1Philippians 1

1Paulus et Timotheus, servi Jesu Christi, omnibus sanctis in Christo Jesu, qui sunt Philippis, cum episcopis et diaconibus.Select Philippians 1:1

2Gratia vobis, et pax a Deo Patre nostro, et Domino Jesu Christo.Select Philippians 1:2

3Gratias ago Deo meo in omni memoria vestri,Select Philippians 1:3

4semper in cunctis orationibus meis pro omnibus vobis, cum gaudio deprecationem faciens,Select Philippians 1:4

5super communicatione vestra in Evangelio Christi a prima die usque nunc.Select Philippians 1:5

6Confidens hoc ipsum, quia qui cœpit in vobis opus bonum, perficiet usque in diem Christi Jesu :Select Philippians 1:6

7sicut est mihi justum hoc sentire pro omnibus vobis : eo quod habeam vos in corde, et in vinculis meis, et in defensione, et confirmatione Evangelii, socios gaudii mei omnes vos esse.Select Philippians 1:7

8Testis enim mihi est Deus, quomodo cupiam omnes vos in visceribus Jesu Christi.Select Philippians 1:8

9Et hoc oro, ut caritas vestra magis ac magis abundet in scientia, et in omni sensu :Select Philippians 1:9

10ut probetis potiora, ut sitis sinceri, et sine offensa in diem Christi,Select Philippians 1:10

11repleti fructu justitiæ per Jesum Christum, in gloriam et laudem Dei.Select Philippians 1:11

12Scire autem vos volo fratres, quia quæ circa me sunt, magis ad profectum venerunt Evangelii :Select Philippians 1:12

13ita ut vincula mea manifesta fierent in Christo in omni prætorio, et in ceteris omnibus,Select Philippians 1:13

14et plures e fratribus in Domino confidentes vinculis meis, abundantius auderent sine timore verbum Dei loqui.Select Philippians 1:14

15Quidam quidem et propter invidiam et contentionem : quidam autem et propter bonam voluntatem Christum prædicant :Select Philippians 1:15

16quidam ex caritate, scientes quoniam in defensionem Evangelii positus sum.Select Philippians 1:16

17Quidam autem ex contentione Christum annuntiant non sincere, existimantes pressuram se suscitare vinculis meis.Select Philippians 1:17

18Quid enim ? Dum omni modo sive per occasionem, sive per veritatem, Christus annuntietur : et in hoc gaudeo, sed et gaudebo.Select Philippians 1:18

19Scio enim quia hoc mihi proveniet ad salutem, per vestram orationem, et subministrationem Spiritus Jesu Christi,Select Philippians 1:19

20secundum exspectationem et spem meam, quia in nullo confundar : sed in omni fiducia sicut semper, et nunc magnificabitur Christus in corpore meo, sive per vitam, sive per mortem.Select Philippians 1:20

21Mihi enim vivere Christus est, et mori lucrum.Select Philippians 1:21

22Quod si vivere in carne, hic mihi fructus operis est, et quid eligam ignoro.Select Philippians 1:22

23Coarctor autem e duobus : desiderium habens dissolvi, et esse cum Christo, multo magis melius :Select Philippians 1:23

24permanere autem in carne, necessarium propter vos.Select Philippians 1:24

25Et hoc confidens scio quia manebo, et permanebo omnibus vobis ad profectum vestrum, et gaudium fidei :Select Philippians 1:25

26ut gratulatio vestra abundet in Christo Jesu in me, per meum adventum iterum ad vos.Select Philippians 1:26

27Tantum digne Evangelio Christi conversamini : ut sive cum venero, et videro vos, sive absens audiam de vobis, quia statis in uno spiritu unanimes, collaborantes fidei Evangelii :Select Philippians 1:27

28et in nullo terreamini ab adversariis : quæ illis est causa perditionis, vobis autem salutis, et hoc a Deo :Select Philippians 1:28

29quia vobis donatum est pro Christo, non solum ut in eum credatis, sed ut etiam pro illo patiamini :Select Philippians 1:29

30idem certamen habentes, quale et vidistis in me, et nunc audistis de me.Select Philippians 1:30