19Proverbs 19

1Melior est pauper qui ambulat in simplicitate sua quam dives torquens labia sua, et insipiens.Select Proverbs 19:1

2Ubi non est scientia animæ, non est bonum, et qui festinus est pedibus offendet.Select Proverbs 19:2

3Stultitia hominis supplantat gressus ejus, et contra Deum fervet animo suo.Select Proverbs 19:3

4Divitiæ addunt amicos plurimos ; a paupere autem et hi quos habuit separantur.Select Proverbs 19:4

5Testis falsus non erit impunitus, et qui mendacia loquitur non effugiet.Select Proverbs 19:5

6Multi colunt personam potentis, et amici sunt dona tribuentis.Select Proverbs 19:6

7Fratres hominis pauperis oderunt eum ; insuper et amici procul recesserunt ab eo. Qui tantum verba sectatur nihil habebit ;Select Proverbs 19:7

8qui autem possessor est mentis diligit animam suam, et custos prudentiæ inveniet bona.Select Proverbs 19:8

9Falsus testis non erit impunitus, et qui loquitur mendacia peribit.Select Proverbs 19:9

10Non decent stultum deliciæ, nec servum dominari principibus.Select Proverbs 19:10

11Doctrina viri per patientiam noscitur, et gloria ejus est iniqua prætergredi.Select Proverbs 19:11

12Sicut fremitus leonis, ita et regis ira, et sicut ros super herbam, ita et hilaritas ejus.Select Proverbs 19:12

13Dolor patris filius stultus, et tecta jugiter perstillantia litigiosa mulier.Select Proverbs 19:13

14Domus et divitiæ dantur a parentibus ; a Domino autem proprie uxor prudens.Select Proverbs 19:14

15Pigredo immittit soporem, et anima dissoluta esuriet.Select Proverbs 19:15

16Qui custodit mandatum custodit animam suam ; qui autem negligit viam suam mortificabitur.Select Proverbs 19:16

17Fœneratur Domino qui miseretur pauperis, et vicissitudinem suam reddet ei.Select Proverbs 19:17

18Erudi filium tuum ; ne desperes : ad interfectionem autem ejus ne ponas animam tuam.Select Proverbs 19:18

19Qui impatiens est sustinebit damnum, et cum rapuerit, aliud apponet.Select Proverbs 19:19

20Audi consilium, et suscipe disciplinam, ut sis sapiens in novissimis tuis.Select Proverbs 19:20

21Multæ cogitationes in corde viri ; voluntas autem Domini permanebit.Select Proverbs 19:21

22Homo indigens misericors est, et melior est pauper quam vir mendax.Select Proverbs 19:22

23Timor Domini ad vitam, et in plenitudine commorabitur absque visitatione pessima.Select Proverbs 19:23

24Abscondit piger manum suam sub ascella, nec ad os suum applicat eam.Select Proverbs 19:24

25Pestilente flagellato stultus sapientior erit ; si autem corripueris sapientem, intelliget disciplinam.Select Proverbs 19:25

26Qui affligit patrem, et fugat matrem, ignominiosus est et infelix.Select Proverbs 19:26

27Non cesses, fili, audire doctrinam, nec ignores sermones scientiæ.Select Proverbs 19:27

28Testis iniquus deridet judicium, et os impiorum devorat iniquitatem.Select Proverbs 19:28

29Parata sunt derisoribus judicia, et mallei percutientes stultorum corporibus.Select Proverbs 19:29