20Proverbs 20

1Luxuriosa res vinum, et tumultuosa ebrietas : quicumque his delectatur non erit sapiens.Select Proverbs 20:1

2Sicut rugitus leonis, ita et terror regis : qui provocat eum peccat in animam suam.Select Proverbs 20:2

3Honor est homini qui separat se a contentionibus ; omnes autem stulti miscentur contumeliis.Select Proverbs 20:3

4Propter frigus piger arare noluit ; mendicabit ergo æstate, et non dabitur illi.Select Proverbs 20:4

5Sicut aqua profunda, sic consilium in corde viri ; sed homo sapiens exhauriet illud.Select Proverbs 20:5

6Multi homines misericordes vocantur ; virum autem fidelem quis inveniet ?Select Proverbs 20:6

7Justus qui ambulat in simplicitate sua beatos post se filios derelinquet.Select Proverbs 20:7

8Rex qui sedet in solio judicii dissipat omne malum intuitu suo.Select Proverbs 20:8

9Quis potest dicere : Mundum est cor meum ; purus sum a peccato ?Select Proverbs 20:9

10Pondus et pondus, mensura et mensura : utrumque abominabile est apud Deum.Select Proverbs 20:10

11Ex studiis suis intelligitur puer, si munda et recta sint opera ejus.Select Proverbs 20:11

12Aurem audientem, et oculum videntem : Dominus fecit utrumque.Select Proverbs 20:12

13Noli diligere somnum, ne te egestas opprimat : aperi oculos tuos, et saturare panibus.Select Proverbs 20:13

14Malum est, malum est, dicit omnis emptor ; et cum recesserit, tunc gloriabitur.Select Proverbs 20:14

15Est aurum et multitudo gemmarum, et vas pretiosum labia scientiæ.Select Proverbs 20:15

16Tolle vestimentum ejus qui fidejussor extitit alieni, et pro extraneis aufer pignus ab eo.Select Proverbs 20:16

17Suavis est homini panis mendacii, et postea implebitur os ejus calculo.Select Proverbs 20:17

18Cogitationes consiliis roborantur, et gubernaculis tractanda sunt bella.Select Proverbs 20:18

19Ei qui revelat mysteria, et ambulat fraudulenter, et dilatat labia sua, ne commiscearis.Select Proverbs 20:19

20Qui maledicit patri suo et matri, extinguetur lucerna ejus in mediis tenebris :Select Proverbs 20:20

21hæreditas ad quam festinatur in principio, in novissimo benedictione carebit.Select Proverbs 20:21

22Ne dicas : Reddam malum : exspecta Dominum, et liberabit te.Select Proverbs 20:22

23Abominatio est apud Dominum pondus et pondus ; statera dolosa non est bona.Select Proverbs 20:23

24A Domino diriguntur gressus viri : quis autem hominum intelligere potest viam suam ?Select Proverbs 20:24

25Ruina est homini devorare sanctos, et post vota retractare.Select Proverbs 20:25

26Dissipat impios rex sapiens, et incurvat super eos fornicem.Select Proverbs 20:26

27Lucerna Domini spiraculum hominis, quæ investigat omnia secreta ventris.Select Proverbs 20:27

28Misericordia et veritas custodiunt regem, et roboratur clementia thronus ejus.Select Proverbs 20:28

29Exsultatio juvenum fortitudo eorum, et dignitas senum canities.Select Proverbs 20:29

30Livor vulneris absterget mala, et plagæ in secretioribus ventris.Select Proverbs 20:30