32Numbers 32

1Filii autem Ruben et Gad habebant pecora multa, et erat illis in jumentis infinita substantia. Cumque vidissent Jazer et Galaad aptas animalibus alendis terras,Select Numbers 32:1

2venerunt ad Moysen, et ad Elezarum sacerdotem, et principes multitudinis, atque dixerunt :Select Numbers 32:2

3Ataroth, et Dibon, et Jazer, et Nemra, Hesebon, et Eleale, et Saban, et Nebo, et Beon,Select Numbers 32:3

4terra, quam percussit Dominus in conspectu filiorum Israël, regio uberrima est ad pastum animalium : et nos servi tui habemus jumenta plurima,Select Numbers 32:4

5precamurque si invenimus gratiam coram te, ut des nobis famulis tuis eam in possessionem, nec facias nos transire Jordanem.Select Numbers 32:5

6Quibus respondit Moyses : Numquid fratres vestri ibunt ad pugnam, et vos hic sedebitis ?Select Numbers 32:6

7cur subvertitis mentes filiorum Israël, ne transire audeant in locum, quem eis daturus est Dominus ?Select Numbers 32:7

8Nonne ita egerunt patres vestri, quando misi de Cadesbarne ad explorandam terram ?Select Numbers 32:8

9cumque venissent usque ad Vallem botri, lustrata omni regione, subverterunt cor filiorum Israël, ut non intrarent fines, quos eis Dominus dedit.Select Numbers 32:9

10Qui iratus juravit, dicens :Select Numbers 32:10

11Si videbunt homines isti, qui ascenderunt ex Ægypto a viginti annis et supra, terram, quam sub juramento pollicitus sum Abraham, Isaac, et Jacob : et noluerunt sequi me,Select Numbers 32:11

12præter Caleb filium Jephone Cenezæum, et Josue filium Nun : isti impleverunt voluntatem meam.Select Numbers 32:12

13Iratusque Dominus adversum Israël, circumduxit eum per desertum quadraginta annis, donec consumeretur universa generatio, quæ fecerat malum in conspectu ejus.Select Numbers 32:13

14Et ecce, inquit, vos surrexistis pro patribus vestris, incrementa et alumni hominum peccatorum, ut augeretis furorem Domini contra Israël.Select Numbers 32:14

15Quod si nolueritis sequi eum, in solitudine populum derelinquet, et vos causa eritis necis omnium.Select Numbers 32:15

16At illi prope accedentes, dixerunt : Caulas ovium fabricabimus, et stabula jumentorum, parvulis quoque nostris urbes munitas :Select Numbers 32:16

17nos autem ipsi armati et accincti pergemus ad prælium ante filios Israël, donec introducamus eos ad loca sua. Parvuli nostri, et quidquid habere possumus, erunt in urbibus muratis, propter habitatorum insidias.Select Numbers 32:17

18Non revertemur in domos nostras, usque dum possideant filii Israël hæreditatem suam :Select Numbers 32:18

19nec quidquam quæremus trans Jordanem, quia jam habemus nostram possessionem in orientali ejus plaga.Select Numbers 32:19

20Quibus Moyses ait : Si facitis quod promittitis, expediti pergite coram Domino ad pugnam :Select Numbers 32:20

21et omnis vir bellator armatus Jordanem transeat, donec subvertat Dominus inimicos suos,Select Numbers 32:21

22et subjiciatur ei omnis terra : tunc eritis inculpabiles apud Dominum et apud Israël, et obtinebitis regiones, quas vultis, coram Domino.Select Numbers 32:22

23Sin autem quod dicitis, non feceritis, nulli dubium est quin peccetis in Deum : et scitote quoniam peccatum vestrum apprehendet vos.Select Numbers 32:23

24Ædificate ergo urbes parvulis vestris, et caulas, et stabula ovibus ac jumentis : et quod polliciti estis, implete.Select Numbers 32:24

25Dixeruntque filii Gad et Ruben ad Moysen : Servi tui sumus : faciemus quod jubet dominus noster.Select Numbers 32:25

26Parvulos nostros, et mulieres, et pecora, ac jumenta relinquemus in urbibus Galaad :Select Numbers 32:26

27nos autem famuli tui omnes expediti pergemus ad bellum, sicut tu, domine, loqueris.Select Numbers 32:27

28Præcepit ergo Moyses Eleazaro sacerdoti, et Josue filio Nun, et principibus familiarum per tribus Israël, et dixit ad eos :Select Numbers 32:28

29Si transierint filii Gad et filii Ruben vobiscum Jordanem omnes armati ad bellum coram Domino, et vobis fuerit terra subjecta, date eis Galaad in possessionem.Select Numbers 32:29

30Sin autem noluerint transire armati vobiscum in terram Chanaan, inter vos habitandi accipiant loca.Select Numbers 32:30

31Responderuntque filii Gad et filii Ruben : Sicut locutus est Dominus servis suis, ita faciemus :Select Numbers 32:31

32ipsi armati pergemus coram Domino in terram Chanaan, et possessionem jam suscepisse nos confitemur trans Jordanem.Select Numbers 32:32

33Dedit itaque Moyses filiis Gad et Ruben, et dimidiæ tribui Manasse filii Joseph, regnum Sehon regis Amorrhæi, et regnum Og regis Basan, et terram eorum cum urbibus suis per circuitum.Select Numbers 32:33

34Igitur exstruxerunt filii Gad, Dibon, et Ataroth, et Aroër,Select Numbers 32:34

35et Etroth, et Sophan, et Jazer, et Jegbaa,Select Numbers 32:35

36et Bethnemra, et Betharan, urbes munitas, et caulas pecoribus suis.Select Numbers 32:36

37Filii vero Ruben ædificaverunt Hesebon, et Eleale, et Cariathaim,Select Numbers 32:37

38et Nabo, et Baalmeon versis nominibus, Sabama quoque : imponentes vocabula urbibus, quas exstruxerunt.Select Numbers 32:38

39Porro filii Machir filii Manasse, perrexerunt in Galaad, et vastaverunt eam interfecto Amorrhæo habitatore ejus.Select Numbers 32:39

40Dedit ergo Moyses terram Galaad Machir filio Manasse, qui habitavit in ea.Select Numbers 32:40

41Jair autem filius Manasse abiit, et occupavit vicos ejus, quos appellavit Havoth Jair, id est, Villas Jair.Select Numbers 32:41

42Nobe quoque perrexit, et apprehendit Chanath cum viculis suis : vocavitque eam ex nomine suo Nobe.Select Numbers 32:42