7Zechariah 7

1Et factum est in anno quarto Darii regis, factum est verbum Domini ad Zachariam, in quarta mensis noni, qui est Casleu.Select Zechariah 7:1

2Et miserunt ad domum Dei Sarasar et Rogommelech, et viri qui erant cum eo, ad deprecandam faciem Domini :Select Zechariah 7:2

3ut dicerent sacerdotibus domus Domini exercituum, et prophetis, loquentes : Numquid flendum est mihi in quinto mense, vel sanctificare me debeo, sicut jam feci multis annis ?Select Zechariah 7:3

4Et factum est verbum Domini exercituum ad me, dicens :Select Zechariah 7:4

5Loquere ad omnem populum terræ, et ad sacerdotes, dicens : Cum jejunaretis, et plangeretis in quinto et septimo per hos septuaginta annos, numquid jejunium jejunastis mihi ?Select Zechariah 7:5

6et cum comedistis et bibistis, numquid non vobis comedistis et vobismetipsis bibistis ?Select Zechariah 7:6

7numquid non sunt verba quæ locutus est Dominus in manu prophetarum priorum, cum adhuc Jerusalem habitaretur ut esset opulenta, ipsa et urbes in circuitu ejus, et ad austrum, et in campestribus habitaretur ?Select Zechariah 7:7

8Et factum est verbum Domini ad Zachariam, dicens :Select Zechariah 7:8

9Hæc ait Dominus exercituum, dicens : Judicium verum judicate, et misericordiam et miserationes facite, unusquisque cum fratre suo.Select Zechariah 7:9

10Et viduam, et pupillum, et advenam, et pauperem nolite calumniari : et malum vir fratri suo non cogitet in corde suo.Select Zechariah 7:10

11Et noluerunt attendere, et averterunt scapulam recedentem, et aures suas aggravaverunt ne audirent.Select Zechariah 7:11

12Et cor suum posuerunt ut adamantem, ne audirent legem, et verba quæ misit Dominus exercituum in spiritu suo per manum prophetarum priorum : et facta est indignatio magna a Domino exercituum.Select Zechariah 7:12

13Et factum est sicut locutus est, et non audierunt : sic clamabunt et non exaudiam, dicit Dominus exercituum.Select Zechariah 7:13

14Et dispersi eos per omnia regna quæ nesciunt : et terra desolata est ab eis, eo quod non esset transiens et revertens : et posuerunt terram desiderabilem in desertum.Select Zechariah 7:14