28Proverbs 28

1Fugit impius nemine persequente ; justus autem, quasi leo confidens, absque terrore erit.Select Proverbs 28:1

2Propter peccata terræ multi principes ejus ; et propter hominis sapientiam, et horum scientiam quæ dicuntur, vita ducis longior erit.Select Proverbs 28:2

3Vir pauper calumnians pauperes similis est imbri vehementi in quo paratur fames.Select Proverbs 28:3

4Qui derelinquunt legem laudant impium ; qui custodiunt, succenduntur contra eum.Select Proverbs 28:4

5Viri mali non cogitant judicium ; qui autem inquirunt Dominum animadvertunt omnia.Select Proverbs 28:5

6Melior est pauper ambulans in simplicitate sua quam dives in pravis itineribus.Select Proverbs 28:6

7Qui custodit legem filius sapiens est ; qui autem comessatores pascit confundit patrem suum.Select Proverbs 28:7

8Qui coacervat divitias usuris et fœnore, liberali in pauperes congregat eas.Select Proverbs 28:8

9Qui declinat aures suas ne audiat legem, oratio ejus erit execrabilis.Select Proverbs 28:9

10Qui decipit justos in via mala, in interitu suo corruet, et simplices possidebunt bona ejus.Select Proverbs 28:10

11Sapiens sibi videtur vir dives ; pauper autem prudens scrutabitur eum.Select Proverbs 28:11

12In exsultatione justorum multa gloria est ; regnantibus impiis, ruinæ hominum.Select Proverbs 28:12

13Qui abscondit scelera sua non dirigetur ; qui autem confessus fuerit et reliquerit ea, misericordiam consequetur.Select Proverbs 28:13

14Beatus homo qui semper est pavidus ; qui vero mentis est duræ corruet in malum.Select Proverbs 28:14

15Leo rugiens et ursus esuriens, princeps impius super populum pauperem.Select Proverbs 28:15

16Dux indigens prudentia multos opprimet per calumniam ; qui autem odit avaritiam, longi fient dies ejus.Select Proverbs 28:16

17Hominem qui calumniatur animæ sanguinem, si usque ad lacum fugerit, nemo sustinet.Select Proverbs 28:17

18Qui ambulat simpliciter salvus erit ; qui perversis graditur viis concidet semel.Select Proverbs 28:18

19Qui operatur terram suam satiabitur panibus ; qui autem sectatur otium replebitur egestate.Select Proverbs 28:19

20Vir fidelis multum laudabitur ; qui autem festinat ditari non erit innocens.Select Proverbs 28:20

21Qui cognoscit in judicio faciem non bene facit ; iste et pro buccella panis deserit veritatem.Select Proverbs 28:21

22Vir qui festinat ditari, et aliis invidet, ignorat quod egestas superveniet ei.Select Proverbs 28:22

23Qui corripit hominem gratiam postea inveniet apud eum, magis quam ille qui per linguæ blandimenta decipit.Select Proverbs 28:23

24Qui subtrahit aliquid a patre suo et a matre, et dicit hoc non esse peccatum, particeps homicidæ est.Select Proverbs 28:24

25Qui se jactat et dilatat, jurgia concitat ; qui vero sperat in Domino sanabitur.Select Proverbs 28:25

26Qui confidit in corde suo stultus est ; qui autem graditur sapienter, ipse salvabitur.Select Proverbs 28:26

27Qui dat pauperi non indigebit ; qui despicit deprecantem sustinebit penuriam.Select Proverbs 28:27

28Cum surrexerint impii, abscondentur homines ; cum illi perierint, multiplicabuntur justi.Select Proverbs 28:28