Song of Songs 7
Latin, Vulgata Clementina
Translation: VULGATE
Modern translations such as the NIV or ESV are not available yet. They need a license, and we will add them when one is in place. All translations and their sources
1Quid videbis in Sulamite, nisi choros castrorum ? Quam pulchri sunt gressus tui in calceamentis, filia principis ! Juncturæ femorum tuorum sicut monilia quæ fabricata sunt manu artificis.Select Song of Songs 7:1
2Umbilicus tuus crater tornatilis, numquam indigens poculis. Venter tuus sicut acervus tritici vallatus liliis.Select Song of Songs 7:2
3Duo ubera tua sicut duo hinnuli, gemelli capreæ.Select Song of Songs 7:3
4Collum tuum sicut turris eburnea ; oculi tui sicut piscinæ in Hesebon quæ sunt in porta filiæ multitudinis. Nasus tuus sicut turris Libani, quæ respicit contra Damascum.Select Song of Songs 7:4
5Caput tuum ut Carmelus ; et comæ capitis tui sicut purpura regis vincta canalibus.Select Song of Songs 7:5
6Quam pulchra es, et quam decora, carissima, in deliciis !Select Song of Songs 7:6
7Statura tua assimilata est palmæ, et ubera tua botris.Select Song of Songs 7:7
8Dixi : Ascendam in palmam, et apprehendam fructus ejus ; et erunt ubera tua sicut botri vineæ, et odor oris tui sicut malorum.Select Song of Songs 7:8
9Guttur tuum sicut vinum optimum, dignum dilecto meo ad potandum, labiisque et dentibus illius ad ruminandum.Select Song of Songs 7:9
10Ego dilecto meo, et ad me conversio ejus.Select Song of Songs 7:10
11Veni, dilecte mi, egrediamur in agrum, commoremur in villis.Select Song of Songs 7:11
12Mane surgamus ad vineas : videamus si floruit vinea, si flores fructus parturiunt, si floruerunt mala punica ; ibi dabo tibi ubera mea.Select Song of Songs 7:12
13Mandragoræ dederunt odorem in portis nostris omnia poma : nova et vetera, dilecte mi, servavi tibi.Select Song of Songs 7:13
Latin, Vulgata Clementina (VULGATE). Public domain. Text from the CrossWire Bible Society module. About this translation