4Zechariah 4

1Et reversus est angelus qui loquebatur in me, et suscitavit me quasi virum qui suscitatur de somno suo.Select Zechariah 4:1

2Et dixit ad me : Quid tu vides ? Et dixi : Vidi, et ecce candelabrum aureum totum, et lampas ejus super caput ipsius, et septem lucernæ ejus super illud, et septem infusoria lucernis quæ erant super caput ejus.Select Zechariah 4:2

3Et duæ olivæ super illud : una a dextris lampadis, et una a sinistris ejus.Select Zechariah 4:3

4Et respondi, et aio ad angelum qui loquebatur in me, dicens : Quid sunt hæc, domine mi ?Select Zechariah 4:4

5Et respondit angelus qui loquebatur in me, et dixit ad me : Numquid nescis quid sunt hæc ? Et dixi : Non, domine mi.Select Zechariah 4:5

6Et respondit, et ait ad me, dicens : Hoc est verbum Domini ad Zorobabel, dicens : Non in exercitu, nec in robore, sed in spiritu meo, dicit Dominus exercituum.Select Zechariah 4:6

7Quis tu, mons magne, coram Zorobabel ? In planum : et educet lapidem primarium, et exæquabit gratiam gratiæ ejus.Select Zechariah 4:7

8Et factum est verbum Domini ad me, dicens :Select Zechariah 4:8

9Manus Zorobabel fundaverunt domum istam, et manus ejus perficient eam : et scietis quia Dominus exercituum misit me ad vos.Select Zechariah 4:9

10Quis enim despexit dies parvos ? Et lætabuntur, et videbunt lapidem stanneum in manu Zorobabel. Septem isti oculi sunt Domini, qui discurrunt in universam terram.Select Zechariah 4:10

11Et respondi, et dixi ad eum : Quid sunt duæ olivæ istæ, ad dexteram candelabri, et ad sinistram ejus ?Select Zechariah 4:11

12Et respondi secundo, et dixi ad eum : Quid sunt duæ spicæ olivarum quæ sunt juxta duo rostra aurea in quibus sunt suffusoria ex auro ?Select Zechariah 4:12

13Et ait ad me, dicens : Numquid nescis quid sunt hæc ? Et dixi : Non, domine mi.Select Zechariah 4:13

14Et dixit : Isti sunt duo filii olei, qui assistunt Dominatori universæ terræ.Select Zechariah 4:14