121 Corinthians 12

1But of spiritual thingis, britheren, Y nyle that ye vnknowun.Select 1 Corinthians 12:1

2For ye witen, that whanne ye weren hethene men, hou ye weren led goynge to doumbe maumetis.Select 1 Corinthians 12:2

3Therfor Y make knowun to you, that no man spekynge in the spirit of God, seith departyng fro Jhesu; and no man may seie the Lord Jhesu, but in the Hooli Goost.Select 1 Corinthians 12:3

4And dyuerse graces ther ben, but it is al oon Spirit;Select 1 Corinthians 12:4

5and dyuerse seruyces ther ben, but it is al oon Lord; and dyuerse worchingis ther ben,Select 1 Corinthians 12:5

6but `al is oon God, that worchith alle thingis in alle thingis.Select 1 Corinthians 12:6

7And to ech man the schewyng of spirit is youun to profit. The word of wisdom is youun to oon bi spirit;Select 1 Corinthians 12:7

8to another the word of kunnyng, bi the same spirit;Select 1 Corinthians 12:8

9feith to another, in the same spirit; to anothere, grace of helthis, in o spirit;Select 1 Corinthians 12:9

10to another, the worchyng of vertues; to another, profecie; to another, very knowyng of spiritis; to another, kyndis of langagis; to another, expownyng of wordis.Select 1 Corinthians 12:10

11And oon and the same spirit worchith alle these thingis, departynge to ech bi hem silf as he wole.Select 1 Corinthians 12:11

12For as ther is o body, and hath many membris, and alle the membris of the bodi whanne tho ben manye, ben o bodi, so also Crist.Select 1 Corinthians 12:12

13For in o spirit alle we ben baptisid `in to o bodi, ether Jewis, ether hethene, ether seruauntis, ether free; and alle we ben fillid with drink in o spirit.Select 1 Corinthians 12:13

14For the bodi is not o membre, but manye.Select 1 Corinthians 12:14

15If the foot seith, For Y am not the hoond, Y am not of the bodi; not therfor it is not of the bodi.Select 1 Corinthians 12:15

16And if the ere seith, For Y am not the iye, Y am not of the bodi; not therfor it is not of the bodi.Select 1 Corinthians 12:16

17If al the bodi is the iye, where is heryng? and if al the bodi is heryng, where is smellyng?Select 1 Corinthians 12:17

18But now God hath set membris, and ech of hem in the bodi, as he wolde.Select 1 Corinthians 12:18

19That if alle weren o membre, where were the bodi?Select 1 Corinthians 12:19

20But now ther ben many membris, but o bodi.Select 1 Corinthians 12:20

21And the iye may not seie to the hond, Y haue no nede to thi werkis; or eft the heed to the feet, Ye ben not necessarie to me.Select 1 Corinthians 12:21

22But myche more tho that ben seyn to be the lowere membris of the bodi, ben more nedeful;Select 1 Corinthians 12:22

23and thilke that we gessen to be the vnworthier membris of the bodi, we yyuen more honour `to hem; and tho membris that ben vnonest, han more oneste.Select 1 Corinthians 12:23

24For oure oneste membris han nede of noon; but God tempride the bodi, yyuynge more worschip to it, to whom it failide,Select 1 Corinthians 12:24

25that debate be not in the bodi, but that the membris be bisi in to the same thing ech for othere.Select 1 Corinthians 12:25

26And if o membre suffrith ony thing, alle membris suffren therwith; ethir if o membre ioieth, alle membris ioien togidere.Select 1 Corinthians 12:26

27And ye ben the bodi of Crist, and membris of membre.Select 1 Corinthians 12:27

28But God sette sum men in the chirche, fyrst apostlis, the secunde tyme prophetis, the thridde techeris, aftirward vertues, aftirward graces of heelyngis, helpyngis, gouernails, kyndis of langagis, interpretaciouns of wordis.Select 1 Corinthians 12:28

29Whether alle apostlis? whethir alle prophetis? whether alle techeris? whether alle vertues?Select 1 Corinthians 12:29

30whether alle men han grace of heelyngis? whether alle speken with langagis? whether alle expownen?Select 1 Corinthians 12:30

31But sue ye the betere goostli yiftis. And yit Y schewe to you a more exellent weye.Select 1 Corinthians 12:31