29Numbers 29

1Mensis etiam septimi prima dies venerabilis et sancta erit vobis. Omne opus servile non facietis in ea, quia dies clangoris est et tubarum.Select Numbers 29:1

2Offeretisque holocaustum in odorem suavissimum Domino, vitulum de armento unum, arietem unum, et agnos anniculos immaculatos septem :Select Numbers 29:2

3et in sacrificiis eorum, similæ oleo conspersæ tres decimas per singulos vitulos, duas decimas per arietem,Select Numbers 29:3

4unam decimam per agnum, qui simul sunt agni septem :Select Numbers 29:4

5et hircum pro peccato, qui offertur in expiationem populi,Select Numbers 29:5

6præter holocaustum calendarum cum sacrificiis suis, et holocaustum sempiternum cum libationibus solitis : eisdem cæremoniis offeretis in odorem suavissimum incensum Domino.Select Numbers 29:6

7Decima quoque dies mensis hujus septimi erit vobis sancta atque venerabilis, et affligetis animas vestras : omne opus servile non facietis in ea.Select Numbers 29:7

8Offeretisque holocaustum Domino in odorem suavissimum, vitulum de armento unum, arietem unum, agnos anniculos immaculatos septem :Select Numbers 29:8

9et in sacrificiis eorum similæ oleo conspersæ tres decimas per singulos vitulos, duas decimas per arietem,Select Numbers 29:9

10decimam decimæ per agnos singulos, qui sunt simul agni septem :Select Numbers 29:10

11et hircum pro peccato, absque his quæ offerri pro delicto solent in expiationem, et holocaustum sempiternum, cum sacrificio et libaminibus eorum.Select Numbers 29:11

12Quintadecima vero die mensis septimi, quæ vobis sancta erit atque venerabilis, omne opus servile non facietis in ea, sed celebrabitis solemnitatem Domino septem diebus.Select Numbers 29:12

13Offeretisque holocaustum in odorem suavissimum Domino, vitulos de armento tredecim, arietes duos, agnos anniculos immaculatos quatuordecim :Select Numbers 29:13

14et in libamentis eorum, similæ oleo conspersæ tres decimas per vitulos singulos, qui sunt simul vituli tredecim, et duas decimas arieti uno, id est, simul arietibus duobus,Select Numbers 29:14

15et decimam decimæ agnis singulis, qui sunt simul agni quatuordecim :Select Numbers 29:15

16et hircum pro peccato, absque holocausto sempiterno, et sacrificio, et libamine ejus.Select Numbers 29:16

17In die altero offeretis vitulos de armento duodecim, arietes duos, agnos anniculos immaculatos quatuordecim :Select Numbers 29:17

18sacrificiaque et libamina singulorum, per vitulos, et arietes, et agnos rite celebrabitis :Select Numbers 29:18

19et hircum pro peccato, absque holocausto sempiterno, sacrificioque et libamine ejus.Select Numbers 29:19

20Die tertio offeretis vitulos undecim, arietes duos, agnos anniculos immaculatos quatuordecim :Select Numbers 29:20

21sacrificiaque et libamina singulorum, per vitulos, et arietes, et agnos rite celebrabitis :Select Numbers 29:21

22et hircum pro peccato, absque holocausto sempiterno, sacrificioque et libamine ejus.Select Numbers 29:22

23Die quarto offeretis vitulos decem, arietes duos, agnos anniculos immaculatos quatuordecim :Select Numbers 29:23

24sacrificiaque et libamina singulorum, per vitulos, et arietes, et agnos rite celebrabitis :Select Numbers 29:24

25et hircum pro peccato, absque holocausto sempiterno, sacrificioque ejus et libamine.Select Numbers 29:25

26Die quinto offeretis vitulos novem, arietes duos, agnos anniculos immaculatos quatuordecim :Select Numbers 29:26

27sacrificiaque et libamina singulorum, per vitulos, et arietes, et agnos rite celebrabitis :Select Numbers 29:27

28et hircum pro peccato, absque holocausto sempiterno, sacrificioque ejus et libamine.Select Numbers 29:28

29Die sexto offeretis vitulos octo, arietes duos, agnos anniculos immaculatos quatuordecim :Select Numbers 29:29

30sacrificiaque et libamina singulorum, per vitulos, et arietes, et agnos rite celebrabitis :Select Numbers 29:30

31et hircum pro peccato, absque holocausto sempiterno, sacrificioque ejus et libamine.Select Numbers 29:31

32Die septimo offeretis vitulos septem, et arietes duos, agnos anniculos immaculatos quatuordecim :Select Numbers 29:32

33sacrificiaque et libamina singulorum, per vitulos, et arietes, et agnos rite celebrabitis :Select Numbers 29:33

34et hircum pro peccato, absque holocausto sempiterno, sacrificioque ejus et libamine.Select Numbers 29:34

35Die octavo, qui est celeberrimus, omne opus servile non facietis,Select Numbers 29:35

36offerentes holocaustum in odorem suavissimum Domino, vitulum unum, arietem unum, agnos anniculos immaculatos septem :Select Numbers 29:36

37sacrificiaque et libamina singulorum, per vitulos, et arietes, et agnos rite celebrabitis :Select Numbers 29:37

38et hircum pro peccato, absque holocausto sempiterno, sacrificioque ejus et libamine.Select Numbers 29:38

39Hæc offeretis Domino in solemnitatibus vestris : præter vota et oblationes spontaneas in holocausto, in sacrificio, in libamine, et in hostiis pacificis.Select Numbers 29:39