25Numbers 25

1Morabatur autem eo tempore Israël in Settim, et fornicatus est populus cum filiabus Moab,Select Numbers 25:1

2quæ vocaverunt eos ad sacrificia sua. At ille comederunt et adoraverunt deos earum.Select Numbers 25:2

3Initiatusque est Israël Beelphegor : et iratus Dominus,Select Numbers 25:3

4ait ad Moysen : Tolle cunctos principes populi, et suspende eos contra solem in patibulis, ut avertatur furor meus ab Israël.Select Numbers 25:4

5Dixitque Moyses ad judices Israël : Occidat unusquisque proximos suos, qui initiati sunt Beelphegor.Select Numbers 25:5

6Et ecce unus de filiis Israël intravit coram fratribus suis ad scortum Madianitidem, vidente Moyse, et omni turba filiorum Israël, qui flebant ante fores tabernaculi.Select Numbers 25:6

7Quod cum vidisset Phinees filius Eleazari filii Aaron sacerdotis, surrexit de medio multitudinis, et arrepto pugione,Select Numbers 25:7

8ingressus est post virum Israëlitem in lupanar, et perfodit ambos simul, virum scilicet et mulierem in locis genitalibus. Cessavitque plaga a filiis Israël :Select Numbers 25:8

9et occisi sunt viginti quatuor millia hominum.Select Numbers 25:9

10Dixitque Dominus ad Moysen :Select Numbers 25:10

11Phinees filius Eleazari filii Aaron sacerdotis avertit iram meam a filiis Israël : quia zelo meo commotus est contra eos, ut non ipse delerem filios Israël in zelo meo.Select Numbers 25:11

12Idcirco loquere ad eum : Ecce do ei pacem fœderis mei,Select Numbers 25:12

13et erit tam ipsi quam semini ejus pactum sacerdotii sempiternum : quia zelatus est pro Deo suo, et expiavit scelus filiorum Israël.Select Numbers 25:13

14Erat autem nomen viri Israëlitæ, qui occisus est cum Madianitide, Zambri filius Salu, dux de cognatione et tribu Simeonis.Select Numbers 25:14

15Porro mulier Madianitis, quæ pariter interfecta est, vocabatur Cozbi filia Sur principis nobilissimi Madianitarum.Select Numbers 25:15

16Locutusque est Dominus ad Moysen, dicens :Select Numbers 25:16

17Hostes vos sentiant Madianitæ, et percutite eos :Select Numbers 25:17

18quia et ipsi hostiliter egerunt contra vos, et decepere insidiis per idolum Phogor, et Cozbi filiam ducis Madian sororem suam, quæ percussa est in die plagæ pro sacrilegio Phogor.Select Numbers 25:18