22Revelation 22

1Et ostendit mihi fluvium aquæ vitæ, splendidum tamquam crystallum, procedentem de sede Dei et Agni.Select Revelation 22:1

2In medio plateæ ejus, et ex utraque parte fluminis, lignum vitæ, afferens fructus duodecim per menses singulos, reddens fructum suum et folia ligni ad sanitatem gentium.Select Revelation 22:2

3Et omne maledictum non erit amplius : sed sedes Dei et Agni in illa erunt, et servi ejus servient illi.Select Revelation 22:3

4Et videbunt faciem ejus : et nomen ejus in frontibus eorum.Select Revelation 22:4

5Et nox ultra non erit : et non egebunt lumine lucernæ, neque lumine solis, quoniam Dominus Deus illuminabit illos, et regnabunt in sæcula sæculorum.Select Revelation 22:5

6Et dixit mihi : Hæc verba fidelissima sunt, et vera. Et Dominus Deus spirituum prophetarum misit angelum suum ostendere servis suis quæ oportet fieri cito.Select Revelation 22:6

7Et ecce venio velociter. Beatus, qui custodit verba prophetiæ libri hujus.Select Revelation 22:7

8Et ego Joannes, qui audivi, et vidi hæc. Et postquam audissem, et vidissem, cecidi ut adorarem ante pedes angeli, qui mihi hæc ostendebat :Select Revelation 22:8

9et dixit mihi : Vide ne feceris : conservus enim tuus sum, et fratrum tuorum prophetarum, et eorum qui servant verba prophetiæ libri hujus : Deum adora.Select Revelation 22:9

10Et dicit mihi : Ne signaveris verba prophetiæ libri hujus : tempus enim prope est.Select Revelation 22:10

11Qui nocet, noceat adhuc : et qui in sordibus est, sordescat adhuc : et qui justus est, justificetur adhuc : et sanctus, sanctificetur adhuc.Select Revelation 22:11

12Ecce venio cito, et merces mea mecum est, reddere unicuique secundum opera sua.Select Revelation 22:12

13Ego sum alpha et omega, primus et novissimus, principium et finis.Select Revelation 22:13

14Beati, qui lavant stolas suas in sanguine Agni : ut sit potestas eorum in ligno vitæ, et per portas intrent in civitatem.Select Revelation 22:14

15Foris canes, et venefici, et impudici, et homicidæ, et idolis servientes, et omnis qui amat et facit mendacium.Select Revelation 22:15

16Ego Jesus misi angelum meum testificari vobis hæc in ecclesiis. Ego sum radix, et genus David, stella splendida et matutina.Select Revelation 22:16

17Et spiritus, et sponsa dicunt : Veni. Et qui audit, dicat : Veni. Et qui sitit, veniat : et qui vult, accipiat aquam vitæ, gratis.Select Revelation 22:17

18Contestor enim omni audienti verba prophetiæ libri hujus : si quis apposuerit ad hæc, apponet Deus super illum plagas scriptas in libro isto.Select Revelation 22:18

19Et si quis diminuerit de verbis libri prophetiæ hujus, auferet Deus partem ejus de libro vitæ, et de civitate sancta, et de his quæ scripta sunt in libro isto :Select Revelation 22:19

20dicit qui testimonium perhibet istorum. Etiam venio cito : amen. Veni, Domine Jesu.Select Revelation 22:20

21Gratia Domini nostri Jesu Christi cum omnibus vobis. Amen.Select Revelation 22:21