4Philippians 4

1Itaque fratres mei carissimi, et desideratissimi, gaudium meum, et corona mea : sic state in Domino, carissimi.Select Philippians 4:1

2Evodiam rogo, et Syntychen deprecor, idipsum sapere in Domino.Select Philippians 4:2

3Etiam rogo et te, germane compar, adjuva illas, quæ mecum laboraverunt in Evangelio cum Clemente, et ceteris adjutoribus meis, quorum nomina sunt in libro vitæ.Select Philippians 4:3

4Gaudete in Domino semper : iterum dico gaudete.Select Philippians 4:4

5Modestia vestra nota sit omnibus hominibus : Dominus prope est.Select Philippians 4:5

6Nihil solliciti sitis : sed in omni oratione, et obsecratione, cum gratiarum actione petitiones vestræ innotescant apud Deum.Select Philippians 4:6

7Et pax Dei, quæ exuperat omnem sensum, custodiat corda vestra, et intelligentias vestras in Christo Jesu.Select Philippians 4:7

8De cetero fratres, quæcumque sunt vera, quæcumque pudica, quæcumque justa, quæcumque sancta, quæcumque amabilia, quæcumque bonæ famæ, siqua virtus, siqua laus disciplinæ, hæc cogitate.Select Philippians 4:8

9Quæ et didicistis, et accepistis, et audistis, et vidistis in me, hæc agite : et Deus pacis erit vobiscum.Select Philippians 4:9

10Gavisus sum autem in Domino vehementer, quoniam tandem aliquando refloruistis pro me sentire, sicut et sentiebatis : occupati autem eratis.Select Philippians 4:10

11Non quasi propter penuriam dico : ego enim didici, in quibus sum, sufficiens esse.Select Philippians 4:11

12Scio et humiliari, scio et abundare (ubique et in omnibus institutus sum) : et satiari, et esurire, et abundare, et penuriam pati.Select Philippians 4:12

13Omnia possum in eo qui me confortat.Select Philippians 4:13

14Verumtamen bene fecistis, communicantes tribulationi meæ.Select Philippians 4:14

15Scitis autem et vos Philippenses, quod in principio Evangelii, quando profectus sum a Macedonia, nulla mihi ecclesia communicavit in ratione dati et accepti, nisi vos soli :Select Philippians 4:15

16quia et Thessalonicam semel et bis in usum mihi misistis.Select Philippians 4:16

17Non quia quæro datum, sed requiro fructum abundantem in ratione vestra.Select Philippians 4:17

18Habeo autem omnia, et abundo : repletus sum, acceptis ab Epaphrodito quæ misistis odorem suavitatis, hostiam acceptam, placentem Deo.Select Philippians 4:18

19Deus autem meus impleat omne desiderium vestrum secundum divitias suas in gloria in Christo Jesu.Select Philippians 4:19

20Deo autem et Patri nostro gloria in sæcula sæculorum. Amen.Select Philippians 4:20

21Salutate omnem sanctum in Christo Jesu.Select Philippians 4:21

22Salutant vos, qui mecum sunt, fratres. Salutant vos omnes sancti, maxime autem qui de Cæsaris domo sunt.Select Philippians 4:22

23Gratia Domini nostri Jesu Christi cum spiritu vestro. Amen.Select Philippians 4:23