1Galatians 1

1Poul the apostle, not of men, ne bi man, but bi Jhesu Crist, and God the fadir,Select Galatians 1:1

2that reiside hym fro deth, and alle the britheren that ben with me, to the chirchis of Galathie,Select Galatians 1:2

3grace to you and pees of God the fadir, and of the Lord Jhesu Crist,Select Galatians 1:3

4that yaf hym silf for oure synnes, to delyuere vs fro the present wickid world, bi the wille of God and of oure fadir,Select Galatians 1:4

5to whom is worschip and glorie in to worldis of worldis. Amen.Select Galatians 1:5

6I wondur, that so soone ye be thus moued fro hym that clepid you in to the grace of Crist, in to another euangelie; which is not anothir,Select Galatians 1:6

7but that ther ben summe that troublen you, and wolen mysturne the euangelie of Crist.Select Galatians 1:7

8But thouy we, or an aungel of heuene, prechide to you, bisidis that that we han prechid to you, be he acursid.Select Galatians 1:8

9As Y haue seid bifore, and now eftsoones Y seie, if ony preche to you bisidis that that ye han vndurfongun, be he cursid.Select Galatians 1:9

10For now whether counsele Y men, or God? or whether Y seche to plese men? If Y pleside yit men, Y were not Cristis seruaunt.Select Galatians 1:10

11For, britheren, Y make knowun to you the euangelie, that was prechid of me, for it is not bi man;Select Galatians 1:11

12ne Y took it of man, ne lernyde, but bi reuelacioun of Jhesu Crist.Select Galatians 1:12

13For ye han herd my conuersacioun sumtyme in the Jurie, and that Y pursuede passyngli the chirche of God, and fauyt ayen it.Select Galatians 1:13

14And Y profitide in the Jurie aboue many of myn eueneldis in my kynrede, and was more aboundauntli a folewere of my fadris tradiciouns.Select Galatians 1:14

15But whanne it pleside hym, that departide me fro my modir wombe,Select Galatians 1:15

16and clepide bi his grace, to schewe his sone in me, that Y schulde preche hym among the hethene, anoon Y drowy me not to fleisch and blood; ne Y cam to Jerusalem to the apostlis,Select Galatians 1:16

17that weren tofor me, but Y wente in to Arabie, and eftsoones Y turnede ayen in to Damask.Select Galatians 1:17

18And sith thre yeer aftir Y cam to Jerusalem, to se Petre, and Y dwellide with hym fiftene daies;Select Galatians 1:18

19but Y sawy noon othere of the apostlis, but James, oure Lordis brother.Select Galatians 1:19

20And these thingis which Y write to you, lo! tofor God Y lie not.Select Galatians 1:20

21Afterward Y cam in to the coostis of Syrie and Cilicie.Select Galatians 1:21

22But Y was vnknowun bi face to the chirchis of Judee, that weren in Crist; and thei hadden oonli an heryng,Select Galatians 1:22

23that he that pursuede vs sum tyme, prechide now the feith, ayens which he fauyte sum tyme;Select Galatians 1:23

24and in me thei glorifieden God.Select Galatians 1:24