34Numbers 34

1Locutusque est Dominus ad Moysen, dicens :Select Numbers 34:1

2Præcipe filiis Israël, et dices ad eos : Cum ingressi fueritis terram Chanaan, et in possessionem vobis sorte ceciderit, his finibus terminabitur.Select Numbers 34:2

3Pars meridiana incipiet a solitudine Sin, quæ est juxta Edom : et habebit terminos contra orientem mare salsissimum.Select Numbers 34:3

4Qui circuibunt australem plagam per ascensum Scorpionis, ita ut transeant in Senna, et perveniant a meridie usque ad Cadesbarne, unde egredientur confinia ad villam nomine Adar, et tendent usque ad Asemona.Select Numbers 34:4

5Ibitque per gyrum terminus ab Asemona usque ad torrentem Ægypti, et maris magni littore finietur.Select Numbers 34:5

6Plaga autem occidentalis a mari magno incipiet, et ipso fine claudetur.Select Numbers 34:6

7Porro ad septentrionalem plagam a mari magno termini incipient, pervenientes usque ad montem altissimum,Select Numbers 34:7

8a quo venient in Emath usque ad terminos Sedada :Select Numbers 34:8

9ibuntque confinia usque ad Zephrona, et villam Enan. Hi erunt termini in parte aquilonis.Select Numbers 34:9

10Inde metabuntur fines contra orientalem plagam de villa Enan usque Sephama,Select Numbers 34:10

11et de Sephama descendent termini in Rebla contra fontem Daphnim : inde pervenient contra orientem ad mare Cenereth,Select Numbers 34:11

12et tendent usque ad Jordanem, et ad ultimum salsissimo claudentur mari. Hanc habebitis terram per fines suos in circuitu.Select Numbers 34:12

13Præcepitque Moyses filiis Israël, dicens : Hæc erit terra, quam possidebitis sorte, et quam jussit Dominus dari novem tribubus, et dimidiæ tribui.Select Numbers 34:13

14Tribus enim filiorum Ruben per familias suas, et tribus filiorum Gad juxta cognationum numerum, media quoque tribus Manasse,Select Numbers 34:14

15id est, duæ semis tribus, acceperunt partem suam trans Jordanem contra Jericho ad orientalem plagam.Select Numbers 34:15

16Et ait Dominus ad Moysen :Select Numbers 34:16

17Hæc sunt nomina virorum qui terram vobis divident, Eleazar sacerdos, et Josue filius Nun,Select Numbers 34:17

18et singuli principes de tribubus singulis,Select Numbers 34:18

19quorum ista sunt vocabula. De tribu Juda, Caleb filius Jephone.Select Numbers 34:19

20De tribu Simeon, Samuel filius Ammiud.Select Numbers 34:20

21De tribu Benjamin, Elidad filius Chaselon.Select Numbers 34:21

22De tribu filiorum Dan, Bocci filius Jogli.Select Numbers 34:22

23Filiorum Joseph de tribu Manasse, Hanniel filius Ephod.Select Numbers 34:23

24De tribu Ephraim, Camuel filius Sephthan.Select Numbers 34:24

25De tribu Zabulon, Elisaphan filius Pharnach.Select Numbers 34:25

26De tribu Issachar, dux Phaltiel filius Ozan.Select Numbers 34:26

27De tribu Aser, Ahiud filius Salomi.Select Numbers 34:27

28De tribu Nephthali, Phedaël filius Ammiud.Select Numbers 34:28

29Hi sunt, quibus præcepit Dominus ut dividerent filiis Israël terram Chanaan.Select Numbers 34:29