10Revelation 10

1Et vidi alium angelum fortem descendentem de cælo amictum nube, et iris in capite ejus, et facies ejus erat ut sol, et pedes ejus tamquam columnæ ignis :Select Revelation 10:1

2et habebat in manu sua libellum apertum : et posuit pedem suum dextrum super mare, sinistrum autem super terram :Select Revelation 10:2

3et clamavit voce magna, quemadmodum cum leo rugit. Et cum clamasset, locuta sunt septem tonitrua voces suas.Select Revelation 10:3

4Et cum locuta fuissent septem tonitrua voces suas, ego scripturus eram : et audivi vocem de cælo dicentem mihi : Signa quæ locuta sunt septem tonitrua : et noli ea scribere.Select Revelation 10:4

5Et angelus, quem vidi stantem super mare et super terram, levavit manum suam ad cælum :Select Revelation 10:5

6et juravit per viventem in sæcula sæculorum, qui creavit cælum, et ea quæ in eo sunt : et terram, et ea quæ in ea sunt : et mare, et ea quæ in eo sunt : Quia tempus non erit amplius :Select Revelation 10:6

7sed in diebus vocis septimi angeli, cum cœperit tuba canere, consummabitur mysterium Dei sicut evangelizavit per servos suos prophetas.Select Revelation 10:7

8Et audivi vocem de cælo iterum loquentem mecum, et dicentem : Vade, et accipe librum apertum de manu angeli stantis super mare, et super terram.Select Revelation 10:8

9Et abii ad angelum, dicens ei, ut daret mihi librum. Et dixit mihi : Accipe librum, et devora illum : et faciet amaricari ventrem tuum, sed in ore tuo erit dulce tamquam mel.Select Revelation 10:9

10Et accepi librum de manu angeli, et devoravi illum : et erat in ore meo tamquam mel dulce, et cum devorassem eum, amaricatus est venter meus :Select Revelation 10:10

11et dixit mihi : Oportet te iterum prophetare gentibus, et populis, et linguis, et regibus multis.Select Revelation 10:11