51 Thessalonians 5

1Բայց, եղբայրնե՛ր, պէտք չունիք որ գրեմ ձեզի այդ ժամանակներուն եւ ատեններուն մասին,Select 1 Thessalonians 5:1

2քանի որ դուք իսկ ճշգրտութեամբ գիտէք թէ Տէրոջ օրը կու գայ գիշերուան գողին պէս:Select 1 Thessalonians 5:2

3Երբ մարդիկ ըսեն թէ “խաղաղութիւն եւ ապահովութիւն է”, այն ատեն աւերումը անակնկալօրէն պիտի հասնի անոնց վրայ՝ յղիին երկունքին պէս, ու զերծ պիտի չմնան:Select 1 Thessalonians 5:3

4Բայց դո՛ւք, եղբայրնե՛ր, խաւարի մէջ չէք, որ այդ օրը գողի մը պէս հասնի ձեր վրայ.Select 1 Thessalonians 5:4

5որովհետեւ դուք բոլորդ լոյսի որդիներ էք, եւ ցերեկուան որդիներ.Select 1 Thessalonians 5:5

6գիշերուան որդիներ չենք, ո՛չ ալ խաւարի: Ուրեմն չքնանա՛նք ուրիշներու նման, հապա ըլլա՛նք արթուն ու զգաստ.Select 1 Thessalonians 5:6

7քանի որ անոնք որ կը քնանան՝ գիշե՛րը կը քնանան, եւ անոնք որ կ՚արբենան՝ գիշե՛րը կ՚արբենան:Select 1 Thessalonians 5:7

8Իսկ մենք՝ որ ցերեկուան որդիներն ենք, զգա՛ստ ըլլանք՝ հագնելով հաւատքի ու սիրոյ զրահը, եւ իբր սաղաւարտ՝ փրկութեան յոյսը:Select 1 Thessalonians 5:8

9Որովհետեւ Աստուած որոշեց մեզ ո՛չ թէ բարկութեան համար, հապա՝ փրկութեան տիրանալու մեր Տէրոջ՝ Յիսուս Քրիստոսի միջոցով:Select 1 Thessalonians 5:9

10Ան մեռաւ մեզի համար, որպէսզի մենք ապրինք իրեն հետ, արթուն ըլլանք թէ քնացած:Select 1 Thessalonians 5:10

11Ուստի յորդորեցէ՛ք զիրար եւ շինեցէ՛ք զիրար, ինչպէս արդէն կ՚ընէք:Select 1 Thessalonians 5:11

12Կը թախանձենք ձեզի, եղբայրնե՛ր, որ ճանչնաք ձեր մէջ աշխատողները, Տէրոջմով վերակացուներն ու ձեզ խրատողները:Select 1 Thessalonians 5:12

13Պատուեցէ՛ք զանոնք մեծ սիրով՝ իրենց գործին համար: Խաղաղութի՛ւն ունեցէք իրարու հետ:Select 1 Thessalonians 5:13

14Կը յորդորե՛նք ձեզ, եղբայրնե՛ր, խրատեցէ՛ք անկարգները, սփոփեցէ՛ք թուլասիրտները, ձեռնտո՛ւ եղէք տկարներուն, համբերատա՛ր եղէք բոլորին հանդէպ:Select 1 Thessalonians 5:14

15Զգուշացէ՛ք, ո՛չ մէկը չարիքի փոխարէն չարիք հատուցանէ ոեւէ մէկուն. հապա՝ ամէն ատեն հետամո՛ւտ եղէք բարիին, թէ՛ ձեր միջեւ, թէ՛ բոլորին հանդէպ:Select 1 Thessalonians 5:15

16Ամէն ատեն ուրա՛խ եղէք:Select 1 Thessalonians 5:16

17Անդադար աղօթեցէ՛ք:Select 1 Thessalonians 5:17

18Ամէն բանի մէջ շնորհակա՛լ եղէք, որովհետեւ ա՛յս է Աստուծոյ կամքը ձեզի հանդէպ՝ Քրիստոս Յիսուսով:Select 1 Thessalonians 5:18

19Մի՛ մարէք Սուրբ Հոգին:Select 1 Thessalonians 5:19

20Մի՛ անարգէք մարգարէութիւնները:Select 1 Thessalonians 5:20

21Քննեցէ՛ք ամէն բան, բարի՛ն ամուր բռնեցէք:Select 1 Thessalonians 5:21

22Ե՛տ կեցէք ամէն տեսակ չարութենէ:Select 1 Thessalonians 5:22

23Նոյնինքն խաղաղութեան Աստուածը ամբողջովին սրբացնէ ձեզ, եւ ձեր հոգին, անձն ու մարմինը ամբողջութեամբ անմեղադրելի պահուին մինչեւ մեր Տէրոջ՝ Յիսուս Քրիստոսի գալուստը:Select 1 Thessalonians 5:23

24Ա՛ն որ կանչեց ձեզ՝ հաւատարիմ է. նաեւ ի՛նք պիտի կատարէ ատիկա:Select 1 Thessalonians 5:24

25Եղբայրնե՛ր, աղօթեցէ՛ք մեզի համար:Select 1 Thessalonians 5:25

26Բարեւեցէ՛ք բոլոր եղբայրները սուրբ համբոյրով:Select 1 Thessalonians 5:26

27Կը պարտադրեմ՝՝ ձեզ Տէրոջմով, որ կարդաք այս նամակը բոլոր սուրբ եղբայրներուն:Select 1 Thessalonians 5:27

28Մեր Տէրոջ՝ Յիսուս Քրիստոսի շնորհքը ձեզի հետ: Ամէն:Select 1 Thessalonians 5:28