22Proverbs 22

1Melius est nomen bonum quam divitiæ multæ ; super argentum et aurum gratia bona.Select Proverbs 22:1

2Dives et pauper obviaverunt sibi : utriusque operator est Dominus.Select Proverbs 22:2

3Callidus vidit malum, et abscondit se ; innocens pertransiit, et afflictus est damno.Select Proverbs 22:3

4Finis modestiæ timor Domini, divitiæ, et gloria, et vita.Select Proverbs 22:4

5Arma et gladii in via perversi ; custos autem animæ suæ longe recedit ab eis.Select Proverbs 22:5

6Proverbium est : adolescens juxta viam suam ; etiam cum senuerit, non recedet ab ea.Select Proverbs 22:6

7Dives pauperibus imperat, et qui accipit mutuum servus est fœnerantis.Select Proverbs 22:7

8Qui seminat iniquitatem metet mala, et virga iræ suæ consummabitur.Select Proverbs 22:8

9Qui pronus est ad misericordiam benedicetur : de panibus enim suis dedit pauperi. Victoriam et honorem acquiret qui dat munera ; animam autem aufert accipientium.Select Proverbs 22:9

10Ejice derisorem, et exibit cum eo jurgium, cessabuntque causæ et contumeliæ.Select Proverbs 22:10

11Qui diligit cordis munditiam, propter gratiam labiorum suorum habebit amicum regem.Select Proverbs 22:11

12Oculi Domini custodiunt scientiam, et supplantantur verba iniqui.Select Proverbs 22:12

13Dicit piger : Leo est foris ; in medio platearum occidendus sum.Select Proverbs 22:13

14Fovea profunda os alienæ : cui iratus est Dominus, incidet in eam.Select Proverbs 22:14

15Stultitia colligata est in corde pueri, et virga disciplinæ fugabit eam.Select Proverbs 22:15

16Qui calumniatur pauperem ut augeat divitias suas, dabit ipse ditiori, et egebit.Select Proverbs 22:16

17Inclina aurem tuam, et audi verba sapientium : appone autem cor ad doctrinam meam,Select Proverbs 22:17

18quæ pulchra erit tibi cum servaveris eam in ventre tuo, et redundabit in labiis tuis :Select Proverbs 22:18

19ut sit in Domino fiducia tua, unde et ostendi eam tibi hodie.Select Proverbs 22:19

20Ecce descripsi eam tibi tripliciter, in cogitationibus et scientia :Select Proverbs 22:20

21ut ostenderem tibi firmitatem et eloquia veritatis, respondere ex his illis qui miserunt te.Select Proverbs 22:21

22Non facias violentiam pauperi quia pauper est, neque conteras egenum in porta :Select Proverbs 22:22

23quia judicabit Dominus causam ejus, et configet eos qui confixerunt animam ejus.Select Proverbs 22:23

24Noli esse amicus homini iracundo, neque ambules cum viro furioso :Select Proverbs 22:24

25ne forte discas semitas ejus, et sumas scandalum animæ tuæ.Select Proverbs 22:25

26Noli esse cum his qui defigunt manus suas, et qui vades se offerunt pro debitis :Select Proverbs 22:26

27si enim non habes unde restituas, quid causæ est ut tollat operimentum de cubili tuo ?Select Proverbs 22:27

28Ne transgrediaris terminos antiquos, quos posuerunt patres tui.Select Proverbs 22:28

29Vidisti virum velocem in opere suo ? coram regibus stabit, nec erit ante ignobiles.Select Proverbs 22:29