8Proverbs 8

1Numquid non sapientia clamitat, et prudentia dat vocem suam ?Select Proverbs 8:1

2In summis excelsisque verticibus supra viam, in mediis semitis stans,Select Proverbs 8:2

3juxta portas civitatis, in ipsis foribus loquitur, dicens :Select Proverbs 8:3

4O viri, ad vos clamito, et vox mea ad filios hominum.Select Proverbs 8:4

5Intelligite, parvuli, astutiam, et insipientes, animadvertite.Select Proverbs 8:5

6Audite, quoniam de rebus magnis locutura sum, et aperientur labia mea ut recta prædicent.Select Proverbs 8:6

7Veritatem meditabitur guttur meum, et labia mea detestabuntur impium.Select Proverbs 8:7

8Justi sunt omnes sermones mei : non est in eis pravum quid, neque perversum ;Select Proverbs 8:8

9recti sunt intelligentibus, et æqui invenientibus scientiam.Select Proverbs 8:9

10Accipite disciplinam meam, et non pecuniam ; doctrinam magis quam aurum eligite :Select Proverbs 8:10

11melior est enim sapientia cunctis pretiosissimis, et omne desiderabile ei non potest comparari.Select Proverbs 8:11

12Ego sapientia, habito in consilio, et eruditis intersum cogitationibus.Select Proverbs 8:12

13Timor Domini odit malum : arrogantiam, et superbiam, et viam pravam, et os bilingue, detestor.Select Proverbs 8:13

14Meum est consilium et æquitas ; mea est prudentia, mea est fortitudo.Select Proverbs 8:14

15Per me reges regnant, et legum conditores justa decernunt ;Select Proverbs 8:15

16per me principes imperant, et potentes decernunt justitiam.Select Proverbs 8:16

17Ego diligentes me diligo, et qui mane vigilant ad me, invenient me.Select Proverbs 8:17

18Mecum sunt divitiæ et gloria, opes superbæ et justitia.Select Proverbs 8:18

19Melior est enim fructus meus auro et lapide pretioso, et genimina mea argento electo.Select Proverbs 8:19

20In viis justitiæ ambulo, in medio semitarum judicii :Select Proverbs 8:20

21ut ditem diligentes me, et thesauros eorum repleam.Select Proverbs 8:21

22Dominus possedit me in initio viarum suarum antequam quidquam faceret a principio.Select Proverbs 8:22

23Ab æterno ordinata sum, et ex antiquis antequam terra fieret.Select Proverbs 8:23

24Nondum erant abyssi, et ego jam concepta eram : necdum fontes aquarum eruperant,Select Proverbs 8:24

25necdum montes gravi mole constiterant : ante colles ego parturiebar.Select Proverbs 8:25

26Adhuc terram non fecerat, et flumina, et cardines orbis terræ.Select Proverbs 8:26

27Quando præparabat cælos, aderam ; quando certa lege et gyro vallabat abyssos ;Select Proverbs 8:27

28quando æthera firmabat sursum, et librabat fontes aquarum ;Select Proverbs 8:28

29quando circumdabat mari terminum suum, et legem ponebat aquis, ne transirent fines suos ; quando appendebat fundamenta terræ :Select Proverbs 8:29

30cum eo eram, cuncta componens. Et delectabar per singulos dies, ludens coram eo omni tempore,Select Proverbs 8:30

31ludens in orbe terrarum ; et deliciæ meæ esse cum filiis hominum.Select Proverbs 8:31

32Nunc ergo, filii, audite me : beati qui custodiunt vias meas.Select Proverbs 8:32

33Audite disciplinam, et estote sapientes, et nolite abjicere eam.Select Proverbs 8:33

34Beatus homo qui audit me, et qui vigilat ad fores meas quotidie, et observat ad postes ostii mei.Select Proverbs 8:34

35Qui me invenerit, inveniet vitam, et hauriet salutem a Domino.Select Proverbs 8:35

36Qui autem in me peccaverit, lædet animam suam ; omnes qui me oderunt diligunt mortem.Select Proverbs 8:36