18Numbers 18

1Dixitque Dominus ad Aaron : Tu, et filii tui, et domus patris tui tecum, portabitis iniquitatem sanctuarii : et tu et filii tui simul sustinebitis peccata sacerdotii vestri.Select Numbers 18:1

2Sed et fratres tuos de tribu Levi, et sceptrum patris tui sume tecum, præstoque sint, et ministrent tibi : tu autem et filii tui ministrabitis in tabernaculo testimonii.Select Numbers 18:2

3Excubabuntque Levitæ ad præcepta tua, et ad cuncta opera tabernaculi : ita dumtaxat ut ad vasa sanctuarii et ad altare non accedant, ne et illi moriantur, et vos pereatis simul.Select Numbers 18:3

4Sint autem tecum, et excubent in custodiis tabernaculi, et in omnibus cæremoniis ejus. Alienigena non miscebitur vobis.Select Numbers 18:4

5Excubate in custodia sanctuarii, et in ministerio altaris : ne oriatur indignatio super filios Israël.Select Numbers 18:5

6Ego dedi vobis fratres vestros Levitas de medio filiorum Israël, et tradidi donum Domino, ut serviant in ministeriis tabernaculi ejus.Select Numbers 18:6

7Tu autem et filii tui custodite sacerdotium vestrum : et omnia quæ ad cultum altaris pertinent, et intra velum sunt, per sacerdotes administrabuntur : si quis externus accesserit, occidetur.Select Numbers 18:7

8Locutusque est Dominus ad Aaron : Ecce dedi tibi custodiam primitiarum mearum. Omnia quæ sanctificantur a filiis Israël, tradidi tibi et filiis tuis pro officio sacerdotali legitima sempiterna.Select Numbers 18:8

9Hæc ergo accipies de his, quæ sanctificantur et oblata sunt Domino. Omnis oblatio, et sacrificium, et quidquid pro peccato atque delicto redditur mihi, et cedit in Sancta sanctorum, tuum erit, et filiorum tuorum.Select Numbers 18:9

10In sanctuario comedes illud : mares tantum edent ex eo, quia consecratum est tibi.Select Numbers 18:10

11Primitias autem, quas voverint et obtulerint filii Israël, tibi dedi, et filiis tuis, ac filiabus tuis, jure perpetuo : qui mundus est in domo tua, vescetur eis.Select Numbers 18:11

12Omnem medullam olei, et vini, ac frumenti, quidquid offerunt primitiarum Domino, tibi dedi.Select Numbers 18:12

13Universa frugum initia, quas gignit humus, et Domino deportantur, cedent in usus tuos : qui mundus est in domo tua, vescetur eis.Select Numbers 18:13

14Omne quod ex voto reddiderint filii Israël, tuum erit.Select Numbers 18:14

15Quidquid primum erumpit e vulva cunctæ carnis, quam offerunt Domino, sive ex hominibus, sive de pecoribus fuerit, tui juris erit : ita dumtaxat ut pro hominis primogenito pretium accipias, et omne animal quod immundum est redimi facias,Select Numbers 18:15

16cujus redemptio erit post unum mensem, siclis argenti quinque, pondere sanctuarii. Siclus viginti obolos habet.Select Numbers 18:16

17Primogenitum autem bovis, et ovis, et capræ, non facies redimi, quia sanctificata sunt Domino. Sanguinem tantum eorum fundes super altare, et adipes adolebis in suavissimum odorem Domino.Select Numbers 18:17

18Carnes vero in usum tuum cedent, sicut pectusculum consecratum, et armus dexter : tua erunt.Select Numbers 18:18

19Omnes primitias sanctuarii, quas offerunt filii Israël Domino, tibi dedi, et filiis, ac filiabus tuis, jure perpetuo. Pactum salis est sempiternum coram Domino, tibi ac filiis tuis.Select Numbers 18:19

20Dixitque Dominus ad Aaron : In terra eorum nihil possidebitis, nec habebitis partem inter eos : ego pars et hæreditas tua in medio filiorum Israël.Select Numbers 18:20

21Filiis autem Levi dedi omnes decimas Israëlis in possessionem, pro ministerio, quo serviunt mihi in tabernaculo fœderis :Select Numbers 18:21

22ut non accedant ultra filii Israël ad tabernaculum, nec committant peccatum mortiferum,Select Numbers 18:22

23solis filiis Levi mihi in tabernaculo servientibus, et portantibus peccata populi. Legitimum sempiternum erit in generationibus vestris. Nihil aliud possidebunt,Select Numbers 18:23

24decimarum oblatione contenti, quas in usus eorum et necessaria separavi.Select Numbers 18:24

25Locutusque est Dominus ad Moysen, dicens :Select Numbers 18:25

26Præcipe Levitis, atque denuntia : Cum acceperitis a filiis Israël decimas, quas dedi vobis, primitias earum offerte Domino, id est, decimam partem decimæ,Select Numbers 18:26

27ut reputetur vobis in oblationem primitivorum, tam de areis quam de torcularibus :Select Numbers 18:27

28et universis quorum accipitis primitias, offerte Domino, et date Aaron sacerdoti.Select Numbers 18:28

29Omnia quæ offeretis ex decimis, et in donaria Domini separabitis, optima et electa erunt.Select Numbers 18:29

30Dicesque ad eos : Si præclara et meliora quæque obtuleritis ex decimis, reputabitur vobis quasi de area, et torculari dederitis primitias :Select Numbers 18:30

31et comedetis eas in omnibus locis vestris, tam vos quam familiæ vestræ : quia pretium est pro ministerio, quo servitis in tabernaculo testimonii.Select Numbers 18:31

32Et non peccabitis super hoc, egregia vobis et pinguia reservantes, ne polluatis oblationes filiorum Israël, et moriamini.Select Numbers 18:32