Psalms Psalm 80 Old Public Domain Pohnpeian Bible

Poetry & wisdom · Psalms · Old Public Domain Pohnpeian Bible · 19 verses

Verse layout

📝 Overview of this psalm Flow, key verses and people

시편 80편은 아삽의 시로, 이스라엘을 애굽에서 옮겨 심은 포도나무에 빗대어 황폐해진 백성을 회복시켜 달라고 "이스라엘의 목자"이신 하나님께 간구하는 공동체의 탄식시이다.

Jump to verse

1 2 3 4 5 6 7 8 9 10 11 12 13 14 15 16 17 18 19

80Psalms · Old Public Domain Pohnpeian Bible

¹KOMUI sile pan Israel, kotin mangi; komui me kin apapwali Iosep dueta sip akan. Kom kotido, me kaipokedi pon angin Kerup.

²Kom kotin kasaleda omui manaman mon Epraim, o Peniamin, o Manase, o kotido, pwen sauasa kit!

³Maing Kot Sepaot, kom kotin kamait kit ala o kotin kasaleda silang omui, kit ap pan kelail kida.

⁴Ieowa Kot Sepaot, arai da, kom pan kotin ongiongiki kapakap en sapwilim omui aramas akan?

⁵Kom kin kotin kamanga kin ir prot en pil en mas, o kom kin kanim pile kin irail pil en mas toto.

⁶Kom kotin wiai ong kit, me men imp at kin akamaiki ong kit, o imwintiti pat kin lalaue kit.

⁷Kot Sepaot, kom kotin kamait kit ala o kotin kasaleda silang omui, kit ap pan kelail kida.

⁸Kom kotin wado sanger Äkipten tuka wain pot, o kom kokosang men liki kan, ap id padukedi i

⁹Kom kotin kokoi ong i al a o kawosada i, pwen kadirela sap o.

¹⁰Nana kan mi pan mot a, o ra kan kadupaledi sedern en Kot.

¹¹Kom kotin kalaudelar i lel ong madau o ra kan lel ni pilap o.

¹²Da me kom kotin kawe kilar a kel, pwe karos me dauli kin kawela?

¹³Pwik laualo dekadar, o man en nan sap kawelar.

¹⁴Maing Kot Sepaot, kom kotin wukedoke dong kit, o ireredo sang nanlang, o masani, o kotin sauasa tukan wain pot et,

¹⁵O kotin apapwali i, me lim omui padukedier, o me kom kotin apapwalier.

¹⁶A rong kilar kisiniai, a paledier, re okilar masan en silang omui.

¹⁷Lim omui apwali ol en pali maun omui, o irail, me kom kotin apapwalier.

¹⁸Kit ap sota pan wuki wei sang komui. Kom kotin kamaur kit da, kit ap pan kapinga mar omui.

¹⁹Ieowa Kot Sepaot, kom kotin kamait kit ala o kotin kasaleda silang omui, kit ap pan kelail kida.

Old Public Domain Pohnpeian Bible
Tap a verse to copy, share, highlight or add a note. Dotted words link to encyclopedia articles.

19 verses in this psalm

80 / 150 psalms

The text is Old Public Domain Pohnpeian Bible(폰페이어) — From getbible.net (CrossWire SWORD module) · license: 공개 도메인 (Public Domain) Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.

Psalms Psalm 80 Old Public Domain Pohnpeian Bible

Articles mentioning this psalm

More