7Matthew 7

1Nolite judicare, ut non judicemini.Select Matthew 7:1

2In quo enim judicio judicaveritis, judicabimini : et in qua mensura mensi fueritis, remetietur vobis.Select Matthew 7:2

3Quid autem vides festucam in oculo fratris tui, et trabem in oculo tuo non vides ?Select Matthew 7:3

4aut quomodo dicis fratri tuo : Sine ejiciam festucam de oculo tuo, et ecce trabs est in oculo tuo ?Select Matthew 7:4

5Hypocrita, ejice primum trabem de oculo tuo, et tunc videbis ejicere festucam de oculo fratris tui.Select Matthew 7:5

6Nolite dare sanctum canibus : neque mittatis margaritas vestras ante porcos, ne forte conculcent eas pedibus suis, et conversi dirumpant vos.Select Matthew 7:6

7Petite, et dabitur vobis : quærite, et invenietis : pulsate, et aperietur vobis.Select Matthew 7:7

8Omnis enim qui petit, accipit : et qui quærit, invenit : et pulsanti aperietur.Select Matthew 7:8

9Aut quis est ex vobis homo, quem si petierit filius suus panem, numquid lapidem porriget ei ?Select Matthew 7:9

10aut si piscem petierit, numquid serpentem porriget ei ?Select Matthew 7:10

11Si ergo vos, cum sitis mali, nostis bona data dare filiis vestris : quanto magis Pater vester, qui in cælis est, dabit bona petentibus se ?Select Matthew 7:11

12Omnia ergo quæcumque vultis ut faciant vobis homines, et vos facite illis. Hæc est enim lex, et prophetæ.Select Matthew 7:12

13Intrate per angustam portam : quia lata porta, et spatiosa via est, quæ ducit ad perditionem, et multi sunt qui intrant per eam.Select Matthew 7:13

14Quam angusta porta, et arcta via est, quæ ducit ad vitam : et pauci sunt qui inveniunt eam !Select Matthew 7:14

15Attendite a falsis prophetis, qui veniunt ad vos in vestimentis ovium, intrinsecus autem sunt lupi rapaces :Select Matthew 7:15

16a fructibus eorum cognoscetis eos. Numquid colligunt de spinis uvas, aut de tribulis ficus ?Select Matthew 7:16

17Sic omnis arbor bona fructus bonos facit : mala autem arbor malos fructus facit.Select Matthew 7:17

18Non potest arbor bona malos fructus facere : neque arbor mala bonos fructus facere.Select Matthew 7:18

19Omnis arbor, quæ non facit fructum bonum, excidetur, et in ignem mittetur.Select Matthew 7:19

20Igitur ex fructibus eorum cognoscetis eos.Select Matthew 7:20

21Non omnis qui dicit mihi, Domine, Domine, intrabit in regnum cælorum : sed qui facit voluntatem Patris mei, qui in cælis est, ipse intrabit in regnum cælorum.Select Matthew 7:21

22Multi dicent mihi in illa die : Domine, Domine, nonne in nomine tuo prophetavimus, et in nomine tuo dæmonia ejecimus, et in nomine tuo virtutes multas fecimus ?Select Matthew 7:22

23Et tunc confitebor illis : Quia numquam novi vos : discedite a me, qui operamini iniquitatem.Select Matthew 7:23

24Omnis ergo qui audit verba mea hæc, et facit ea, assimilabitur viro sapienti, qui ædificavit domum suam supra petram,Select Matthew 7:24

25et descendit pluvia, et venerunt flumina, et flaverunt venti, et irruerunt in domum illam, et non cecidit : fundata enim erat super petram.Select Matthew 7:25

26Et omnis qui audit verba mea hæc, et non facit ea, similis erit viro stulto, qui ædificavit domum suam super arenam :Select Matthew 7:26

27et descendit pluvia, et venerunt flumina, et flaverunt venti, et irruerunt in domum illam, et cecidit, et fuit ruina illius magna.Select Matthew 7:27

28Et factum est : cum consummasset Jesus verba hæc, admirabantur turbæ super doctrina ejus.Select Matthew 7:28

29Erat enim docens eos sicut potestatem habens, et non sicut scribæ eorum, et pharisæi.Select Matthew 7:29