30Proverbs 30

1Verba Congregantis, filii Vomentis. Visio quam locutus est vir cum quo est Deus, et qui Deo secum morante confortatus, ait :Select Proverbs 30:1

2Stultissimus sum virorum, et sapientia hominum non est mecum.Select Proverbs 30:2

3Non didici sapientiam, et non novi scientiam sanctorum.Select Proverbs 30:3

4Quis ascendit in cælum, atque descendit ? quis continuit spiritum in manibus suis ? quis colligavit aquas quasi in vestimento ? quis suscitavit omnes terminos terræ ? quod nomen est ejus, et quod nomen filii ejus, si nosti ?Select Proverbs 30:4

5Omnis sermo Dei ignitus : clypeus est sperantibus in se.Select Proverbs 30:5

6Ne addas quidquam verbis illius, et arguaris, inveniarisque mendax.Select Proverbs 30:6

7Duo rogavi te : ne deneges mihi antequam moriar :Select Proverbs 30:7

8vanitatem et verba mendacia longe fac a me ; mendicitatem et divitias ne dederis mihi : tribue tantum victui meo necessaria,Select Proverbs 30:8

9ne forte satiatus illiciar ad negandum, et dicam : Quis est Dominus ? aut egestate compulsus, furer, et perjurem nomen Dei mei.Select Proverbs 30:9

10Ne accuses servum ad dominum suum, ne forte maledicat tibi, et corruas.Select Proverbs 30:10

11Generatio quæ patri suo maledicit, et quæ matri suæ non benedicit ;Select Proverbs 30:11

12generatio quæ sibi munda videtur, et tamen non est lota a sordibus suis ;Select Proverbs 30:12

13generatio cujus excelsi sunt oculi, et palpebræ ejus in alta surrectæ ;Select Proverbs 30:13

14generatio quæ pro dentibus gladios habet, et commandit molaribus suis, ut comedat inopes de terra, et pauperes ex hominibus.Select Proverbs 30:14

15Sanguisugæ duæ sunt filiæ, dicentes : Affer, affer. Tria sunt insaturabilia, et quartum quod numquam dicit : Sufficit.Select Proverbs 30:15

16Infernus, et os vulvæ, et terra quæ non satiatur aqua : ignis vero numquam dicit : Sufficit.Select Proverbs 30:16

17Oculum qui subsannat patrem, et qui despicit partum matris suæ, effodiant eum corvi de torrentibus, et comedant eum filii aquilæ !Select Proverbs 30:17

18Tria sunt difficilia mihi, et quartum penitus ignoro :Select Proverbs 30:18

19viam aquilæ in cælo, viam colubri super petram, viam navis in medio mari, et viam viri in adolescentia.Select Proverbs 30:19

20Talis est et via mulieris adulteræ, quæ comedit, et tergens os suum dicit : Non sum operata malum.Select Proverbs 30:20

21Per tria movetur terra, et quartum non potest sustinere :Select Proverbs 30:21

22per servum, cum regnaverit ; per stultum, cum saturatus fuerit cibo ;Select Proverbs 30:22

23per odiosam mulierem, cum in matrimonio fuerit assumpta ; et per ancillam, cum fuerit hæres dominæ suæ.Select Proverbs 30:23

24Quatuor sunt minima terræ, et ipsa sunt sapientiora sapientibus :Select Proverbs 30:24

25formicæ, populus infirmus, qui præparat in messe cibum sibi ;Select Proverbs 30:25

26lepusculus, plebs invalida, qui collocat in petra cubile suum ;Select Proverbs 30:26

27regem locusta non habet, et egreditur universa per turmas suas ;Select Proverbs 30:27

28stellio manibus nititur, et moratur in ædibus regis.Select Proverbs 30:28

29Tria sunt quæ bene gradiuntur, et quartum quod incedit feliciter :Select Proverbs 30:29

30leo, fortissimus bestiarum, ad nullius pavebit occursum ;Select Proverbs 30:30

31gallus succinctus lumbos ; et aries ; nec est rex, qui resistat ei.Select Proverbs 30:31

32Est qui stultus apparuit postquam elevatus est in sublime ; si enim intellexisset, ori suo imposuisset manum.Select Proverbs 30:32

33Qui autem fortiter premit ubera ad eliciendum lac exprimit butyrum ; et qui vehementer emungit elicit sanguinem ; et qui provocat iras producit discordias.Select Proverbs 30:33