Song of Songs 1
Latin, Vulgata Clementina
Translation: VULGATE
Modern translations such as the NIV or ESV are not available yet. They need a license, and we will add them when one is in place. All translations and their sources
1Osculetur me osculo oris sui ; quia meliora sunt ubera tua vino,Select Song of Songs 1:1
2fragrantia unguentis optimis. Oleum effusum nomen tuum ; ideo adolescentulæ dilexerunt te.Select Song of Songs 1:2
3Trahe me, post te curremus in odorem unguentorum tuorum. Introduxit me rex in cellaria sua ; exsultabimus et lætabimur in te, memores uberum tuorum super vinum. Recti diligunt te.Select Song of Songs 1:3
4Nigra sum, sed formosa, filiæ Jerusalem, sicut tabernacula Cedar, sicut pelles Salomonis.Select Song of Songs 1:4
5Nolite me considerare quod fusca sim, quia decoloravit me sol. Filii matris meæ pugnaverunt contra me ; posuerunt me custodem in vineis : vineam meam non custodivi.Select Song of Songs 1:5
6Indica mihi, quem diligit anima mea, ubi pascas, ubi cubes in meridie, ne vagari incipiam post greges sodalium tuorum.Select Song of Songs 1:6
7Si ignoras te, o pulcherrima inter mulieres, egredere, et abi post vestigia gregum, et pasce hædos tuos juxta tabernacula pastorum.Select Song of Songs 1:7
8Equitatui meo in curribus Pharaonis assimilavi te, amica mea.Select Song of Songs 1:8
9Pulchræ sunt genæ tuæ sicut turturis ; collum tuum sicut monilia.Select Song of Songs 1:9
10Murenulas aureas faciemus tibi, vermiculatas argento.Select Song of Songs 1:10
11Dum esset rex in accubitu suo, nardus mea dedit odorem suum.Select Song of Songs 1:11
12Fasciculus myrrhæ dilectus meus mihi ; inter ubera mea commorabitur.Select Song of Songs 1:12
13Botrus cypri dilectus meus mihi in vineis Engaddi.Select Song of Songs 1:13
14Ecce tu pulchra es, amica mea ! ecce tu pulchra es ! Oculi tui columbarum.Select Song of Songs 1:14
15Ecce tu pulcher es, dilecte mi, et decorus ! Lectulus noster floridus.Select Song of Songs 1:15
16Tigna domorum nostrarum cedrina, laquearia nostra cypressina.Select Song of Songs 1:16
Latin, Vulgata Clementina (VULGATE). Public domain. Text from the CrossWire Bible Society module. About this translation