7Proverbs 7

1Fili mi, custodi sermones meos, et præcepta mea reconde tibi. Fili,Select Proverbs 7:1

2serva mandata mea, et vives ; et legem meam quasi pupillam oculi tui :Select Proverbs 7:2

3liga eam in digitis tuis, scribe illam in tabulis cordis tui.Select Proverbs 7:3

4Dic sapientiæ : Soror mea es, et prudentiam voca amicam tuam :Select Proverbs 7:4

5ut custodiant te a muliere extranea, et ab aliena quæ verba sua dulcia facit.Select Proverbs 7:5

6De fenestra enim domus meæ per cancellos prospexi,Select Proverbs 7:6

7et video parvulos ; considero vecordem juvenem,Select Proverbs 7:7

8qui transit per plateam juxta angulum et prope viam domus illius graditur :Select Proverbs 7:8

9in obscuro, advesperascente die, in noctis tenebris et caligine.Select Proverbs 7:9

10Et ecce occurrit illi mulier ornatu meretricio, præparata ad capiendas animas : garrula et vaga,Select Proverbs 7:10

11quietis impatiens, nec valens in domo consistere pedibus suis ;Select Proverbs 7:11

12nunc foris, nunc in plateis, nunc juxta angulos insidians.Select Proverbs 7:12

13Apprehensumque deosculatur juvenem, et procaci vultu blanditur, dicens :Select Proverbs 7:13

14Victimas pro salute vovi ; hodie reddidi vota mea :Select Proverbs 7:14

15idcirco egressa sum in occursum tuum, desiderans te videre, et reperi.Select Proverbs 7:15

16Intexui funibus lectulum meum ; stravi tapetibus pictis ex Ægypto :Select Proverbs 7:16

17aspersi cubile meum myrrha, et aloë, et cinnamomo.Select Proverbs 7:17

18Veni, inebriemur uberibus, et fruamur cupitis amplexibus donec illucescat dies.Select Proverbs 7:18

19Non est enim vir in domo sua : abiit via longissima :Select Proverbs 7:19

20sacculum pecuniæ secum tulit ; in die plenæ lunæ reversurus est in domum suam.Select Proverbs 7:20

21Irretivit eum multis sermonibus, et blanditiis labiorum protraxit illum.Select Proverbs 7:21

22Statim eam sequitur quasi bos ductus ad victimam, et quasi agnus lasciviens, et ignorans quod ad vincula stultus trahatur :Select Proverbs 7:22

23donec transfigat sagitta jecur ejus, velut si avis festinet ad laqueum, et nescit quod de periculo animæ illius agitur.Select Proverbs 7:23

24Nunc ergo, fili mi, audi me, et attende verbis oris mei.Select Proverbs 7:24

25Ne abstrahatur in viis illius mens tua, neque decipiaris semitis ejus ;Select Proverbs 7:25

26multos enim vulneratos dejecit, et fortissimi quique interfecti sunt ab ea.Select Proverbs 7:26

27Viæ inferi domus ejus, penetrantes in interiora mortis.Select Proverbs 7:27