Psalms Psalm 80 Baiboly Malagasy (1865)

Poetry & wisdom · Psalms · Baiboly Malagasy (1865) · 19 verses

Verse layout

📝 Overview of this psalm Flow, key verses and people

시편 80편은 아삽의 시로, 이스라엘을 애굽에서 옮겨 심은 포도나무에 빗대어 황폐해진 백성을 회복시켜 달라고 "이스라엘의 목자"이신 하나님께 간구하는 공동체의 탄식시이다.

Jump to verse

2 3 4 5 6 7 8 9 10 11 12 13 14 15 16 17 18 19 20

80Psalms · Baiboly Malagasy (1865)

²Ry Mpiandry ny Isiraely ô, mihainoa, Hianao Izay mitondra an’ i Josefa toy ny ondry; Hianao, Izay mipetraka amin’ ny kerobima, mamirapiratra.

³Fohazy ny herinao eo anoloan’ i Efraima sy Benjamina ary Manase, ka avia hamonjy anay.

⁴Andriamanitra ô, ampodio izahay, ka ampamirapirato ny Tavanao, ary aoka hovonjena izahay.

⁵Jehovah, Andriamanitry ny maro ô, mandra-pahoviana no hanetroka amin’ ny fivavaky ny olonao ny fahatezeranao?

⁶Mampihinana azy mofo len-dranomaso Hianao, ary mampisotro azy ranomaso tovozina.

⁷Ataonao ho fifandirana amin’ ny mifanila fonenana aminay izahay; ary ny fahavalonay mifaly handatsa.

⁸Andriamanitry ny maro ô, ampodio izahay, ka ampamirapirato ny tavanao, ary aoka hovonjena izahay.

⁹Nisy voaloboka nafindranao avy tany Egypta; nandroaka ny jentilisa Hianao ka namboly azy kosa.

¹⁰Nitevy teo alohany Hianao, dia namaka lalina izy ka nameno ny tany.

¹¹Nanaloka ny tendrombohitra ny alokalony, ary ny sampany nanaloka ny sedera andrian-kazo.

¹²Nampisandrahaka ny rantsany hatramin’ ny ranomasina izy, ary ny sakeliny hatramin’ ny Ony.

¹³Nahoana no noravànao ny fefiny ka anotazan’ izay rehetra mandalo eny an-dalana izy?

¹⁴Ny lambo avy any an’ ala mitrongy azy; ary izay bibi-dia any an-tsaha mandàny azy.

¹⁵Ry Andriamanitry ny maro ô, miverena, ka tsilovy any an-danitra, ary jereo, ka vangio ity voaloboka ity.

¹⁶Arovy izay nambolen’ ny tananao ankavanana sy ny zanaka izay nampaherezinao ho Anao.

¹⁷Voadotry ny afo izy sady voakapa; fongotry ny fananaran’ ny tavanao izy.

¹⁸Aoka ny tananao ho amin’ ny lehilahin’ ny tananao ankavanana, dia amin’ ny zanak’ olombelona izay nampaherezinao ho Anao.

¹⁹Dia tsy hihemotra hiala aminao izahay; velomy izahay, dia hiantso ny anaranao.

²⁰Ry Jehovah, Andriamanitry ny maro ô, ampodio izahay; ampamirapirato ny tavanao, ary aoka hovonjena Izahay.

Baiboly Malagasy (1865)
Tap a verse to copy, share, highlight or add a note. Dotted words link to encyclopedia articles.

19 verses in this psalm

80 / 150 psalms

The text is Baiboly Malagasy (1865)(말라가시어) — From getbible.net (CrossWire SWORD module) · license: 공개 도메인 (Public Domain) Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.

Psalms Psalm 80 Baiboly Malagasy (1865)

Articles mentioning this psalm

More