunt.Select Matthew 27:52

53Et exeuntes de monumentis post resurrectionem ejus, venerunt in sanctam civitatem, et apparuerunt multis.Select Matthew 27:53

54Centurio autem, et qui cum eo erant, custodientes Jesum, viso terræmotu, et his quæ fiebant, timuerunt valde, dicentes : Vere Filius Dei erat iste.Select Matthew 27:54

55Erant autem ibi mulieres multæ a longe, quæ secutæ erant Jesum a Galilæa, ministrantes ei :Select Matthew 27:55

56inter quas erat Maria Magdalene, et Maria Jacobi, et Joseph mater, et mater filiorum Zebedæi.Select Matthew 27:56

57Cum autem sero factum esset, venit quidam homo dives ab Arimathæa, nomine Joseph, qui et ipse discipulus erat Jesu :Select Matthew 27:57

58hic accessit ad Pilatum, et petiit corpus Jesu. Tunc Pilatus jussit reddi corpus.Select Matthew 27:58

59Et accepto corpore, Joseph involvit illud in sindone munda,Select Matthew 27:59

60et posuit illud in monumento suo novo, quod exciderat in petra. Et advolvit saxum magnum ad ostium monumenti, et abiit.Select Matthew 27:60

61Erant autem ibi Maria Magdalene, et altera Maria, sedentes contra sepulchrum.Select Matthew 27:61

62Altera autem die, quæ est post Parasceven, convenerunt principes sacerdotum et pharisæi ad Pilatum,Select Matthew 27:62

63dicentes : Domine, recordati sumus, quia seductor ille dixit adhuc vivens : Post tres dies resurgam.Select Matthew 27:63

64Jube ergo custodiri sepulchrum usque in diem tertium : ne forte veniant discipuli ejus, et furentur eum, et dicant plebi : Surrexit a mortuis : et erit novissimus error pejor priore.Select Matthew 27:64

65Ait illis Pilatus : Habetis custodiam, ite, custodite sicut scitis.Select Matthew 27:65

66Illi autem abeuntes, munierunt sepulchrum, signantes lapidem, cum custodibus.Select Matthew 27:66