5Proverbs 5

1Fili mi, attende ad sapientiam meam, et prudentiæ meæ inclina aurem tuam :Select Proverbs 5:1

2ut custodias cogitationes, et disciplinam labia tua conservent. Ne attendas fallaciæ mulieris ;Select Proverbs 5:2

3favus enim distillans labia meretricis, et nitidius oleo guttur ejus :Select Proverbs 5:3

4novissima autem illius amara quasi absinthium, et acuta quasi gladius biceps.Select Proverbs 5:4

5Pedes ejus descendunt in mortem, et ad inferos gressus illius penetrant.Select Proverbs 5:5

6Per semitam vitæ non ambulant ; vagi sunt gressus ejus et investigabiles.Select Proverbs 5:6

7Nunc ergo fili mi, audi me, et ne recedas a verbis oris mei.Select Proverbs 5:7

8Longe fac ab ea viam tuam, et ne appropinques foribus domus ejus.Select Proverbs 5:8

9Ne des alienis honorem tuum, et annos tuos crudeli :Select Proverbs 5:9

10ne forte impleantur extranei viribus tuis, et labores tui sint in domo aliena,Select Proverbs 5:10

11et gemas in novissimis, quando consumpseris carnes tuas et corpus tuum, et dicas :Select Proverbs 5:11

12Cur detestatus sum disciplinam, et increpationibus non acquievit cor meum,Select Proverbs 5:12

13nec audivi vocem docentium me, et magistris non inclinavi aurem meam ?Select Proverbs 5:13

14pene fui in omni malo, in medio ecclesiæ et synagogæ.Select Proverbs 5:14

15Bibe aquam de cisterna tua, et fluenta putei tui ;Select Proverbs 5:15

16deriventur fontes tui foras, et in plateis aquas tuas divide.Select Proverbs 5:16

17Habeto eas solus, nec sint alieni participes tui.Select Proverbs 5:17

18Sit vena tua benedicta, et lætare cum muliere adolescentiæ tuæ.Select Proverbs 5:18

19Cerva carissima, et gratissimus hinnulus : ubera ejus inebrient te in omni tempore ; in amore ejus delectare jugiter.Select Proverbs 5:19

20Quare seduceris, fili mi, ab aliena, et foveris in sinu alterius ?Select Proverbs 5:20

21Respicit Dominus vias hominis, et omnes gressus ejus considerat.Select Proverbs 5:21

22Iniquitates suas capiunt impium, et funibus peccatorum suorum constringitur.Select Proverbs 5:22

23Ipse morietur, quia non habuit disciplinam, et in multitudine stultitiæ suæ decipietur.Select Proverbs 5:23