4Galatians 4

1But Y seie, as long tyme as the eir is a litil child, he dyuersith no thing fro a seruaunt, whanne he is lord of alle thingis;Select Galatians 4:1

2but he is vndur keperis and tutoris, in to the tyme determyned of the fadir.Select Galatians 4:2

3So we, whanne we weren litle children, we serueden vndur the elementis of the world.Select Galatians 4:3

4But aftir that the fulfilling of tyme cam, God sente his sone,Select Galatians 4:4

5maad of a womman, maad vndur the lawe, that he schulde ayenbie hem that weren vndur the lawe, that we schulden vnderfonge the adopcioun of sones.Select Galatians 4:5

6And for ye ben Goddis sones, God sente his spirit in to youre hertis, criynge, Abba, fadir.Select Galatians 4:6

7And so ther is not now a seruaunt, but a sone; and if he is a sone, he is an eir bi God.Select Galatians 4:7

8But thanne ye vnknowynge God, serueden to hem that in kynde weren not goddis.Select Galatians 4:8

9But now whanne ye han knowe God, and ben knowun of God, hou ben ye turned eftsoone to the febil and nedi elementis, to the whiche ye wolen eft serue?Select Galatians 4:9

10Ye taken kepe to daies, and monethis, and tymes, and yeris.Select Galatians 4:10

11But Y drede you, lest without cause Y haue trauelid among you.Select Galatians 4:11

12Be ye as Y, for Y am as ye. Britheren, Y biseche you, ye han hurt me no thing.Select Galatians 4:12

13But ye knowen, that bi infirmyte of fleisch Y haue prechid to you now bifore;Select Galatians 4:13

14and ye dispiseden not, nether forsoken youre temptacioun in my fleisch, but ye resseyueden me as an aungel of God, as `Crist Jhesu.Select Galatians 4:14

15Where thanne is youre blessyng? For Y bere you witnesse, that if it myyte haue be don. ye wolden haue put out youre iyen, and haue yyuen hem to me.Select Galatians 4:15

16Am Y thanne maad an enemye to you, seiynge to you the sothe?Select Galatians 4:16

17Thei louen not you wel, but thei wolen exclude you, that ye suen hem.Select Galatians 4:17

18But sue ye the good euermore in good, and not oneli whanne Y am present with you.Select Galatians 4:18

19My smale children, whiche Y bere eftsoones, til that Crist be fourmed in you,Select Galatians 4:19

20and Y wolde now be at you, and chaunge my vois, for Y am confoundid among you.Select Galatians 4:20

21Seie to me, ye that wolen be vndir the lawe, `han ye not red the lawe?Select Galatians 4:21

22For it is writun, that Abraham hadde two sones, oon of a seruaunt, and oon of a fre womman.Select Galatians 4:22

23But he that was of the seruaunt, was borun after the flesh; but he that was of the fre womman, by a biheeste.Select Galatians 4:23

24The whiche thingis ben seid bi an othir vndirstonding. For these ben two testamentis; oon in the hille of Synai, gendringe in to seruage, which is Agar.Select Galatians 4:24

25For Syna is an hille that is in Arabie, which hille is ioyned to it that is now Jerusalem, and seruith with hir children.Select Galatians 4:25

26But that Jerusalem that is aboue, is fre, whiche is oure modir.Select Galatians 4:26

27For it is writun, Be glad, thou bareyn, that berist not; breke out and crye, that bringist forth no children; for many sones ben of hir that is left of hir hosebonde, more than of hir that hath an hosebonde.Select Galatians 4:27

28For, britheren, we ben sones of biheeste aftir Isaac;Select Galatians 4:28

29but now as this that was borun after the fleisch pursuede him that was aftir the spirit, so now.Select Galatians 4:29

30But what seith the scripture? Caste out the seruaunt and hir sone, for the sone of the seruaunt schal not be eir with the sone of the fre wijf.Select Galatians 4:30

31And so, britheren, we ben not sones of the seruaunt, but of the fre wijf, bi which fredom Crist hath maad vs fre.Select Galatians 4:31