5Galatians 5

1Stonde ye therfor, and nyl ye eftsoones be holdun in the yok of seruage.Select Galatians 5:1

2Lo! Y Poul seie to you, that if ye ben circumcidid, Crist schal no thing profite to you.Select Galatians 5:2

3And Y witnesse eftsoones to ech man that circumcidith hym silf, that he is dettour of al the lawe to be don.Select Galatians 5:3

4And ye ben voidid awei fro Crist, and ye that be iustified in the lawe, ye han fallen awei fro grace.Select Galatians 5:4

5For we thoruy the spirit of bileue abiden the hope of riytfulnesse.Select Galatians 5:5

6For in Jhesu Crist nether circumcisioun is ony thing worth, nether prepucie, but the bileue that worchith bi charite.Select Galatians 5:6

7Ye runnen wel; who lettide you that ye obeyede not to treuthe?Select Galatians 5:7

8Consente ye to no man; for this counsel ys not of hym that hath clepid you.Select Galatians 5:8

9A litil souredowy apeirith al the gobet.Select Galatians 5:9

10I trust on you in oure Lord, that ye schulden vndurstonde noon other thing. And who that disturblith you, schal bere dom, who euere he be.Select Galatians 5:10

11And, britheren, if Y preche yit circumcisioun, what suffre Y yit persecucioun? thanne the sclaundre of the crosse is auoidid.Select Galatians 5:11

12Y wolde that thei weren cut awei, that disturblen you.Select Galatians 5:12

13For, britheren, ye ben clepid in to fredom; oneli yyue ye not fredom in to occasioun of fleisch, but bi charite of spirit serue ye togidere.Select Galatians 5:13

14For euery lawe is fulfillid in o word, Thou schalt loue thi neiybore as thi silf.Select Galatians 5:14

15And if ye bite, and ete ech othere, se ye, lest ye be wastid ech fro othere.Select Galatians 5:15

16And Y seie you in Crist, walke ye in spirit, and ye schulen not performe the desiris of the fleisch.Select Galatians 5:16

17For the fleisch coueitith ayens the spirit, and the spirit ayen the fleisch; for these ben aduersaries togidere, that ye don not alle thingis that ye wolen.Select Galatians 5:17

18That if ye be led bi spirit, ye ben not vnder the lawe.Select Galatians 5:18

19And werkis of the fleisch ben opyn, whiche ben fornicacioun, vnclennes, vnchastite, letcherie, seruice of false goddis,Select Galatians 5:19

20witchecraftis, enmytees, striuyngis, indignaciouns, wraththis, chidingis, discenciouns, sectis, enuyes,Select Galatians 5:20

21manslauytris, dronkennessis, vnmesurable etyngis, and thingis lijk to these, whiche Y seie to you, as Y haue told to you `to fore, for thei that doon suche thingis, schulen not haue the kyngdom of God.Select Galatians 5:21

22But the fruyt of the spirit is charite, ioye, pees, pacience, long abidyng,Select Galatians 5:22

23benygnyte, goodnesse, myldenesse, feith, temperaunce, contynence, chastite; ayen suche thingis is no lawe.Select Galatians 5:23

24And they that ben of Crist, han crucified her fleisch with vices and coueytyngis.Select Galatians 5:24

25If we lyuen bi spirit, walke we bi spirit; be we not made coueytouse of veyn glorie, stirynge ech othere to wraththe, or hauynge enuye ech to othere.Select Galatians 5:25