3Proverbs 3

1Fili mi, ne obliviscaris legis meæ, et præcepta mea cor tuum custodiat :Select Proverbs 3:1

2longitudinem enim dierum, et annos vitæ, et pacem, apponent tibi.Select Proverbs 3:2

3Misericordia et veritas te non deserant ; circumda eas gutturi tuo, et describe in tabulis cordis tui :Select Proverbs 3:3

4et invenies gratiam, et disciplinam bonam, coram Deo et hominibus.Select Proverbs 3:4

5Habe fiduciam in Domino ex toto corde tuo, et ne innitaris prudentiæ tuæ.Select Proverbs 3:5

6In omnibus viis tuis cogita illum, et ipse diriget gressus tuos.Select Proverbs 3:6

7Ne sis sapiens apud temetipsum ; time Deum, et recede a malo :Select Proverbs 3:7

8sanitas quippe erit umbilico tuo, et irrigatio ossium tuorum.Select Proverbs 3:8

9Honora Dominum de tua substantia, et de primitiis omnium frugum tuarum da ei :Select Proverbs 3:9

10et implebuntur horrea tua saturitate, et vino torcularia tua redundabunt.Select Proverbs 3:10

11Disciplinam Domini, fili mi, ne abjicias, nec deficias cum ab eo corriperis :Select Proverbs 3:11

12quem enim diligit Dominus, corripit, et quasi pater in filio complacet sibi.Select Proverbs 3:12

13Beatus homo qui invenit sapientiam, et qui affluit prudentia.Select Proverbs 3:13

14Melior est acquisitio ejus negotiatione argenti, et auri primi et purissimi fructus ejus.Select Proverbs 3:14

15Pretiosior est cunctis opibus, et omnia quæ desiderantur huic non valent comparari.Select Proverbs 3:15

16Longitudo dierum in dextera ejus, et in sinistra illius divitiæ et gloria.Select Proverbs 3:16

17Viæ ejus viæ pulchræ, et omnes semitæ illius pacificæ.Select Proverbs 3:17

18Lignum vitæ est his qui apprehenderint eam, et qui tenuerit eam beatus.Select Proverbs 3:18

19Dominus sapientia fundavit terram ; stabilivit cælos prudentia.Select Proverbs 3:19

20Sapientia illius eruperunt abyssi, et nubes rore concrescunt.Select Proverbs 3:20

21Fili mi, ne effluant hæc ab oculis tuis. Custodi legem atque consilium,Select Proverbs 3:21

22et erit vita animæ tuæ, et gratia faucibus tuis.Select Proverbs 3:22

23Tunc ambulabis fiducialiter in via tua, et pes tuus non impinget.Select Proverbs 3:23

24Si dormieris, non timebis ; quiesces, et suavis erit somnus tuus.Select Proverbs 3:24

25Ne paveas repentino terrore, et irruentes tibi potentias impiorum.Select Proverbs 3:25

26Dominus enim erit in latere tuo, et custodiet pedem tuum, ne capiaris.Select Proverbs 3:26

27Noli prohibere benefacere eum qui potest : si vales, et ipse benefac.Select Proverbs 3:27

28Ne dicas amico tuo : Vade, et revertere : cras dabo tibi : cum statim possis dare.Select Proverbs 3:28

29Ne moliaris amico tuo malum, cum ille in te habeat fiduciam.Select Proverbs 3:29

30Ne contendas adversus hominem frustra, cum ipse tibi nihil mali fecerit.Select Proverbs 3:30

31Ne æmuleris hominem injustum, nec imiteris vias ejus :Select Proverbs 3:31

32quia abominatio Domini est omnis illusor, et cum simplicibus sermocinatio ejus.Select Proverbs 3:32

33Egestas a Domino in domo impii ; habitacula autem justorum benedicentur.Select Proverbs 3:33

34Ipse deludet illusores, et mansuetis dabit gratiam.Select Proverbs 3:34

35Gloriam sapientes possidebunt ; stultorum exaltatio ignominia.Select Proverbs 3:35